吴语协会

 找回密码
 开只户头

扫一扫,访问微社区

QQ登录

只需一步,快速开始

搜索
查看: 3392|回复: 0

[民间故事]三倒楣

[复制链接]
发表于 2008-2-18 18:07:58 | 显示全部楼层 |阅读模式
(老娘口述,偷偷记录~~~如有误差,看官勿怪~~)
嘅是个老故事, 老娘搭我起码讲过四五遍爻. 但是每次听, 还是候笑唻嘞笑.
早日伐, 有个坎户人家嗰囡, 嫁拨了大人家. 送嫁嗰日, 新舅是嘞亲家屋里吃夜饭嗰, 夜饭伐当然是办蛮多桌嗰酒水. 姐担心嗰弟慢乡下人上桌呒样子, 嘱咐渠吃菜嗰记要朗朗箸, 消只僵耷挾. 咦担心兄弟吃弗饱, 嗰伐忖个办法起讲用绳系新舅嗰手臂叻, 逮一记吃一箸. 咸晓得吃酒嗰记, 只鸡走进来寻物事吃, 拨嗰绳绊牢, 绳只逮只逮. 哈嗰弟伐, 箸只挾只挾, 桌头前吃弗及, 堆起叻木老老. 许人客望叻是眼都斗鸡斗起, 咦嗰好望.
嗰洋相出爻, 新舅伐呒吃饱. 夜叻困耷肚黑显, 爬起走擵冷饭噉. 冷饭挂嘞梁上嗰扎钩叻, 早范嗰人是打辫嗰, 新舅爬起擵一抲冷饭还呒到手, 扎勒钩拨渠鞭勾牢. 渠忖自己偷饭吃被拔牢, 只讲, 尔放爻, 我放爻(尔拨我鞭放爻,我拨冷饭放爻). 体酿到颗星, 亲家人爬起只见嗰新舅手叻抲仔冷饭, 嘴叻讲, 尔放爻, 我放爻. 新舅走迲倒楣爻, 嗰是"一倒楣".
第二次是走正月, 老丈人走亲家屋里迲, 亲家人扇渠亲娘嗰房间, 讲是"半间床". 结果嗰老头听至"观音堂"了, 哈趴叻迲只拜只拜. 爸拨囡嗰房间拜爻, 嘅是"二倒楣".
爸搭嗰兄弟走迲都倒牌子爻, 娘家嗰人末脚是娘走来. 困嗰房间里向, 夜叻嘴哺呒告话爻, 忖起到物事掼眼吃吃. 间里伐是有两只甑头, 一只囥嗰糖阴, 另外一只囥嗰粑油. 嗰老太婆妆错爻, 拨嗰粑油嘴巴沿胴起都是. 再走困转去, 毛衣嗰毛都粑到嘴叻, 恰叻胡须样样嘅嗰. 第二日, 亲家人爬起望着讲, 啊呐, 还讲外婆走来啊, 明份是外公嗐. 嗰个倍是"三倒楣".

[注解]
倒楣taume: 丢脸.
候yeu: 很.
坎户khiae-u: 穷人家.
大人家du-ninko: 有钱人家.
朗朗箸'laon-'laon-dzy: 动筷不要过勤.
僵搭cian-tae: 在这儿.
嗰伐keh-veh: 那么.
咸晓得ghae-shiauteh: 谁知道; 哪里知道.
只...只...tsy...tsy... : 不停地...
木老老mohlaulau: 很多.
...伐... ...veh... : ...么...
扎钩tsehcieu/扎勒钩tseh-leh-cieu: 钩子.
糖阴daon-in:
明份minven: 分明,明明.
嘴哺ciubu: 嘴巴.



Khie zy keh lau-kuzy, launian teh 'ngo chimo kaon-ku sy-'ng-pie ghau. daezy metshy thin, wazy yeu-shiau le-leh-shiau.
Tsaunin veh, iou-keh khiae-u ninko keh 'nae, ko-peh-'leh du-ninko. sonko-keh nih, shinjiou zy leh chinko uohli chioh-yavae keh, yavae veh taonzhie zy bae 'maetu-cioh-keh cioushiu. cia taeshin keh-di mae shian-o-nin zaoncioh m-yantsy, ciohfoh gie chiohtshe kehci ih 'laon-'laon-dzy, shiau tsy-cian-tae cih. yi taeshin shiondi chioh-feh-pau, kehveh tshen-keh baefeh chi kaon yon-zhin-ci shinjiou-keh shioupi leh, te-ihci chioh-ihdzy. ghae-shiauteh chiohciou-keh ci, tseh-ci tseu-cinle zhin-mehzy chioh, peh keh-zhin boe-lau, zhin tsy-te tsy-te. hah-keh di veh, dzy tsy-cih tsy-cih, cioh-deuzhie chioh-feh-ji, te-chi-leh mohlaulau. he ninkheh maon-leh zy niae tu teuci teu-chi, yi-keh haumaon.
Keh yanshian chioh ghau, shinjiou veh m-chiohpau. yaleh khuen-tae duheh-shie, bo-chi tseu mo-'lanvae gan. 'lanvae kua-leh lian-zaon-keh tsehcieu-leh, tsauvae-keh nin zy tanbie keh, shinjiou bo-chi mo-ih-kho 'lanvae wa-m taushiou, tseh-'leh-cieu peh gie-bie cieu-lau. gie tshen zyci theuvae-chioh bi-beh-lau, tsy-kaon, 'n faon ghau, 'ngo faon ghau('n peh-'ngo-bie faon ghau, 'ngo peh-'lanvae faon ghau). thinian tau khushin, chinko-nin bo-chi tsy-cie keh-shinjiou shiou-leh kho-tsy-'lanvae, ciu-leh kaon, 'n faon ghau, 'ngo faon ghau. shinjiou tseu-kheh taume ghau, keh-zy "ih-taume".
Ti-n-tshy zy tseu-cinnioe, 'lau-jiannin tseu-chinko uoh'li kheh, chinko-nin shie gie-chinnian-keh vaonkiae, kaon-zy "zaon-shiuvaon". Cihku keh-'laudeu thin-tsy "kue-in-daon" 'leh, hah phoh-leh-kheh tsy-pa tsy-pa. pan peh nae-keh vaonkiae pa ghau, kie zy "n-taume"
Pan teh keh-shiondi tseu-kheh tu tau-batsy ghau, nianko-keh nin mihcian zy nian tseu-le. khuen keh-vaonkiae 'lishian, yaleh ciubu mkau-wo ghau, tshen-chi tau mehzy guae-'niae-chiohchioh. kiae'li veh zy iou 'niantseh tsendeu, ihtseh khaon keh daon-in, linnga ihtseh khaon keh pehyou. keh-'lauthabu tsaon-dzae ghau, peh keh-pehyou ciupa-ye don-chi tu-zy. tse tseu khuen-cioe-khie, mau-i keh mau tu peh-tau ciu-leh, chihleh wushiu yanyan-kie keh. di-n-nin, chinko-nin bochi cih-maon, kaon, ana, wa-kaon zy ngabu tseu-le gha, minven zy ngakuon ghe. kehkie be-zy "sae-taume".
您需要登录后才可以回帖 登录 | 开只户头

本版积分规则

手机版|Archiver|吴语协会 Wu Chinese Society ( 网友言论不代表本站观点 )

GMT+8, 2024-3-29 13:54

Powered by Discuz! X3.4

© 2001-2017 Comsenz Inc.

快速回复 返回顶部 返回列表