疾病名字之吴语特色称谓

吴人

今朝看见泖港人阿哥拉问 出痧子 是啥个毛病，一想，唉，吴语里向有种讲法真个是弗晓得对应个国语/专业名字是啥，像煞两条平行线，各讲各个，那嚜想着开只帖子来问问大家看，吴语里向还有点啥个特色个毛病叫法，到底是啥毛病，来做做连线题目。

泖港人问个是 出痧子 阿是 麻疹，我吃大弗准。“小肠气”是 疝气 嚜我晓得个。我里搭 腮腺炎 叫 闲猫乌，搭 蝌蚪 个叫法一脱一样。我想着想，还有像煞：
风疹块是啥？生个 疖 又是啥呢？
大家侪来讲讲看呢。

goon

很多只知道个叫法，具体学名甚至症状都不记得了，先来说一个
腰间起的红斑  蛇缠
腮处发肿 正规的叫 to se，口语里叫 大黄蜂

输畀侬

风疹块是荨麻疹个症状。疖要么是毛囊炎个症状啊？

热度

腮腺炎=“大嘴巴”

風痧、熱癤頭、風疹塊、老鼠奶奶……

goon

原来我们的大黄蜂在上海叫大嘴巴
老鼠奶
黄胖病  也听过
癗痘  青春痘

吴人

“发ngoh子”，疟疾。
“杨梅疮”，梅毒。
“烂喉痧”，有咽部红肿症状的急性感染。
“la疥疮”，疥疮。
“黄胖病”，有腹水的肝病。
“人中疔”、“搭背”、“断头疔”，痈。
“穿骨流注”，疑是骨结核的一种症状。
“绞肠痧”，阑尾炎。
“走马牙疳”，恶性牙龈感染。
“痨病”，多指肺结核病。
“发寒热”，发热。
z200052 发表于 2010-9-4 13:05

发ngoh子就是发疟子？疟 理论上读 捏，ngoh大概好算是像苏州 月 读ngeh一样个层次。
杨梅疮 是听见过歇个。其他像煞侪弗曾听歇，要么就是叫法两样，譬方讲：
癞疥疮 像煞我里叫 癞疥头；
阑尾炎 我里叫 盲肠炎；
发寒热 我里就叫 发热；
还有个弗曾大听歇。。。
还有只 三日头 弗晓得是啥毛病。

钱塘知府

我只晓得瘌痢头

laosuzhou

“发ngoh子”，疟疾。
“杨梅疮”，梅毒。
“烂喉痧”，白喉或有咽部红肿症状的急性感染。
“la疥疮”，疥疮。
“黄胖病”，有腹水的肝病。
“人中疔”、“搭背”、“断头疔”，痈。
“穿骨流注”，疑是骨结核的一种 ...
z200052 发表于 2010-9-4 13:05

疟疾，还称为::隔日头、三日头。这是因为寒热格发作间隔日数有别。三日头是疟疾中最厉害格一种。
癞疥疮，是疥癣。是由疥癣虫侵入皮下而引起的皮肤病。如果生在头上，则又称瘌痢头。
肝炎腹水，称为鼓胀病，又叫水鼓胀。阻塞性肝炎，叫做黄疸病。
人中疔，是应为疔疮生长在上嘴唇上方人中穴及附近处；断头疔，朆听见过。不过有一种生在手指头上的疔疮，称之为“蛇头疔”。对口、搭背，侪属于痈疽之类的外科疾病，前者生长的部位在颈后与口腔相对的部位，后者生于后背，自己的手指能够到的地方。在过去，这些都是十分险恶的外科疾病。
腹泻，称“肚皮惹”。
霍乱，称“瘪脶痧”。这是因为上吐下泻导致严重失水，而致使手指皮肤塌陷。
鼠疫，称“黑死病”。人死时皮肤发暗黑色。
阑尾炎，即盲肠炎，称“绞肠痧”。因其发病时腹痛如绞肠。

goon

腹泻，称“肚皮惹”。
我处是 肚皮dza（射），不是惹nia

钱塘知府

同楼上