我伲小辰光个白相馆搭游戏

泖港人

       我伲小辰光，勿像现在，商店里头个白相馆行情行市，再加上当时呒没板板，大人基本浪勿拨我伲买个，要白相只好侪自家动手，丰衣足食。我还算好，前后有过3把小手枪。勿过，我今朝要回忆个是自家做个白相个物事搭仔一眼小辰光白相个游戏。
      老早辰光相对现在是交关闭塞，特别是我伲泖港，四面环河，连一部汽车也开勿进，我伲白相个物事勿一定别样地方也有。
一、转轮
    箇个名称是我自家起个，我根本勿晓得箇只到底叫啥个名字，外加我从来没拉别个户荡（地方）看见过，箇佬摆拉头一个讲。
    箇只物事呢，我也蛮难形容个，我只好讲一讲做法：
    首先，寻一块光砖（名称可能有错，就是老式瓦爿房勒拉瓦下头个一块大约1公分厚，砖头大小个，搁勒拉椽子浪个），只要有5公分长正方形样子就可以了。拿箇块物事勒拉粗糙个水泥墙浪反复磨，磨成功5公分直径个圆砖，越圆越好。再用小刀勒拉当中挖穿，挖穿之后用一根3公分左右长，1公分左右外径个小竹管插进去，一定要老紧个。一头搭圆砖一样平，一头当然要冒出2公分样子。用一根竹筷子，削成功像箭一样个形状，箭头是圆锥形个，锥高为1公分勿到个样子，箭身5公分。锥形部分最大直径要比竹管内径大，箭身部分要比竹管小，从小竹管里头穿过去。再寻一根鞋底线（扎鞋底用个），就可以白相了。
    拿鞋底线勒拉小竹管浪绕10来圈，左手捏牢箭身露出小竹管个部分，用里拉鞋底线用力一拉，圆砖就以箭身为轴，飞快转动，拿伊摆拉地浪，箭头接触地皮，箇只物事可以转交关辰光。小朋友们就大家比啥人转了辰光长。关键是砖头要勿大勿小，平整度好，圆整度要高。我伲还勒拉砖头上头用蜡笔画各种颜色，增加点乐趣。
二、土发令枪
    箇名字也是我自家起个
    用一根有弹性个铅丝，弯成功小手枪个样子，两头接触点勒拉大约真手枪个保险箇搭。接触点个上头部分拿伊磨尖，外加弯个辰光要多弯下去点，超过下头。接触点个下头部分要装一只“奶子”。呵呵，比较粗俗，实际浪是黄鱼车个钢丝搭钢圈链接处个箇只小零件。
    箇只奶子个当中是有3毫米左右个小洞个，2分洋钿去买一包自来火，拿3－4根自来火个火药削下来摆拉小洞里头，拿上头尖头部分搁拉奶子小洞口口头，手一扳，尖头落进小洞，就会有“啪”个一记响声，成功率勿是老高，但是我伲乐此不疲。
三、未完待续

[ 本帖最后由 泖港人 于 2007-12-28 12:20 编辑 ]

泖港人

示意图，画图水平差，将就着看，呵呵

showay

先进

疁城小囡

转轮好像就是土制陀螺嘛，土发令枪我小辰光也白相过个，不过式样好像比侬画个高级眼，有扳机个。

泖港人

喔，勿过陀螺是一体式个，我伲个物事销子搭仔圆砖勿是一体个，是活络个。陀螺可以抽个，箇个停下来就没办法了
埃个发令枪侬也做过个？外加要先进！！！:freelaugh:

吴人

第二样我肯定白相过个。。

疁城小囡

弗是我做个，是班级里皮大王做个。发火装置是用扳机橡皮筋控制个。

大椿

各位小辰光白相过“劈啪管”吗？我玩过的。

锯一节细竹管，取树上长的劈啪仔（绿色，略大于管口）塞进去。再用筷子做一活塞推进竹管，啪的一声响，可将劈啪仔打出老远。当然，打在人面孔上蛮痛个……

劈啪仔不易寻找，即以棉纸泡湿捏成小团代替。:shying:

疁城小囡

白相过个，哈哈。 弹药采集不易啊。

showay

用纸头泡成浆浆完过
用的是一根废掉的水彩笔的笔管

吴人

原帖由 大椿 于 2007-12-31 13:38 发表
各位小辰光白相过“劈啪管”吗？我玩过的。

锯一节细竹管，取树上长的劈啪仔（绿色，略大于管口）塞进去。再用筷子做一活塞推进竹管，啪的一声响，可将劈啪仔打出老远。当然，打在人面孔上蛮痛个……

劈啪仔不易寻找，即以棉纸泡湿捏 ...

白相过个:hihi: 属于比较复杂个一种土白相家事。。。

大椿

是啊，复杂在活塞杆的长度必须比竹竿短一点，到底短多少难易掌握。即管内压缩空气量正好可将“子弹”射出去。

mandarin

我太不纯洁了

大椿

原帖由 showay 于 2007-12-31 15:02 发表
用纸头泡成浆浆完过
用的是一根废掉的水彩笔的笔管

您这一说，想起来了，为了做劈啪管，写大楷的毛笔曾经废掉好几支……作孽！

showay

大椿

还有种游戏十分简单，我小辰光曾经乐此不疲。那就是用一根橡皮筋弹纸子弹。方法是将橡皮筋在左手拇指和食指一套，再用右手一拉，就能把夹在橡皮筋上的“子弹”弹射出去。纸子弹，是用裁成的小纸条自家折的，硬扎点的纸头（譬如道林纸）折出来的子弹会伤人，因为成∧形的子弹头朗向专门折有尖角……

两帮小朋友，备足子弹对峙开战，喊叫的，躲避的，再接再厉的，哭出呜啦的……实在闹猛弗过啊。

疁城小囡

橡皮筋弹纸弹是课间娱乐最佳工具，想不到历史也蛮悠久嘛。

纸弹最重要多抈几层，再软个纸头也会变勒绷绷硬。假使纸弹头浪再磨磨尖，橡皮筋改用双股牛皮筋，威力倍增，足以杀人于无影无形哉。

大椿

阿唷，写错脱。应该是将橡皮筋在右手拇指和食指上一套，哈！多年不练，忘记落咧……:shying:

z200052

“劈啪管”孛相过歇箇，是用湿纸团做子弹的。还孛相过一种比较精致个：是用一根硬的像鹅毛管那样的管子，配一根小的棍子，比较别致的是子弹竟是一块胡罗卜。把管子两头往胡罗卜上一插，就各有一段胡罗卜堵着，用小棍把一头的胡罗卜顶过去，那一头的就啪的一声飞出去了。那时还没有塑料（或是塑料没有广泛使用），那管子用的什么材料，一直没有弄明白。

大椿

说来有趣，最后一次用此法是向小窗户里弹射纸条。那是1970年，那个小房间里关了个“五一六”分子，莫须有的罪名，我同情他，常给他“通风报信”——这，又是一个故事了。