吴语协会

 找回密码
 开只户头

扫一扫,访问微社区

QQ登录

只需一步,快速开始

搜索
楼主: 砇玟旼

听上海话看上海人

 关闭 [复制链接]
发表于 2006-12-1 19:22:07 | 显示全部楼层
原帖由 Herbsttag 于 2006-12-1 11:56 发表
"被起诉,被充公,被决定,被通知"

搿星我觉着侪是用“拨”比较适宜

“拨剥夺”感觉勿是顶适宜


实际浪,吴语用个种句式辰光多数要拿动作施与者讲出来,就算是个象征性个“别人家”“人”也要顺点。弗讲动作比较生硬,就像普话腔调直译个。

拨(拉)俚剥夺,一眼问题呒拨。
发表于 2006-12-1 19:27:53 | 显示全部楼层
原帖由 lieukehli 于 2006-12-1 09:36 发表


会弗会是 呒-着-辣搭 ?


着 好,呒着落,个就是呒来由哉。后头两个字补充音节个作兴。

个种土词汇考弗大清爽。
发表于 2006-12-1 19:31:57 | 显示全部楼层
原帖由 mandarin 于 2006-12-1 09:35 发表
譬方侬老热爱吴语,尤其对自家个江阴闲话情有独钟(搿么当然hehe),但亦有人弗在乎个呀,侬为啥一定要去扭转伊呢?


情有独钟个种闲话覅讲,我发过关于江阴话个帖子远远弗如苏州话上海话帖子多。文章也多是苏州闲话写个。wiki浪也只写苏州闲话。音档也以洋泾浜闲话为多。所以侬勒浪贼忒嘻嘻“当然hehe”啥?常常自责,对自家个真正个母语关心弗足,吴音小字典搞仔介点辰光还呒拨江阴闲话个。我弗晓得倷啥地方听得来我对江阴闲话“情有独钟”个,倒是由此想着,个星弗做啥事体还讲别人家自我中心“情有独钟”个人,再是真个自我中心心里有鬼(弗是讲mandarin)。

有人弗关心环境,有人关心环境,吴语本质浪弗是我一家头个事体,是族群众人个事体。要侪是倷个种个人自由法,个绿色和平组织派啥用场。倪中国人就是欢喜垃圾到处到荡掼呀~我弗好拿枪指牢侬了开集中营了啥,闲话总也还是好讲个。

生仔癌症讲覅去扭转,倷介超脱,我佩服;不过目前为止我还是俗人,我还想活。
发表于 2006-12-1 19:38:25 | 显示全部楼层
有人讲我弗是淘浆糊人。
实际浪弗是我弗来事淘浆糊,是有星事体我觉着淘弗得浆糊。偏生有星人就是要勒个问题浪来所谓“淘浆糊”,每趟个模式侪是一样,文言文了官话了,疲于应付。
我还朆开脱到动辄好换个姆妈孛相相个境界。

我对有精英思想士大夫思维个人交关讨厌,个也是事实。

倪江阴人刘半农算得乡土来,整理江阴民歌,还自家模仿作着本江阴民歌集,白话文运动里向也蛮着力个,尚况还是拨鲁迅讲忒士大夫气,注解个《何典》搞着一抹抹个方框,两家头压末落落搞到弗对。个种水平援开刘半农博士还路远百只脚勒浪个,士大夫气末倒重到弗得了个,再有个种骚老子天下头一个,我哪亨会吃得消。
发表于 2006-12-1 19:55:48 | 显示全部楼层
原帖由 吴人 于 2006-12-1 19:27 发表


着 好,呒着落,个就是呒来由哉。后头两个字补充音节个作兴。

个种土词汇考弗大清爽。


不过 着 dzah 石 zah 我发音两样个。
发表于 2006-12-1 20:05:54 | 显示全部楼层
"注解个《何典》搞着一抹抹个方框,两家头压末落落搞到弗对。"

吳人解釋解釋

一抹抹 啥意思?
弗对 此地啥意思?
发表于 2006-12-1 20:08:53 | 显示全部楼层
原帖由 mandarin 于 2006-12-1 11:52 发表

我觉着是语体关系,因为发现比较文,同理,亦可以讲被起诉,被充公,被决定,被通知,被剥夺。。。。文一点,侪可以用“被”,格么“扣分”文伐?觉着文么就用被,弗觉着么就用拨,老简单个事体。文白是只“连续统”,搿里向只有各人欢喜,呒没 ...


