<吴语申报纸摘要>-嫌韩篇·三

Terrist

< 即末吴越申报纸摘要 > 嫌韩篇·三

韩『东亚日报』：中国金牌吃介许多 当心噎煞

    截止到廿一号日，中国代表团已经来得道届奥运会高头佗着四十五架金牌的嘞，占勒顿主①北京奥运会金牌总数三八○两架个八分之十五。对于阿拉中国体育个森散②发展，多猛国家统嗷煞当，可兴里向有套人还活备③该因西④眼孔浅煞该嗍咯，时介话风凉闲话。作为中国隔壁邻所个韩国就是介么介个。
    韩国顶大个三大申报纸之一『东亚日报』，介种来得韩国拨伊认为是国民大报个申报纸上墩，啊发表勒评论，对中国金牌乱话三千当。八月十九号，『东亚日报』个何宗大特派员搭李宪镇记者介就搭文章『中国金牌吃介许多，当心噎煞』个文章里向搭矛头笔直㨖勒中国金牌个数量塞邃⑤该。文章里向话嘞：「中国来得道届奥运会高头，佗着交关多金牌，里向多猛是预忖以外个金牌。中国是话依照刚即个金牌佗着形式搭速度介继续落去，等北京奥运会结束到，中国&#131721;好派勿来⑥会佗着四十三架以上金牌，外加省力猛佗着综合排名第一个位置。」
    同时，文章里向又指出，是话金牌拨中国介么佗落去，应该当心拨人家涎唾浸煞的嘞。因为，该报记者搭中国个金牌偏多，推拨「观众过度支持」搭「裁判个疾甜⑦」介。中央噺其拉还呒没忘脱得该里发泄私愤，特别介提到勒拨中国人敲碎韩国射箭七届奥运会连胜个乱梦，文章里向指出，来得射箭女单比赛辰光，中国观众就有眼过度了个喧哗，「过度支持」个表现，一定程度高头影响勒韩国选手个发挥。
    中国有句老话头，讴「树大招风」，可兴，搭中国介金牌差距介大个韩国哌介嫉妒中国个表现法，像家有眼理解勿了&#134286;？就算中国以宽大为怀，看勒韩国人罪过八啦咿嘻面颜高头，主动送拨韩国人两架金牌，韩国代表团陈方呒告搭中国介对抗。
    眼孔有得介浅，真是罪过呒告话头啦。


借字词语注解：

①顿主|tentsyu：全部，一共
②森散|sensae：拼命地，努力地；大幅度地
③活备|wahbei：因为；要不是因为
④该因西|kih'inshi：这个，这东西
⑤…邃|...sei：……地方，……处
⑥派勿来|phavahle：可能
⑦疾甜|jihdi：偏爱；溺爱


[ 本帖最后由 Terrist 于 2008-8-29 16:11 编辑 ]