吴语协会

 找回密码
 开只户头

扫一扫,访问微社区

QQ登录

只需一步,快速开始

搜索
123
返回列表 发新帖
楼主: 泖港人

童年回忆系列

[复制链接]
发表于 2008-4-30 21:55:30 | 显示全部楼层
楼上江阴人哪会也用“额”。。。。。。
发表于 2008-4-30 22:21:59 | 显示全部楼层

回复 41# 的帖子

了外地登咯辰光一长,就产生方言混乱或者说方言融合了。。。姑且当“中介语”,哈哈
发表于 2008-5-1 11:25:42 | 显示全部楼层
江阴还有阿拉的。。。
发表于 2008-5-1 19:42:13 | 显示全部楼层
哇哈哈
发表于 2008-5-10 13:32:28 | 显示全部楼层
原帖由 疁城小囡 于 2007-12-23 12:10 发表


讲起来我搭泖港也有一眼缘分个,伲大爹当年就是勒浪平湖负责检修箇条“大平湖”航线轮船个。

你不是说"阿拉"的吗?
发表于 2008-5-10 14:17:25 | 显示全部楼层
阿拉跟伲矛盾么?非得是非此即彼?
发表于 2008-5-10 16:45:54 | 显示全部楼层
我小时候“伲”和“阿拉”混用,工作以后在单位里被同龄的同事好好嘲笑了一通,从此只说“阿拉”。
发表于 2008-5-11 01:10:41 | 显示全部楼层
我伲屋里侪是混用个,频率有差异而已。
发表于 2009-4-9 08:57:41 | 显示全部楼层
我伲泖港人没一个说的,去学别人做啥
 楼主| 发表于 2009-4-9 10:51:02 | 显示全部楼层
我伲泖港人没一个说的,去学别人做啥
文艺委员 发表于 2009-4-9 08:57

泖港人个单数自称还好,叫奴,复数搭所有格自称是娜,箇搭上海别个地方推板太大哩,别人家要搞糊涂个,写出来个物事是拨别人家看个,再讲我用个是上海市区言话写个,用我伲大家看得懂。
发表于 2009-5-1 16:41:03 | 显示全部楼层
楼主个回忆,看得我眼泪水嗒嗒滴。倒不是象人家作家写个啥个大时代个英雄事迹所感动,实在是因为楼主所写个小了覅小个事体,就象我亲生经历个一模一洋,而且小晨光个事体记得来得个老,所以心有所动哉!我比楼主小一岁,虽然住了上海徐家汇附近,但是附近也有农田,湖浜,石板桥等等。现在离开生我养我三十几年个土地九千多英哩,而且屋里厢是被强迁特个,再也回不到勒了高头白相个长大个个块烂污泥地皮, 哪能不叫我眼泪水嗒嗒滴......

看了楼主个描写,现在再晓得原来郊区和市区过个日脚呒啥两样,我小晨光穿个也是阿哥穿落来修改个补丁衣裳;吃个也是四分行钿一根个棒冰,不过呒没楼主屋里嘎富有得天天吃,有晨光白棒冰不舍得吃,等有赤头棒冰来个晨光再买来吃;看个是屋山头集体个14寸黑白电视机,居委会个,也是等楼主写个几只电影,对新闻一点也不感兴趣,后来好像80年代初看邻居个12寸黑白的;还有姿三四郎,一个礼拜放一集,一只被包要掼哎呒没掼出去个辰光停老了,请看下集,喔唷,个辰光心里挖是挖煞得来弗得了;76年老毛驾崩个辰光了了学堂里集体看追悼会,人家侪扑了台板郎个哭,我装悲伤了一刻钟还是哭不出,也象楼主一洋觉得自家反动,只好也扑了台板郎呜哩吗哩个假哭,后来想到自家平常被爷吃生活个冤枉事体,就真个哭出来了,乃么好哉哭不停了。记得是王洪文主持个追悼会,王洪文是我小辰光崇拜个对象,后来大学毕业个辰光看了张春桥个文集《龙华集》才晓得原来张春桥个文采嘎灵光,就开始崇拜张春桥了,个是后话,呵呵。倒是一向不欢喜邓小平,记得小学里开笔写个第一篇文章就是批邓个,而且还用毛笔誊好贴出来,反击右倾反案风:"现在全国形势一片大好,有一小撮右派妄图反案,  blah, blah..."。再讲廿年前个歇辰光正好大学毕业,大家侪晓得了了做啥个不欢喜邓小平个事体。诶有,楼主写落雪个年份,分毫不差,打雪仗个事体到现在还记得清清爽爽。小辰光没啥东西白相,但是现在觉得侪蛮有劲个,不象现在个小囡要学个物事多是多得来,弄得头头转没空白相,么劲;还有,现在个小囡呒没兄弟姊妹打相打吵相骂,终归好像人格当中缺了点啥。楼主写个上海小学四年纪开始学英文,但是我好像记得三年级就开始学了?勿过上海从小学开始学英文是千正万确个,到了初中课本里又从头开始,到了高中读统一教材再从头开始,当然老师直接从后面开始教,到了大学课本再从头来一遍,撅倒。

罗罗索索也回忆了个眼,不成篇幅,搭楼主个笃笃定定娓娓道来个文字不好比。姑且瞎七搭八瞎写写,大家有看呒看瞎看看算了。
 楼主| 发表于 2009-5-1 18:52:44 | 显示全部楼层
啊呀,碰着同龄人了,阿拉侪是普通老百姓个后代,文革里向弗像干部知识分子家庭受冲击,想想没啥痛苦个物事。反正大家侪穷,没啥坍台。古话说:不患穷,患不均,大家均了心里就平衡了。
现在个社会压力太大,回想小辰光个日脚也是一种放松,蛮开心个。
您需要登录后才可以回帖 登录 | 开只户头

本版积分规则

手机版|Archiver|吴语协会 Wu Chinese Society ( 网友言论不代表本站观点 )

GMT+8, 2021-1-19 19:11

Powered by Discuz! X3.4

© 2001-2017 Comsenz Inc.

快速回复 返回顶部 返回列表