倷个语境里向讲 被扣分。倷作老派报告还是唱戏啊?

倷讲各人欢喜,但是讲 人民zenmin 搭 人民 ninmin 人民lenmin 是有主流与绝对非主流之分个。覅想钻个只空子。闲话是社会现象。拿弗准覅寻借口是各人欢喜,弗会讲也覅寻借口是文言。

理论浪,呒拨啥事体弗可能发生个;但小概率事体当主流来讲,怪弗道“我”读wo个江北腔据说变成所谓主流上海话来。
发表于 2006-12-1 20:11:48 | 显示全部楼层
原帖由 Herbsttag 于 2006-12-1 20:05 发表
"注解个《何典》搞着一抹抹个方框,两家头压末落落搞到弗对。"

吳人解釋解釋

一抹抹 啥意思?
弗对 此地啥意思?


前头一个是“交关”个意思,小干讲个闲话。
弗对末,就是关系破裂。譬如隔壁邻舍相骂过仔弗来去,个末俚笃就是所谓“弗对”哉。
发表于 2006-12-1 20:18:44 | 显示全部楼层

謝謝

路远百只脚
骚老子
天下头

搿星儕是江陰言語?
发表于 2006-12-1 20:24:33 | 显示全部楼层
路远百只脚 应该是比较通用个。
天下 头一 是一个词语。第一 要讲 头一,其余讲 第二 第三。
个应该也是通用个。

骚老子末,倪老子吃醉仔酒immer讲。 实际浪意思就是 北方闲话 个“老子”。吴语个“老子”主要是“父亲”个意思。

嗯,确实侪是江阴闲话里向讲个。

我用个词汇侪是我会讲个闲话里向来个。我弗发明。
发表于 2006-12-1 20:27:30 | 显示全部楼层
我拿”天下 頭一隻“讀成功“天下頭 一隻”哉
想:天下頭是啥物事

蠻好,學到眼物事
发表于 2006-12-1 20:33:02 | 显示全部楼层
发表于 2006-12-2 00:32:39 | 显示全部楼层
根据我个观察,拿“我”读wo个江北腔是30岁朝下上海人里向比较多,越小越多,朝上还是ngu多
"弗对" 相当于北语“不对付”
“路远百只脚” 我一般话“远开百只脚”
发表于 2006-12-2 01:22:39 | 显示全部楼层

吴人老兄啊

侬么vio火气介大,啥体集中营咯开枪咯调姆妈咯,讲搿种气话有啥开心。我是一点弗动气,晓得侬现在气头浪向,讲出来闲话。。。。 ,放心~~~左耳朵进右耳朵出,我只当呒没听见好了。

