吴语协会

 找回密码
 开只户头

扫一扫,访问微社区

QQ登录

只需一步,快速开始

搜索
查看: 7472|回复: 7

吴语版《小王子》

[复制链接]
发表于 2009-5-23 17:23:18 | 显示全部楼层 |阅读模式
感谢dorp提供技术咨询。



作品名:
小 王 子

作者:[法] 圣德克旭贝里


[ 第一章 ]


我六岁个时候,望着一本书里一副侯崭个画,本书个书名是『真故事』。讲个是原始森林。箇张画画个是一条蟒蛇扣来旁咜一只野兽。张图是照旁张画个:



来本书里讲:“蟒蛇畀渠捉来个野兽整只吞落去,咬也弗咬。接落去渠伊爬弗动爻,一直困六个月头来心化肚里个物事。

旁个时候,我忖无数无数,忖许来丛林发生个奇特事干。接落去,我用彩色铅笔画了我个第一幅画,我个『画作一』。望去是馨样:



我畀我个杰作擐去畀大人望,问渠伊张画有呒吓着渠伊。

渠伊馨讲: 『吓?一顶帽碗何物吓功?』

我画个勿是帽碗,是条蟒蛇心化条大象来旁。我亦另外一张画起:畀条蟒蛇个肚里也画起,馨好讴许大人望得懂。渠伊且老世缺得人家解释起好好该。我个『画作二』是馨个:



箇次许大人且有反应爻。讲甮画何物蛇肚里望得着望弗着个画,讴我闲事休做,快滴趒去望地理、历史、算术搭语法。 怪得六岁我便朆再忖起讲当个画家,对我来讲侯崭个事业。我个『画作一』搭『画作二』失败爻之故,我弗再打算爻。大人自己来妆眼阿懂弗来,小人老世解释物事畀渠伊听,也觉得吃力也厌爻。

后晚,我只好选另外一个职业,学起飞机驶得来爻,差弗多全世界都飞遍爻。地理对我来讲怎奈个用场是事实。哪搭中国哪搭阿丽座那(Arizona),我眼一䀹伐晓得爻。空是夜里迷路爻,同馨个知识样便用场险个。

箇世人我碰着无数严肃个人。我来大人堆里宿无数时长。我仔细望渠伊。不过,对渠伊个望法叫旧呒多少改变。

当我碰着渠伊一该望去扣得懂险向个,我便会试试渠向,畀我幅『画作一』擐出畀伊望,幅画我一直囥来旁。我想晓得渠是勿是老实理解。不过,弗管渠何人,男个阿只女个,都会讲:

『是顶帽碗。』

箇伐我便弗搭箇人讲蟒蛇、讲原始森林、讲星星许爻。我会畀自己降到渠个水平,搭伊讲桥牌、讲高尔夫、讲政治、讲领带许物事。箇大人便会高兴险碰着馨晓得个人。
发表于 2009-5-24 20:22:34 | 显示全部楼层
話講beno噢我猜名字咦嗰暈…
 楼主| 发表于 2009-5-24 20:44:25 | 显示全部楼层
[ 第二章 ]


      我冷清清个独个人宿,呒我真当性好讲讲个人,直到六年前,我个飞机来撒哈拉沙漠一粒故障。引擎里向何物无用爻。当然呒人搭我聚队来旁,机械工也呒伐趁客儿也呒。我独该坐着旁,忖咦孬修也要畀伊修转起。对我来讲是死阿是活个问题,我便只一个星期吃个水。
      第一夜,我困叻沙漠上,千里之外且有人住个沙漠中央。便坐得木排上向,退得大海中央也何有我冷清也。馨尔总阿会觉得,第二日天亮猛,我讴一个奇怪个声响吵醒个时候,尔讲讲向当时我多少诧异。个声音讲:

