吴语协会

 找回密码
 开只户头

扫一扫,访问微社区

QQ登录

只需一步,快速开始

搜索
查看: 13753|回复: 36

88嘉定印象

[复制链接]
发表于 2007-12-26 21:09:44 | 显示全部楼层 |阅读模式
88嘉定印象
    我也想来学学张艺谋,来一个××印象。只勿过,文学功底实在勿哪能,写出来各物事要差得多。首先声明,20年前头个事体,如果有所出入,记了勿清爽,箇也是正常个。
    我是88年毕业以后,勒拉最热个7月底到嘉定联华去报到工作个。之所以选勒拉7月底,老早国营厂做过个侪晓得个,中国工资个算法是半个月一算个,就算31号报到也可以拿半个月个工资个。
    勒拉来嘉定之前,我只有2次搭嘉定有过联系,一次是中学辰光,伲松江二中搭嘉定一中交换过一次考卷,也就是我伲做嘉定一中个考卷,嘉定一中做我伲个考卷。当时对我讲,嘉定搭嘉兴是一样个,侪是遥远个地方。另外一次就是读大学辰光搭同学乘北嘉线千辛万苦到过秋霞圃、汇龙潭、还有埃只法华塔白相过一次。其它辰光,嘉定搭我浑身勿搭界个。呒没想到,勿但我个青春勒拉嘉定度过,并且搭嘉定结下一生个缘分。
    嘉定县城拨我个第一印象就是小外加勿大闹猛。我勒拉松江读了6年中学,松江城厢镇个布局是蛮怪个,南到北估计只有2公里样子,东到西恨勿得有5公里勿止(瞎估计个)。而嘉定东到西,南到北侪只有2公里个样子(清河路搭城中路,西大街勿算)。松江从解放路(现改名谷阳路)到马路桥一埭路侪是商店。嘉定只是东一撮,西一撮,侪是勿成规模个几爿店,就连新嘉商场也是刚刚开出来个。就勒拉科大个对过,塔城路边浪,还有几块农田,里头种了一眼菜。
    嘉定拨我个第二个印象是比较清爽、绿化好、安静。好像勒拉埃个辰光,城中路搭塔城路浪机非车道个隔离已经是用绿化带了。勿管是松江还是上海我读书个附近(我读书勒拉纺大,老早叫华纺,现在叫东华),清爽搭绿化侪比勿过嘉定个。按照当时辰光人个心态,到了一个单位侪是一辈子个事体,所以我想,嘉定环境勿错,一辈子做嘉定人也蛮好。
    第三个印象是嘉定人个语言。埃个辰光,各乡箇镇个人到嘉定买房子还呒没开始,城里向侪是嘉定城厢镇人为主,勿过嘉定人讲几乎纯上海言话个人交关,年纪轻一眼个口音至少已经蛮接近上海话。而我读中学个辰光(78-84)松江城里基本呒没人讲上海言话,侪是一口松江言话。大概是因为嘉定市属单位比较多,上海人多个原因。有一个例子可以说明嘉定个特殊性:嘉定老早就用管道煤气了,外加是从上海市区用管道输送过来个。而松江,当时侪还勒拉用煤饼炉烧饭,呵呵。
    正宗嘉定言话我第一句有印象是“haon”,表示弄,箇个是闻所未闻个。第二句有印象个是勒拉一部公共汽车浪向,有一个小囡问伊个娘目的地到了伐,伊问:“aon 到”,伊拉娘讲:“Ven 到”。我觉着搭苏州言话蛮接近个,觉着交关文雅。
    嘉定对我影响最大个地方就是西大街。讲到西大街,不晓得从何里搭讲起。日日侪勒拉西大街经过,反而没啥物事好唠叨了。一句言话可以概括西大街――西大街比嘉定其它地方,至少落后10年。当时辰光,我几乎当仔时光倒流到70年代末。
    以此纪念到嘉定工作20周年―――还有半年,就是20年了。
    小囡请多指正。
发表于 2007-12-27 15:12:43 | 显示全部楼层
嘉定县城倒还没去过
只去南翔吃过小笼包,去过安亭看F1。。。。。
发表于 2007-12-27 15:50:48 | 显示全部楼层

