吴语协会

标题: 黄埭大街（献给“老苏州”） [打印本页]

作者: 人人头 时间: 2009-8-31 00:16
标题: 黄埭大街（献给“老苏州”）
据说我的外公的妈妈出生在黄埭。隔了几代也弄不清个确切。听我外公说那时候到镇上没有公路，乘着镗镗船要半天水路。今朝趁着天风凉去走了一遭。这是我头一次走进黄埭。黄埭据说是因为黄歇得名的，镇口还有个老头儿的石雕。一条黄埭大街是小镇的中轴，现在东西两头保留得比较好。不知道“老苏州”能否在照片上找到童年的回忆~~
和几个镇上老头有过对话，大体觉得黄埭话就是老派苏州话。不过走到倪湾、永昌等乡下就有点两样了。虽说北面乡下和苏州话很接近，但是和甪直一样，市镇上话明显接近城里。只不过比城里慢了几拍罢了。

作者: 吴人 时间: 2009-8-31 00:38
楼主，侬图片忒大哉。压缩压缩再传上来口虐。。。。

作者: 人人头 时间: 2009-8-31 07:09

楼主，侬图片忒大哉。压缩压缩再传上来口虐。。。。
吴人发表于 2009-8-31 00:38

倷相帮弄一下罢，压缩到适合比例~~谢~~

作者: 人人头 时间: 2009-9-1 00:02

我小格辰光，黄埭，箇个场化小得真可以称得上是个弹丸之地了。整条街浪呒不高楼大厦，最高格要算西横头黄埭中学后头大操场浪格一座瞭望用格碉堡哉。一条黄埭河贯穿全镇，拿个黄埭分成上塘、下塘两个部分。上塘一条街，街路两边大小商铺林立，文化娱乐场所间插其间，下塘也有一条断续而不规则格街，临河一侧差勿多侪是石驳岸，另一侧则大多搭旷野、农田相连，零散分布着几家工厂、手工业作坊，外来人口勒下塘相对比较集中。上塘搭下塘之间从东到西有庙桥、新黄埭桥、芳桥、中市桥、香花侨等五座桥梁通连

作者: 夷州海客 时间: 2009-9-1 00:06
我家就是黃埭村

作者: laosuzhou 时间: 2009-9-2 22:14

据说我的外公的妈妈出生在黄埭。隔了几代也弄不清个确切。听我外公说那时候到镇上没有公路，乘着镗镗船要半天水路。今朝趁着天风凉去走了一遭。这是我头一次走进黄埭。黄埭据说是因为黄歇得名的，镇口还有个老头儿的 ...
人人头发表于 2009-8-31 00:16

谢谢倷哉，人人头兄！
我02年回归一次黄埭，我曾经想去寻访我出生箇宅勒芳桥堍朗上岸里格房子，结果是已经踪迹全无哉。我小辰光日朝走来走去格芳桥个样子也已经面目全非哉。原来是一顶方洞石板桥，桥面办事两块石板，桥面浪格栏杆也是方石条。桥北坡两侧侪是沿河房子格山墙，桥南坡两面有石柱穿铁管子格栏杆，一般只能容两人擦肩而过。现在格芳桥已经可以开汽车哉。
我箇年转去，直到芳桥头为止，东横头朆过去，所以呒不箇面格印象。倷说原来有名格书场现在变仔瓜子店。原来格书场名叫“东来”，起名字时采用“紫气东来”格古语当中“东来”两字。位于河渎桥（黄埭人读别成“河渡桥”）西堍朗。倷照片浪是有顶桥，我已经看勿出俚是勿是就是箇顶“河渎桥”？
香花桥照片显示勿出，真是非常遗憾。据说黄埭个风水是勿能造石拱桥嘅。随意全黄埭呒不一顶石拱桥，侪是清一色格方孔石板桥。
照浪提着格“文化站”格房子，其实黄埭人侪晓得，原来是“新朱家里”格房子。俚厾还有个小辈，现在也勒浪南京，算起来还是我格堂兄，使南京一爿中学里格英文教师，现在也已经退休哉。

作者: 人人头 时间: 2009-9-3 07:07
对个，瓜子店旁边的桥是叫“河渎桥”。香花桥现在是黄埭唯一一顶老桥哉。倷刷新下应该看得见照片嘅。桥北面黄埭中学里只庙已经拆脱，桥南面是寺前弄，里面有个寺前墩。上头侪造仔房子哉。
石拱桥据说有一顶的，东横头个“庙桥”，在水泥厂那里。不过现在也拆脱则，桥墩墩还在。
那天，我还去了永昌和倪汇，老个街、房子已经全部拆光。当地人说要是早个10年大概还能看见点物事~~

