日全食

laosuzhou

日全食

二OO九年七月廿二日，是进入二十一世纪以来，地球浪格人类第一次可以观测到格历时最长格日全食。因为箇次格日全食发生格辰光，观测格最佳地带从西（西藏）向东，经过四川、重庆、湖南、湖北、河南、安徽、江苏、江西、浙江、上海，横贯中国，所以也畀勒天文学界称之为“中国日全食”。
日食，我小辰光，听大人讲是天狗吃太阳。一旦发生箇个天文现象，弗管老老少少，男男女女侪会拿面盆、铁皮做格畚箕出来一面敲打，以免呼喊，甚至放炮仗等等个方法，驱赶吃太阳箇只天狗。当然现在，人人侪晓得箇是一种天文现象，再也呒不人会去做敲面盆、打畚箕、放炮仗箇种戆事体哉。
七月廿二箇日我正在位于最佳观测范围内格无锡市。本来是有希望观测到整个日全食格全过程嘅。哪里晓得，天公不作美，早浪八点钟过后，随着一声沉闷格雷声，随之而来格便是满天乌云带来格没完没了个阵阵如注大雨。幸亏CCTV4，从八点廿分开始对整个日全食，从初亏、食既、食甚、生光、到最终格复圆，进行了全过程格直播，终于让我领略到了箇次日全食格全过程，看见了发生过程当中出现日冕、钻戒环、贝利珠等精彩绚丽格自然天象美景。
尽管无锡格大雨落仔整整一日天。然而勒日全食发生格当口，我还是亲身领略仔天色勒短短隔几分钟里向，从明亮格白天，逐渐格慢慢交变成黄昏、暗夜，再从昏黑格暗夜慢慢交转入明亮白天格整个过程。勒我格记忆里向，曾经经历过日偏食、日环食，而日全食，箇转还是平生第一次。

爪哇虎

我去年8月1日在西安看过了。我是西安电子科技大学毕业的。

吴人

上海也弗曾看见，听讲宁波蛮清爽。

疁城小囡

老苏州跑到无锡去哉？

热度

上海也弗曾看见，听讲宁波蛮清爽。
吴人 发表于 2009-7-23 19:04

钱塘海湾南北阴晴有别，虽不至两重天但差别交关大