本帖最后由 dorp 于 2009-2-11 12:52 编辑
野人
早範有一份人家,一個姐一個弟兩兄弟姊妹。一日渠娘走外婆去,嘞路叻(裡)碰著個野人。野人跟牢個老孺人問話,嫂啊嫂啊個噢叻(得)侯親熱,女人搭伊印象蠻好,忖渠總勿是壞人。哈個野人問伊到陸搭去,住陸搭啊,個女人伐都搭伊講爻。
野人趁天晏 爻走到渠屋裡,聽著門敲響,兩個小綰蹄過來問是咸爾敲門,為個娘走出記講晚頭宿外婆伊弗走轉個。野人講我爾侇娭姨,快撥門開爻。兩個小人忖渠娘朆宿外婆搭,開仔門伐撥個野人放進間里來。划算要開燈,野人講燈甮開,倍馨若睏事爻。兩個小人蠻儇個,阿聽講搭渠走睏靠。
倒眠床叻(裡),個弟摸摸娘個人叻(裡)都是毛,問講:娭姨,爾人里(裡)怎兒馨刺戳戳?野人旋伊講:扣昶落雨,嘞外婆搭蓑衣頭著來。
半夜,個姐朆睏實定,醒轉來聽著野人嘞單邊咬叻(得)窸哩窣咯,問野人講:娭姨啊娭姨,爾嘞吃吤呣物事?野人講唻嘞吃外婆屋裡帶來個蘿蔔shiau。囡講:撥粒我吃吃。個野人撥渠弟個手末節頭撥個囡,渠聽著個血腥臭,曉叻(得)個弟被哽爻。
個囡兒頭撒謊講要上廁所,野人相叻(得)渠逃靠,撥渠繩馱迲吊牢。個囡走到糞桶頭,撥個繩吊茶壺叻(裡),再走出噢人。野人繩拉拉,聽著水倒落來咚咚聲,忖個囡兒頭還嘞搭。
人噢來爻,大家咦嚇,嘸膽走上迲。傳說講野人後腳是短個,嘸出摜倒倍爬弗轉個,渠侇倍撥個菜籽撒個扶梯格叻(裡)。野人等等個囡兒頭嘸走轉,個記te來重伐撥個糞桶te著倒,撥個間里妝爻污濫。野人爬起尋個小人,嘞扶梯頭zhih倒摜落來摜著死。
Ia-Nyin
Tsao-væ iu ih-ven nyin-ko,ih-keh-cia ih-keh-di. Ih-nyih gyie-nyian tseo nga-bu kheh, leh lu-leh ban-djihkeh ia-nyin. Ia-nyin ken-lao keh ‘lao-jü-nyin men-wo, sao gha sao gha kehao-leh yieo chin-nyih, ‘nyü-nyin tæh-i in-jian ‘mæ-hao, tshön gyie tson veh-zywa-nyin. Hah keh ia-nyin men-i tao ‘leo-tæh kyhie, djü ‘leo-tæh gha, keh‘nyü-nyin væh tu tæh-i kôn ghao.
Ia-nyin chin thie-æ ghao tseo-taogyie-uoh-‘li, thin-djih men-khao-hyian, ‘lian-keh shiao-uæ di-ku-le men zyghæ-n khao-men, yü keh-nyian tseo-chüih kyi kôn ‘mæ-deo shüoh nga-bu-i fehtseo-cüö keh. Ia-nyin kôn ‘ngo n-yi a-yi, khua pöh men kyhie ghao. ‘Lian-kehshiao-nyin tshön gyie-nyian fên shüoh nga-bu tæh, kyhie tsy men væh pöh kehia-nyin fôn-cin kyiæ-‘li le. Wo-sö iôh kyhie-tên, ia-nyin kôn von-kyhie, behyin-nyiah kwhen zy-ghao. ‘Lian-keh shiao-nyin ‘mæ-hwæ keh, ah thin-kôntæh-gyie tseo khao.
Tao men-zôn leh, keh-di moh-moh nyian-kehnyin-leh tu-zy mao, men-kôn: a-yi, n nyin-leh tsan-n hyin tshy-chüoh-chüoh?Ia-nyin jüö-i-kôn: kyhieo-chian lôh-ü, leh nga-bu-tæh su-i-deo cih le.
Pö-ya, keh-cia fên kwhen jih-din,shin-cüö-le thin-djih ia-nyin tæ-pie ‘ngao-leh shih-lih-soh-loh, men ia-nyinkôn: a-yi gha a-yi, n leh kyhüoh ka-m meh-zy? Ia-nyin kôn le-leh kyhüohlu-boh-shiao. ‘Næ kôn: pöh ‘nöh ‘ngo kyhüoh-kyhüoh. Keh ia-nyin pöh gyie-di kehshiu-mæh-cih-deo pöh keh-‘næ, gyie thin-djih keh hyüih-shin-chiu, hyiao-lehkeh-di bi gan ghao.
Keh ‘næ-n-deo sah-hwôn kôn iôhzôn tshy-su, ia-nyin shian-leh gyie dao khao, pöh gyie jin du kheh tiao-lao.Keh ‘næ tseo tao fen-don-deo, pöh keh jin tiao dzo-wu leh, tse tseo-chüihao-nyin. Ia-nyin jin-‘la-‘la, thin-jih shü tao lôh-le ton-ton-shin, tshön keh‘næ-n-deo wa leh-tæ.
Nyin ao-le ghao, da-kia yi hwôh,m-tæ tseo zôn kheh. Djüö-shüih kôn ia-nyin ieo-kyiah zy tö-keh, m-chüih gwæ-taobe bo feh cüö keh, gyie-yi be pöh keh tshe-tsy sa keh wu-thi-kan-leh. Ia-nyintên-tên keh ‘næ-n-deo m tseo-cüö, keh-kyi te-le djüon væh pöh keh fen-don tedjih tao, pöh keh kyiæ-‘li tsôn ghao u-læ. Ia-nyin bo-kyhi jin keh shiao-nyin,leh wu-thi-deo jih-lôh-le gwæ-djih-sy. |