台州话对白(改版正字)

dorp

原版为台州市区椒江话,改版成温岭话

渠嘞椒江十字路口兜牢渠个"大绵羊":
gie leu Ciaukaun jihz luchieu teulau giekeh "damierian":
(温岭话对白)
"停落来,停落来."
din lohle,din lohle.
"妆介呣?"
tzaun kam?
"妆介呣??!! 哦,"大绵羊"馺馺蛮龙个,头盔弗戴.驾驶证,行驶证?"
tzaun kam??!! au,"damierian" sasa maelon keh, deukhue fehta. cias cin,rans cin?
"当然有个! 我为介呣要拨尔啊?我咦认尔弗得?"
taunjie iukeh! ngo ry kam ih pehn ra? ngo ri nin n fehteh?
"哦,有趣,为介呣,呒望我穿制服啊? 我有权拦尔."
au, iuchy, ry kam, m maun ngo chyoe civoh ra? ngo iugyoe lae'n.
"制服能证明介呣啊? 制服假个多叻猛! 我朋友认得一个当兵个,末脚....."
civoh nen cinmin kam ra? civoh kokeh tu leh man! ngo ban'iu ninteh ihkeh taunpin keh,mihcian...
"消搭我讲故事. 快定,证件."
shiau tehngo kaun kuz. khuadin,cindjie.
"敢尔搭尔讲故事啊,搭尔讲道理,制服是弗可信个,体,要伐尔拨尔个工作证拨我望记相?"
kiae'n tehn kaun kuz ra,tehn kaun dauli,civoh z feh khoshin keh, thi, iaufeh n peh nkeh kuontzoh cin peh ngo maunci shian?
"喏,自己望."
no, zci maun.
"哦,尔奥张金. 奖金,龙得猛? 呵呵...."
au, n au Ciancin. ciancin, lonteh man? hoho...
"张全"
Cianjyoe
"乱讲,尔望相,个个勿是金字啊?"
loekaun,n maunshian, kehkie vehz cin z ra?
"全"
jyoe
"ok,ok,便当尔是张全,但照片搭尔弗相像啊."
okhie, okhie, be taun nz Cianjyoe,dae ciauphie tehn feh shianjian ra.
"弗晓得,有可能呒戴帽吧."
feh shiauteh, iu kho'nen m tamau pa.
"体介,尔帽摘落来望望相? 还有,笑记. 嗯,有眼像. 照片叻细无数?"
thika, n mau tzeh lohle maunmaun shian? wa'iu, shiauci. ng, iuniae jian. ciauphie leh shi vusu?
"蛮早个"
maetzau keh
"哦,后生还蛮崭"
au, ieusan wa maetzae
"望完噢伐,驮转来."
maunwe au va, du cyoele
"慌介呣,证件弗可能假个吧?让我多望记相. 嗐,电话号码有伐???"
huaun kam,cindjie feh kho'nen kokeh pa? nianngo tu maunci shian. re,diewa raumo iuva???
"快定啊,我呒时间."
khuadin ra,ngo m zkiae.
"体,难为情死,我有时间,闲叻猛. 昶记可做叻负离子烫.等记我介搭转圈,趒迲买几件衣裳........" thi, naewe jin s, ngo iu zkiae, rae leh man. chianci chieu tzuleh vu litztaun. tenci ngo katae cyoekhyoe, diaukheh ma cidjie izaun......
"快定,姊妹,还转我?算我求尔噢.尔望望相,车集牢定噢."
khuadin,zme, waecyoe ngo? soengo djiu'n au. n maunmaun shian. tso jihlau din au.
"呵呵,消怨我,咦弗是我兜尔,是尔兜我啊."
hoho, shiau yoengo,ri vehz ngo teu n,z n teu'ngo ra.
"姊妹,姊妹,算我错噢,头盔戴上快定趒开,快定趒开."
zme,zme,soengo tso au,deukhue tazaun khuadin diaukhie, khuadin diaukhie.
"哦,弗拦我啊!呵呵,体我开噢吤,老师头,拨尔噜苏噢嗳!!!!!"
au, feh laengo ra! hoho, thi ngo khie au ka, laus deu, pehn lusu au e!!!!

[ 本帖最后由 dorp 于 2007-6-4 18:59 编辑 ]

吴人

警察故事多。。。

dorp

小城故事多~~~:hihi

东东

原帖由 吴人 于 2007-6-5 04:23 发表
警察故事多。。。

因为某警察是某版的版花。。。。某姐姐钦点的状元啦:haha