但是闲话讲转来,还是侬自家个错。侬勿同意我个思想观念么,尽管讨论好了,勿高兴讨论么只当勿看见亦可以,呒没必要恶语相向,每个人个人格侪是平等个,侬尽管批判我个观念好来,攻击我个“人”啥体奈?阿是啊。我人品再坏,勿等于我观念就一定错误。再讲我介正宗个人,帮我交往过个人侪清爽来西。
讲到我个观念,现在侬是意见交关大,大大好了,但是阿可以请侬冷静眼,瞄准仔搿只观念本身放枪,眼乎准一眼,vio别咧扒拉乱放。侬要是从逻辑浪、道理浪反驳脱搿只观念,让我心服口服,我是老愿意承认错误个。大家侪是讲道理个人。做啥弄得来好像我只能用搿种极端个方式才能对付奈?搿是非常勿礼貌个。侬讲阿对啊?
现在来讲我个观点。我是旁观者,虽然搿恁么,总归亦有自家个看法。大家可以看到,有辰光我个言论有眼自相矛盾,一歇歇么支持方言独立,一歇歇么又反对完全口语化。格么人么就是搿恁呀,观念会得变个呀,侬wtzdj零四年个想法帮现在一样伐啦,,,葛咯讲呀,我mandarin么亦有转变个辰光搿呀。外加老多辰光,搿种转变是自家勿觉着个。讲到底啦,哀有个道理啦,搿答是bbs,弗是电子版个学报,大部分是想着啥讲啥,随意性本生就是老大个。搿是讲闲话个场合决定个。所以么,尽管我发表过自家个看法,但亦勿改变我个逍遥派个态度,塌仔旁观者个身份。好了,现在只t'in下来一只问题:我mandarin阿可以保持搿种身份,啊?搿是老现实个问题,因为旁观者吗,所以我本来就勿在乎本字个写法,勿在乎是否必定只能用吴语,勿在乎官弗官、文弗文,只要自家灌了开心就好。虽然我出于尊重侬个规矩,改用吴语发文,但我始终保留我个看法。老实讲,侬搿做法是老霸道个。如果侬允许我保留搿只身份,格么请侬多发我点“官话券”、“文言券”(文言弗算吴语嘛),当然咯,还有“外文券”。因为有辰光感觉来了,掼出来两只外文亦讲弗定个
道理么讲到搿答,我觉着应该算讲清爽我个意思了,希望能够排除侬对我个误解。至于是弗是每个受过高等教育个吴人侪要为“江南的明天而奋斗”(此句用报告式读法),弗参与就是根本错误,所以可以对伊冷嘲热讽,搿是另外一只问题。此地弗赘及。好了,最后再问一声,阿可以答应我个请求?
突然发现拿吴语写文章亦老扎劲欧,哈哈。就是年纪倒把,废话多着眼,多多原谅
发表于 2006-12-2 01:52:19 | 显示全部楼层
原帖由 lieukehli 于 2006-12-2 00:32 发表
根据我个观察,拿“我”读wo个江北腔是30岁朝下上海人里向比较多,越小越多,朝上还是ngu多
"弗对" 相当于北语“不对付”
“路远百只脚” 我一般话“远开百只脚” ...

上海呒没人讲wo个,再哪恁江北腔亦顶多是u

[ 本帖最后由 mandarin 于 2006-12-2 01:53 编辑 ]
发表于 2006-12-2 02:14:53 | 显示全部楼层
原帖由 吴人 于 2006-12-1 19:31 发表

情有独钟个种闲话覅讲,我发过关于江阴话个帖子远远弗如苏州话上海话帖子多。文章也多是苏州闲话写个。wiki浪也只写苏州闲话。音档也以洋泾浜闲话为多。所以侬勒浪贼忒嘻嘻“当然hehe”啥?常常自责,对自家个真正个母语关心弗足,吴音小字典搞仔介点辰光还呒拨江阴闲话个。我弗晓得倷啥地方听得来我对江阴闲话“情有独钟”个,倒是由此想着,个星弗做啥事体还讲别人家自我中心“情有独钟”个人,再是真个自我中心心里有鬼(弗是讲mandarin)。

搿侬想了忒多了,我呒没搿意思。搿只是顺牢文意直接写下来,为仔要矛头指向侬么,葛咯讲了具体眼、生动眼么,多说(seh)一句“江阴闲话”而已。但是想到其实搿个么大家侪晓得,所以特为打只括号,嘲笑自家多讲忒个,hehe是了了笑自家。呒没其他意思,vio多想。假使让侬受到啥伤害个说seh话,我了此地道个歉,是我呒没考虑周全。贼塌兮兮么“讲的很对”(此处报告腔,幽默一记,纯属修辞手法,请勿扣分),蛮符合我了网浪向个表现出个个性特点,呒啥道理,大家开心要紧~~
发表于 2006-12-2 02:31:49 | 显示全部楼层
原帖由 mandarin 于 2006-12-2 01:52 发表

