【转载】活络

吴人 · 发表于 2010-10-23 18:53:42

http://blog.eastday.com/qiannairong/art/1174908.html
      分别刊于《新民晚报》2010年9月26日“上海闲话”专栏

   假使讲，“精明”是上海人辣辣自由竞争个商业社会当中铸造、熏染出来个一种价值认同告【和】优良素质个闲话，葛末【那么】，“活络”更加是上海人练就个一种生存适应能力。

   开埠后个上海，拥进上海来个是各色参差人等，寻饭吃是呒没固定个档子拨侬个，勿是等辣海分配个，更勿是拿死个、一律勿变个工钿，吃大锅饭个，职业可以自由更换，商业化个社会拨【给】了每个人活动个机遇告余地，使得一个人个能力有充分发挥、驰骋个天地。搞得好勿好，一切侪决定于侬个处世能力。积极性个高下，活动能力个大小，就决定了一个人个成败，也决定了自家个生活水准告社会地位。上海人住辣石库门弄堂、社区里向，告各色身份地位个人交往，也需要活络个个性。所以，活络是新个谋生方式告消费方式个产物。

   “活络”，就是“反应快”，“头子活【头脑灵活，善于与人交际，处事获利】”，“兜得转【处理各种关系路路通】”，勿死板，还有辣“衔接处灵活”。上海人办事，讲究能力告技巧。辣辣游戏规则当中竞技，面对交关活里活络个“勿确定”，能迅速判断迅速理清决策。活络是上海滩上积淀传代的上海人素质，改革开放以后，活络又成了“上海速度”个有力托盘，拨上海带来了无限生机。
“小方搿趟又上光荣榜了，眼看要升科长了。”“是呀，阿方搿个人头子活，样样案子侪弄得着，复杂案子到伊手里办案又想得周到，只脑子就是活络！”活络个人当然辣现代错综复杂个社会里处理矛盾游刃有余。

   “活络”得开，是有底线个。一是勿能损人利己，二是讲话做事勿能够“豁边”到游戏规则外面去，到呒没分寸、勿着边际个地步，就是 “野豁豁”了！

      跟“活络”相对个，就是上海人对“木头木脑”、“呆nge头呆脑”个“呆木头”或者“寿头【傻瓜】码子”侪是看勿起或者交关鄙夷个。因为伊拉反应勿灵敏，常常要“慢半拍”坐失良机。辣辣“时间就是金钱”、“知识就是力量”个博弈当中，搿种人往往会拨【被】out个。

热度 · 发表于 2010-10-24 00:00:25

已非上海話專用詞彙了

Salomé · 发表于 2010-10-24 00:05:03

wahlah么，明显很多地方都用。

mandarin · 发表于 2010-10-24 10:40:13

钱老师把门槛精都算在沪语，还拱手让拨辣猢狲，区区活络……

Salomé · 发表于 2010-10-24 16:23:40

最搞笑的ghausau，说是外来语，结果开化人拿来当网名。

laosuzhou · 发表于 2010-10-24 21:29:52

http://blog.eastday.com/qiannairong/art/1174908.html
分别刊于《新民晚报》2010年9月26日“上海闲话”专栏

假使讲，“精明”是上海人辣辣自由竞争个商业社会当中铸造、熏染出来个一种价值认同 ...
吴人发表于 2010-10-23 18:53

我勿晓得黑括号里向格解释，是原有嘅还是楼主转载格辰光添加上去嘅？勿管哪亨格情况，该文作者格上海闲话用字水平实在勿敢恭维。

mandarin · 发表于 2010-10-24 22:18:24

本帖最后由 mandarin 于 2010-10-26 12:42 编辑

最搞笑的ghausau，说是外来语，结果开化人拿来当网名。
Salomé 发表于 2010-10-24 16:23

评弹里也说豪骚的呀，“要紧（转去/踏出来/囥好……）……啥人晓得叫啥……，乃么ghaesae……”么常用句式啘，还外来语，哪唔拨伊想得出个。。。。

帐号		自动登录	找回密码
密码			开只户头