[新闻改写]《东方夜谭》换人 传刘仪伟普通闲话弗过关

gojin

◇字体：［大 中 小］ 来源： 上海青年报 (12/02 16:13)

　　从本周起，东方卫视《东方夜谭》突然换仔主持人，平时嘻嘻哈哈个刘仪伟弗见人影，上海主持人长啸取而代之，与小蔡一搭一档讲起了笑话。由于之前《东方夜谭》未打出任何关于换主持人个通知，习惯于看刘仪伟讲笑话个观众难以接受此一突然改变。据东方卫视个工作人员表示，自从《东方夜谭》换主持人之后，渠答每日天要接着几十个到上百个观众电话，侪是来询问刘仪伟个去向。
　　刘仪伟到底跑到哪里去个叻？有消息称，刘仪伟个普通闲话一脚弗过关，朆达到国家规定个一级甲等主持人个普通闲话标准，因此惨遭“下岗”个命运。记者昨头就此采访着东方卫视相关领导，对方表示：“刘仪伟个远开只是暂时个……”
　　刘仪伟主持《东方夜谭》已有两年辰光，从东方卫视开播起，居档节目就因为刘仪伟个个人主持魅力而迅速走红，至今原是东方卫视收视率排名顶前个节目之一。两年辰光里向，刘仪伟从来朆中断过《东方夜谭》个主持工作。
　　居一次刘仪伟突然离开，据知情人透露，与广电总局前一阵严管主持人普通话有相当大个关系。广电总局日前再次重申，为仔贯彻普通话推广政策以及垃荧屏上树立典范，主持人必须持“普通话一级甲等证书”上岗。但垃最近一次个普通闲话考试当中，毕福剑、阿丘、刘仪伟等当红主持人仍旧朆达到相关标准。
　　央视通过一些儿特殊办法力保住毕福剑与阿丘个主持位置，但刘仪伟则无畀实梗好个运道。刘仪伟过于诙谐个主持风格一直垃行业中存有争议，而渠又拍电视剧咦做节目主持咦开公司个多元化发展也招来不少非议。垃居次主持人行业内个普通闲话整风行动中，刘仪伟首当其冲遭到外界个冲击，广电总局也对渠提出着一定个批评，希望渠好先通过普通话一关再做主持人。垃重重压力之下，刘仪伟弗得弗忍痛告别渠一直热爱个《东方夜谭》节目，而由上海本地主持人长啸顶替上阵。
　　刘仪伟个离开垃观众当中引起强烈震动。东方卫视个工作人员告诉记者，渠答每日天接待个观众电话中，大部分侪是强烈呼吁刘仪伟早点归来。记者昨日反复拨打刘仪伟个手机，始终被处于秘书台接听状态。
　　东方卫视总编助理江潜昨日接受记者采访，渠表示：“刘仪伟个离开只是档期原因，弗久后渠就会转来个。”至于刘仪伟个普通闲话是否过关，江潜谨慎个表示：“刘仪伟正在努力学习标准普通话……”
　　记者了解到，国家相关部门还将垃12月组织一次普通话标准考试，弗少普通话朆达标个主持人侪要参加居次考试，刘仪伟也垃其中。《东方夜谭》与刘仪伟个命运将会如何，侪要视本次考试个结果而定。陈莉/文