      『央尔好用伐……畀我画只羊起!』

      『啈!』

      『畀我画只羊起!』

      扣得雷佛劈落来向,我个击徛起,眼黄搓搓爻,眼撑开侯大望,望着一个人。箇人伐细细该,徛旁一本正经(正功直认)个问我。尔望张最像渠个写真,我后晚照渠样画起个。





      当然哪,画起呒渠本人范子好看。该也勿是我缘故。我六岁,大人便讴我对画家生涯呒勇气爻。我便画两张蛇肚里蛇肚外个画呃、且别样便朆学着过个。
      昶我眼睛撑去侯大个注牢望箇蓦临头趒出个人。尔总还记牢,我是来远离人烟个沙漠里向。哈箇小伙是望去是咦朆何物来沙漠里向迷路爻, 阿朆何物吃力、肚顑、口燥、吓着叻咋物。怎奈都勿是何物落旁荒无人烟个沙漠里个小人。我惊爻之后且总算讲出句话爻,我搭伊讲:

      『渠……尔趒搭来咋物?』

      渠搭个要紧险个事干向,慢慢时转讲一遍:『好用勿会……畀我羊画只起……』
      当样物事畀尔震摄牢个时候, 尔是弗可能弗照渠讲个做。对我来讲呒数是做荒唐事干,来荒无人烟个沙漠里,面对死个危险,擐出一张纸、一支钢笔。之后我忖着我个专业便地理,历史、算术搭语法许。搭个细佬讲 (也一粒气) 我晓弗得怎奈画画。渠讲:

      『呒告相干,畀我羊画只起……』

      我养朆画过,我畀渠画起张我便只画得两幅来个旁幅蛇肚外个画。『勿是,勿是,勿是!我休擐(hiughuae-hiae)易肚里有大象个蟒蛇』
      听渠句话我都呆爻,渠咦讲,『蟒蛇危险显,大象咦忒大蛮个爻。我宿个地方是,样加样物事都细险个。我要个羊,羊画畀我。』
      我畀伊一张画起:




      渠仔细望爻,讲:

      『无用,只羊望去扣得约死紧要相个。畀我转画画幅起。』

      我咦另外一张画起:




      我个箇位朋友笑起,咦个有趣相。
      『尔自己望望向』渠讲,『只勿是小羊?只公羊啊,尔望还有角个讲。』
      我咦画一张:




      幅阿搭头起两幅样,无用。

      『只忒老爻。我要只羊要活得长久个。』

      我呒耐心爻。
      因为我要修我个引擎。哈我便贪省力画幅起伐是爻:




      我再搭句话讲:

      『该是齿(tzy)羊个笼。尔要个羊便来只笼里。』

      老实儿奇怪,个小判官是怎奈个快活:

      『该老真式我要个物事!尔讲只羊缺得关咦草畀伊哽个凡?』

      『咋物?』

      『我宿个地方,管解物都细猛……』

      『呒告,我畀尔只羊眼大个』我讲,『地方眼大阿有得喂爻!』

      渠畀箇头迫进画边去。

      『呒尔讲个替细……尔望!渠困去爻唻……』

      我便馨搭小王子熟起爻。
发表于 2009-7-7 00:10:27 | 显示全部楼层
我要有声版~,读下来吧。
发表于 2009-7-7 04:27:57 | 显示全部楼层
hisahara 神秘重现
发表于 2009-7-12 11:37:38 | 显示全部楼层
有声版,有声版,有声版,我要有声版。
发表于 2009-7-20 10:32:39 | 显示全部楼层
继续继续
发表于 2009-7-30 11:45:29 | 显示全部楼层
我决定了
您需要登录后才可以回帖 登录 | 开只户头

本版积分规则

手机版|Archiver|吴语协会 Wu Chinese Society ( 网友言论不代表本站观点 )

GMT+8, 2024-3-28 18:11

Powered by Discuz! X3.4

© 2001-2017 Comsenz Inc.

快速回复 返回顶部 返回列表