上海呒没人讲wo个,再哪恁江北腔亦顶多是u


呒没个种绝对个闲话也请少讲。倪小殷同学讲是主流来。

上海乡下底讲wu个弗是江北腔,讲wo/o个再是江北腔。
发表于 2006-12-2 02:47:22 | 显示全部楼层
原帖由 mandarin 于 2006-12-2 01:22 发表
侬么vio火气介大,啥体集中营咯开枪咯调姆妈咯,讲搿种气话有啥开心。我是一点弗动气,晓得侬现在气头浪向,讲出来闲话。。。。 ,放心~~~左耳朵进右耳朵出,我只当呒没听见好了。

但是闲话讲转来,还是侬自家个错。侬勿同意我 ...


我先起头末搭侬淘浆糊只淘到发券扣分为止,本生是一脚弗大敢睬倷个,看倷起劲勒浪末,就难得搭倷淘淘浆糊。

我扣倷分又哪能呢?我要是真个要扣倷分,弗声弗响扣到倷负分也呒啥,何必还发短消息倷(倷是头一个)。倷讲我猛门末,倷先计较倷个一分哉(倷真个欢喜分数个说话10分100分也好加拨侬),嘴还要犟,还文言了六朝了(北方人讲,扯什么JBD呢,到底北方人闲话有力道。。。),弗关我个事体。上头讲哉,有星事体我弗淘浆糊。我就是来侬扣脱一分硬劲还要强辞夺理个辰光决定要搭倷订正。个趟试验证明,我老早个策略交关正确,再次证明我搭倷呒浆糊好淘。

说到底,我弗是要反对个只“被扣分”(所以写弗来吴语个朋友覅吓,呵呵),是要反对个种所谓个“淘浆糊”。“全”读成“具”好讲成是叫恢复“古音”,“被”好讲成是“六朝”语,个种“浆糊”,我弗会淘。

还有,倷千万覅“只当呒没听见”,我讲闲话是希望有效果个。假使真个实梗,我搭倷讲闲话还有啥必要呢,还省得得罪人。

倷打出"写几个文言又被扣分"个种物事末,我上来反应估计实质浪是用汉拼输入法辰光就打勒海个,打个辰光思维也是普话个,改着两个词汇,所以扣侬一分,也弗准备搭倷订正。假使实梗有啥弗好承认,硬劲要自圆其说末,我就呒啥好讲哉。我也会个能,毕竟是习惯,一下笔就是普话逻辑,就像所谓个中国英语。我觉着个搭用汉拼输入法个多多少少侪会碰着个种问题,是要串个。不过我末老早爽爽气气承认过哉,我讲上海闲话还会冒出普通话来个,啥人叫我讲上海闲话是用普话翻过去个呢。。。。死要面子活受罪,个种人也交关罪过人个。

倷还是用倷个普话罢,既然介难过末。个点人权还是要讲个,倷有权用倷个母语(呒法,我只好拿倷视同非吴语母语者搭“桑海宁”之列,难末侬也用弗着介难过)。我建议倷末顶好是写文言,讲倷认定个昆曲白。外加弗好有倷所谓“王芳之流”个“恶心”个“苏腔”(我就弄弗泠清哉,个末介讲纯净,上海话末“人人”“被bE扣分”也来事个,哪了要末上海话是小娘养个)。

好哉,收工。Tschüss~
发表于 2006-12-2 07:43:30 | 显示全部楼层
原帖由 wtzdj 于 2006-12-2 02:31 发表


上海乡下底讲wu个弗是江北腔,讲wo/o个再是江北腔。

ho yo 赛过倷是老上海一样。。。
侬上海登过几日天啦
发表于 2006-12-2 07:49:39 | 显示全部楼层
wtzdj只嘴巴啊。。。哼哼,勿去讲伊,豪骚刷牙齿去罢倷
您需要登录后才可以回帖 登录 | 开只户头

本版积分规则

手机版|Archiver|吴语协会 Wu Chinese Society ( 网友言论不代表本站观点 )

GMT+8, 2024-3-29 13:44

Powered by Discuz! X3.4

© 2001-2017 Comsenz Inc.

快速回复 返回顶部 返回列表