太赞勒,勾起我弗少回忆

讲起来西大街是嘉定镇个发源地。联华厂是做啥物事个?西大街个主要工厂好像就是复建厂嘛,弗大记得联华厂勒啥地方。。。

前后an拼音有眼弗对,夯读han,盎读an,弗是aon。

嘉定市属单位比较多,交关单位里向基本浪是市区方言岛,尤其是一眼科研单位搭仔科大。

老早子城中路浪老房子搭农田弗少个,我小辰光体育场北面就是一大片老房子,后首来再造个体育馆。
发表于 2007-12-27 16:08:16 | 显示全部楼层
盎 是后ang,on sale就是 盎三。。。。
 楼主| 发表于 2007-12-27 16:21:59 | 显示全部楼层
呵呵,应该是han
联华公司在沪宜公路上,实际上,说得明白一些是在侯黄桥向西约500米的地方,属于嘉西乡地面。公司已经倒闭,当初是生产涤纶长丝的,兴旺时利润为5000万一年(91年)。
复建厂是在清河路上,现供电局对面
发表于 2007-12-27 16:33:39 | 显示全部楼层
原帖由 guoguo 于 2007-12-27 16:08 发表
盎 是后ang,on sale就是 盎三。。。。


这里讲的“盎”指的是“阿曾”的合音,读an。
发表于 2007-12-27 19:14:36 | 显示全部楼层
單位裡有好幾個嘉定『城中出來』呃同事
個別人一眼也沒嘉定口音,統統上海市區閑話,還弗是市裏遷到嘉定單位職工的子女

上海各縣城裏頭,我衹有 奉賢南橋&崇明城橋 還沒去過
发表于 2007-12-27 21:12:43 | 显示全部楼层
我不少中学同学到市区读完大学也都变成市区口音了。。。
发表于 2007-12-27 21:24:59 | 显示全部楼层
我登勒江阴市区三年侪是讲普通话个。。。
发表于 2007-12-28 09:50:27 | 显示全部楼层
要求楼上切腹谢罪。。。。。。
发表于 2007-12-28 10:56:28 | 显示全部楼层
请客谢罪
发表于 2007-12-28 11:07:11 | 显示全部楼层
勒江阴城里讲普通话?阿要肉麻……
发表于 2007-12-28 11:08:17 | 显示全部楼层
变成功吴xx批斗大会了?
发表于 2007-12-28 11:18:31 | 显示全部楼层
勿过难怪,有无锡人在上海工作,每周往返。我问他在上海讲什么话,他说普通话!

想来,勒上海滩朗讲无锡话就阿乡了……晕!!
发表于 2008-7-1 17:05:13 | 显示全部楼层
奉贤南桥我经常去 我学校就在奉贤 奉贤真是蛮乡下的 除了南桥么地方好去 现在奉贤那里本地人也很少 四川人安徽人比较多 要听到纯一点的奉贤本地话我还要听我奉贤同学跟老子打电话...另外么 我们寝室6个人 1个浙江海盐 1个嘉定 1个江阴 1个南通通州 还有2个上海宁波人  虽说都是吴语 不过明显通州话比较难听懂 嘉定话口音已经跟市区很接近 海盐话么感觉跟金山话近 江阴话么都听得懂 我们隔壁寝室么3个崇明人 崇明话我就懂点单词 说快了听不懂 还有2个松江人 说话比较土 快了也听不懂....至于还有安徽的根本就不是吴语了 一点也听不懂...
发表于 2008-7-1 17:09:13 | 显示全部楼层
原来我里江阴话比松江话好懂啊。。。。
发表于 2008-7-1 17:22:49 | 显示全部楼层
至少我是这么觉得的江阴话比较好懂 很多词也一样 白相 之类的 松江话语法跟很多词反而感觉不如江阴话近...
发表于 2008-7-1 17:35:06 | 显示全部楼层
原帖由 吴人 于 2008-7-1 17:09 发表
原来我里江阴话比松江话好懂啊。。。。

基本浪向越北越好懂,基本如此,北面到底南蛮音少呵。

[ 本帖最后由 乌程仔 于 2008-7-1 18:41 编辑 ]
发表于 2008-7-1 19:08:08 | 显示全部楼层
仔仔:倷要當心一不當心到了韃虜音地盤
 楼主| 发表于 2008-7-1 19:13:29 | 显示全部楼层
松江话介难懂啊?也可能弗是城里言话,葛么作兴蛮难懂个
您需要登录后才可以回帖 登录 | 开只户头

本版积分规则

手机版|Archiver|吴语协会 Wu Chinese Society ( 网友言论不代表本站观点 )

GMT+8, 2020-11-28 16:38

Powered by Discuz! X3.4

© 2001-2017 Comsenz Inc.

快速回复 返回顶部 返回列表