作者: 人人头 时间: 2009-9-3 07:09
第三张照片我是站在桥上拍的，那顶桥我弗晓得阿就是“芳桥”，望东去一点路是“安浜”叫。桥东南方向有一条蛮阔个浜个。

作者: laosuzhou 时间: 2009-9-3 09:54
本帖最后由 laosuzhou 于 2009-9-3 09:55 编辑

第三张照片我是站在桥上拍的，那顶桥我弗晓得阿就是“芳桥”，望东去一点路是“安浜”叫。桥东南方向有一条蛮阔个浜个。
人人头发表于 2009-9-3 07:09

芳桥是横跨黄埭河格第三顶桥。倷格张照片假使真个是“东来书场”旧址格说法，箇末，箇顶桥就是“河渎桥”，河渎桥旁边有一条小路，叫“河渎里”。倷说“望东去一点路是‘安浜’”。勿是叫“安浜”，是“安桥浜”。安桥浜我记得勒浪五十年代中后期已经填脱仔造格小菜场。倷说，“桥东南方向有一条蛮阔个浜个”，其实箇个阔河浜，就是黄埭河。黄埭街浪跨河浜格桥原来有四顶，从东到西格先后顺序是：安桥（横跨黄埭河支流，安桥浜）、河渎桥（跨河渎浜）、塌桥（垮塌桥浜，必过箇条河浜老早就干枯而不见了）、下五（？此字格准确性勿敢肯定）桥（跨不知名格河浜。桥面个石板狼孩有一大脚印凹塘，黄埭人称之为“仙人脚迹”，据说是黄埭十八景当中格一景！）。

作者: 寒寒豆 时间: 2009-9-3 15:01
我看见乡志上说，原来乡下青石桥遍地，50，60年代个时候，为了搞大建设，把青石桥都拆掉烧石灰，青石桥都消失了，真是作孽。

作者: 寒寒豆 时间: 2009-9-3 15:04
黄埭还没有去过，黄埭陆墓记忆中都是很遥远的地方，不过现在一看地图，真是很近啊，现在工业大发展，变化太快了

作者: 人人头 时间: 2009-9-3 22:03

下五（？此字格准确性勿敢肯定）桥laosuzhou 发表于 2009-9-3 09:54

想起来哉。来黄埭大街西横头是有顶小桥嘅，下底个河浜已经没脱。桥个名字叫“洪墓桥”，弗晓得是啥出点。
现在西段大街路面嘞嗨翻修，桥面有一半个石板还嘞浪，我朆注意看阿有个脚印~~

洪墓读下午也比较好解释。开始“洪”韵尾同化m，变成ng；然后ng反过来异化前字韵尾，使之失落。

作者: 人人头 时间: 2009-9-3 22:04

黄埭还没有去过，黄埭陆墓记忆中都是很遥远的地方，不过现在一看地图，真是很近啊，现在工业大发展，变化太快了
寒寒豆发表于 2009-9-3 15:04

等寒豆回苏乡下一道去逛逛~

作者: laosuzhou 时间: 2009-9-3 23:14
本帖最后由 laosuzhou 于 2009-9-3 23:15 编辑

我看见乡志上说，原来乡下青石桥遍地，50，60年代个时候，为了搞大建设，把青石桥都拆掉烧石灰，青石桥都消失了，真是作孽。
寒寒豆发表于 2009-9-3 15:01

黄埭呒不青石板桥嘅，桥侪是花岗石格石板、石条。

作者: laosuzhou 时间: 2009-9-4 21:29

想起来哉。来黄埭大街西横头是有顶小桥嘅，下底个河浜已经没脱。桥个名字叫“洪墓桥”，弗晓得是啥出点。
现在西段大街路面嘞嗨翻修，桥面有一半个石板还嘞浪，我朆注意看阿有个脚印~~

洪墓读下午也比较好解 ...
人人头发表于 2009-9-3 22:03

倷是哪亨晓得箇顶桥格桥名嘅？真格是黄埭人一直读别字，叫俚“下五”桥嘅。搭苏州人一样，地名也会读别字嘅！像河渎桥，称作“河渡桥”实梗。

欢迎光临吴语协会 (https://wu-chinese.com/bbs/)