|
发表于 2006-12-1 15:25:32
|
显示全部楼层
整理了下潘迪化在《花样年华》里的台词
甲:
吃起来吃起来,vio客气vio客气,诶,今朝个拷子鱼特别新鲜个,今朝刚刚做起来个,倷vio等我了,先吃起来~~王妈~~,。。。。
乙:
hae侬决定好仔么先拨只电话我噢。。。。。。 e侬阿有拿我电话号头抄起来啊?。。。。。。噢,格么好个,我先送侬出去。。。。。。。rhe要个,大家上海人嘛。
丙:
格么就搿能决定了噢。。。。。。好好好,慢慢叫走啊,再会。
丁:
嗨呀,倷哪唔介巧个啦,搬场都要碰着一道个——哪能弗·#¥%*侬先生个?。。。。。。噢,格么侬*—%¥#·下个礼拜搬来了嘛~~搬场几化吃力啦。侬一杆子阿来事伐?。。。。。。好,叫王妈帮侬。。。。e陈太太侬慢慢叫弄额噢。。。。*—%#哪能介晏个啦?
戊:
啊呀,介大个雨还出去呀。。。。。。。皑~大家自家人随便吃一点嘛。。。。。。。伊个先生一日到夜勿辣屋里向,一家头冷清清真是蛮作孽个呀。哦哟~~下去买碗面都着得介漂亮。
己:
王妈王妈~~。。。。。。啊呀,侬先转来啦。。。。是呀,豪哟,豪*·#¥伊拉个妈生日,我陪伊去买点衣料做新衣裳。跑仔一日天,我吃力煞忒了。。。。。。烫仔个新头发侬看好看法?。。。。。。诶?侬勒做啥?格么侬烧仔一大锅芝麻糊侬一家头哪能吃啊?。。。。。。侬真客气啊。。。。。。好个
庚:
趟趟搿能样子个,哀么吃到一半就醉倒搿副腔调,真是讨惹厌得来要命~~当心当心当心
辛:
隔腔侬好象蛮多应酬噢。。。。。。年纪轻呢,出去散散心白相相是应该个。不过要有分寸,侬先生几时回来啊?。。。。。。哦,,搿趟伊转来奈,侬vio拨伊出介许多门了。两夫妻常桩分开奈,总归弗大好。侬讲阿对啊?。。。。。。嗯
壬:
王妈啥人啊?——啊呀,侬哪能会来个啦,哈。。。。。。噢~~啊呀,侬来坐坐么好了,哀介客气,要破费。侬看呀(我)。。。乱是乱得来。。。。。。就是呀,我已经理仔几日天了,哎呀,物事么实在多,有点物事奈我还弗舍得掼脱,哎,坐个地方亦没。。。诶,搿答坐一歇伐——王妈~~。。。。。。e呵呵呵呵呵,对个对个,哎呀,侬哪能介把急啦。。。皑,王妈帮我去倒杯。。。呵呵呵。。。皑,e侬帮我倒杯茶来啊 。。。。。。嗳,陈先生哪哪好伐啦。。。。。。嗳呀,我亦勿晓得,假使住得惯奈我可能弗转来了。。。。。。nae~~我囡唔啊,伊讲香港介乱,我一家头住了此地么伊弗放心~~。格么我实在是亦弗大舍得离开香港个,不过现在自从顾先生顾太太搬忒仔以后啊,要搓麻将啊,搭子啊啦寻弗着个。想想呢,嗳,我还是到美国去,帮囡唔,领小囡啊。。。。。。就是搿能样子伤脑筋嘛。卖出去奈,真弗舍得。想想还是租拨人家啦。。。。。诶侬阿有意思租伐啦,假使租拨侬啦,我真是放心个,我便宜点租拨侬啦。。。。。。噢。。。。。。hae啊,我亦弗晓得。现在啊,隔壁邻舍大家侪弗来往个啦。ah哪恁像以前个日脚奈,顾先生顾太太了了个辰光,大家真是闹忙得来~~~像自家人一样个,嗳,想起来亦开心——侬讲是伐?。。。。。。ae,过来坐一歇 |
|