两个常用动词

laosuzhou

原帖由 姬远清 于 2008-5-1 10:54 发表
1 ngoh : 抬头状,义同"昂",如"头ngoh出来"
2 hoh  :  紧贴状,如"hoh紧点"

实在找不到字,又是常用说法.

倷提出来格箇两个字，应该勒《当代吴语研究》箇本书里向侪能够寻得着嘅。
第一个字，是勒电脑字库里向呒不嘅。写作“{岳页}”，读作[ngoh]，勒苏州闲话里还有一个读[ngao]，字义也是一样“抬起头”格意思，写作“{敖页}”。所以我建议用“傲”来代替“{敖页}”。用哪个字来代替“{岳页}”字？我还朆想出来。
第二个字，是“攉”字。譬如，“贴膏药”，叫做“攉膏药”；膏药“贴牢点”，就叫做，“攉得牢靠点”；“靠紧点”，也叫做“攉紧点”。

姬远清

多谢ls给出的字,只是第二个似乎意思不合么.

laosuzhou

原帖由 姬远清 于 2008-5-30 10:03 发表
多谢ls给出的字,只是第二个似乎意思不合么.

远清兄，倷讲得勿错。我勒《康熙字典》、新版《辞海》浪查仔查。“攉”字格字义确实勿大符合。《康熙字典》引《集韵》、《韵会》格释义是：“手反覆也。摇手曰挥，反手曰攉。”《广韵》则释为：“盘手戏也。”我弗晓得“盘手戏”是一种啥格手法？新版《辞海》对“攉”字格释义搭《康熙字典》所说格意思相同。我想，毕竟“攉”字读音浪尚无可挑剔，勒浪朆寻着合适格字之前，不妨拿俚（“攉”）来代替一下也未尚不可。