88嘉定印象

泖港人

88嘉定印象
    我也想来学学张艺谋，来一个××印象。只勿过，文学功底实在勿哪能，写出来各物事要差得多。首先声明，20年前头个事体，如果有所出入，记了勿清爽，箇也是正常个。
    我是88年毕业以后，勒拉最热个7月底到嘉定联华去报到工作个。之所以选勒拉7月底，老早国营厂做过个侪晓得个，中国工资个算法是半个月一算个，就算31号报到也可以拿半个月个工资个。
    勒拉来嘉定之前，我只有2次搭嘉定有过联系，一次是中学辰光，伲松江二中搭嘉定一中交换过一次考卷，也就是我伲做嘉定一中个考卷，嘉定一中做我伲个考卷。当时对我讲，嘉定搭嘉兴是一样个，侪是遥远个地方。另外一次就是读大学辰光搭同学乘北嘉线千辛万苦到过秋霞圃、汇龙潭、还有埃只法华塔白相过一次。其它辰光，嘉定搭我浑身勿搭界个。呒没想到，勿但我个青春勒拉嘉定度过，并且搭嘉定结下一生个缘分。
    嘉定县城拨我个第一印象就是小外加勿大闹猛。我勒拉松江读了6年中学，松江城厢镇个布局是蛮怪个，南到北估计只有2公里样子，东到西恨勿得有5公里勿止（瞎估计个）。而嘉定东到西，南到北侪只有2公里个样子（清河路搭城中路，西大街勿算）。松江从解放路（现改名谷阳路）到马路桥一埭路侪是商店。嘉定只是东一撮，西一撮，侪是勿成规模个几爿店，就连新嘉商场也是刚刚开出来个。就勒拉科大个对过，塔城路边浪，还有几块农田，里头种了一眼菜。
    嘉定拨我个第二个印象是比较清爽、绿化好、安静。好像勒拉埃个辰光，城中路搭塔城路浪机非车道个隔离已经是用绿化带了。勿管是松江还是上海我读书个附近（我读书勒拉纺大，老早叫华纺，现在叫东华），清爽搭绿化侪比勿过嘉定个。按照当时辰光人个心态，到了一个单位侪是一辈子个事体，所以我想，嘉定环境勿错，一辈子做嘉定人也蛮好。
    第三个印象是嘉定人个语言。埃个辰光，各乡箇镇个人到嘉定买房子还呒没开始，城里向侪是嘉定城厢镇人为主，勿过嘉定人讲几乎纯上海言话个人交关，年纪轻一眼个口音至少已经蛮接近上海话。而我读中学个辰光（78-84）松江城里基本呒没人讲上海言话，侪是一口松江言话。大概是因为嘉定市属单位比较多，上海人多个原因。有一个例子可以说明嘉定个特殊性：嘉定老早就用管道煤气了，外加是从上海市区用管道输送过来个。而松江，当时侪还勒拉用煤饼炉烧饭，呵呵。
    正宗嘉定言话我第一句有印象是“haon”，表示弄，箇个是闻所未闻个。第二句有印象个是勒拉一部公共汽车浪向，有一个小囡问伊个娘目的地到了伐，伊问：“aon 到”，伊拉娘讲：“Ven 到”。我觉着搭苏州言话蛮接近个，觉着交关文雅。
    嘉定对我影响最大个地方就是西大街。讲到西大街，不晓得从何里搭讲起。日日侪勒拉西大街经过，反而没啥物事好唠叨了。一句言话可以概括西大街――西大街比嘉定其它地方，至少落后10年。当时辰光，我几乎当仔时光倒流到70年代末。
    以此纪念到嘉定工作20周年―――还有半年，就是20年了。
    小囡请多指正。

guoguo

嘉定县城倒还没去过
只去南翔吃过小笼包，去过安亭看F1。。。。。

疁城小囡

讲起来西大街是嘉定镇个发源地。联华厂是做啥物事个？西大街个主要工厂好像就是复建厂嘛，弗大记得联华厂勒啥地方。。。

前后an拼音有眼弗对，夯读han，盎读an，弗是aon。

嘉定市属单位比较多，交关单位里向基本浪是市区方言岛，尤其是一眼科研单位搭仔科大。

老早子城中路浪老房子搭农田弗少个，我小辰光体育场北面就是一大片老房子，后首来再造个体育馆。

guoguo

盎 是后ang，on sale就是 盎三。。。。

泖港人

呵呵，应该是han
联华公司在沪宜公路上，实际上，说得明白一些是在侯黄桥向西约500米的地方，属于嘉西乡地面。公司已经倒闭，当初是生产涤纶长丝的，兴旺时利润为5000万一年（91年）。
复建厂是在清河路上，现供电局对面

疁城小囡

原帖由 guoguo 于 2007-12-27 16:08 发表
盎 是后ang，on sale就是 盎三。。。。

这里讲的“盎”指的是“阿曾”的合音，读an。

热度

單位裡有好幾個嘉定『城中出來』呃同事
個別人一眼也沒嘉定口音，統統上海市區閑話，還弗是市裏遷到嘉定單位職工的子女

上海各縣城裏頭，我衹有 奉賢南橋&崇明城橋 還沒去過

疁城小囡

我不少中学同学到市区读完大学也都变成市区口音了。。。

吴人

我登勒江阴市区三年侪是讲普通话个。。。

guoguo

要求楼上切腹谢罪。。。。。。

showay

请客谢罪

大椿

勒江阴城里讲普通话？阿要肉麻……

疁城小囡

变成功吴xx批斗大会了？

大椿

勿过难怪，有无锡人在上海工作，每周往返。我问他在上海讲什么话，他说普通话！

想来，勒上海滩朗讲无锡话就阿乡了……晕！！

wooyang

奉贤南桥我经常去 我学校就在奉贤 奉贤真是蛮乡下的 除了南桥么地方好去 现在奉贤那里本地人也很少 四川人安徽人比较多 要听到纯一点的奉贤本地话我还要听我奉贤同学跟老子打电话...另外么 我们寝室6个人 1个浙江海盐 1个嘉定 1个江阴 1个南通通州 还有2个上海宁波人  虽说都是吴语 不过明显通州话比较难听懂 嘉定话口音已经跟市区很接近 海盐话么感觉跟金山话近 江阴话么都听得懂 我们隔壁寝室么3个崇明人 崇明话我就懂点单词 说快了听不懂 还有2个松江人 说话比较土 快了也听不懂....至于还有安徽的根本就不是吴语了 一点也听不懂...

吴人

原来我里江阴话比松江话好懂啊。。。。

wooyang

至少我是这么觉得的江阴话比较好懂 很多词也一样 白相 之类的 松江话语法跟很多词反而感觉不如江阴话近...

乌程仔

原帖由 吴人 于 2008-7-1 17:09 发表
原来我里江阴话比松江话好懂啊。。。。

基本浪向越北越好懂，基本如此，北面到底南蛮音少呵。

[ 本帖最后由 乌程仔 于 2008-7-1 18:41 编辑 ]

热度

仔仔：倷要當心一不當心到了韃虜音地盤

泖港人

松江话介难懂啊？也可能弗是城里言话，葛么作兴蛮难懂个