吴语协会

 找回密码
 开只户头

扫一扫,访问微社区

QQ登录

只需一步,快速开始

搜索
楼主: 泖港人

童年回忆系列

[复制链接]
发表于 2007-12-24 18:46:51 | 显示全部楼层
氽来庙里向供个拉里位神仙?
 楼主| 发表于 2007-12-24 19:08:19 | 显示全部楼层
以下是金山区一个网名为文艺委员写的关于氽来庙的传说
《松江县志》载“松江泖港旧名氽来庙。”但笔者遍查地图等资料,发现让泖港得名的氽来庙遗址在金山朱泾镇温河村境内(原新农镇三图村),这是怎么一回事呢?

氽(tun)来庙的氽意即在水上漂浮的意思。金山卫地方志编委会成员之一,现年六十多岁的泖港人许顺观先生,向我讲述了他所知的氽来庙由来的故事。话说也不知是哪个朝代,从大泖港上“氽”来一个木佛像的头像,比人头要大,雕画刻划惟妙惟肖,有人在河边看见捡到后先是不知道为何物,一看是不实用的佛像后,就把它仍了,想不到,这佛像又回到了原地,又把它扔远,哪想的到,过一段时间,佛像竟然又浮到和原来差不多的地方。这时扔的人心里开始发毛,在当地一些人的讨论下,都说“这佛像神哩,恐怕它是不肯走了,大家应该在这把它供奉起来。”于是,人们就给它把它留下来建了一座庙,因佛像是外来泊来物,人们称它是“氽来之物”,后来定庙名叫日晖墩庙,但人们大都沿袭相传着俗称“氽来庙”。因此地历属泖港,“氽来庙”名望日盛,竟然代替了泖港这地方的名字。氽来庙在清朝乾隆五十九年,民国二十二年,先后经历三次大修。1958年拆建为仓库。1966年金山县泖港被划归松江县,而在小泖港河南的三图村,氽来庙的故址仍属金山县,由此,让泖港得名的庙与泖港的地域关系分割开来,但一些上了岁数的人仍习惯把泖港叫作“氽来庙”或“卡子”
发表于 2007-12-25 01:42:19 | 显示全部楼层
原帖由 泖港人 于 2007-12-24 16:10 发表
我想起来了,91年12月份上海也落大雪个。箇天夜里,我上夜班,脚踏车也勿敢踏,夜里10点钟从嘉定梅园路走到西门个联华公司,一步一滑,风大得来阳伞也撑勿牢。第二天讲,因为是零下8度,交关水管也冻裂脱。 ...
弗是-12℃?我跟隔壁班級同學來勒大雪中打相打被初中班主任交歷史老師訓脫一頓
发表于 2007-12-25 16:56:21 | 显示全部楼层
泖港人 兄 慢慢叫写,写好仔伲放到主页浪去:freelaugh:
 楼主| 发表于 2007-12-25 17:09:53 | 显示全部楼层
原帖由 吴人 于 2007-12-25 16:56 发表
泖港人 兄 慢慢叫写,写好仔伲放到主页浪去:freelaugh:

我是要回想回想,否则江郎才尽来:whaat:
发表于 2007-12-25 17:23:02 | 显示全部楼层
回忆回忆勒浪嘉定个点滴也好写个。
 楼主| 发表于 2008-1-3 10:38:51 | 显示全部楼层
76年个回忆      
      76年,是我伲民族勒拉历史浪永远记牢个一年。箇一年里头发生了交关大事体。箇些事体到现在还深深个影响中国。对我来讲,一个10岁个小囡,箇年里向发生个体事到现在还记了蛮清爽。
    首先是周总理个逝世,我伲三年级个寒假还呒没放,我屋里呢半导体是呒没个,也呒没有戏广播,所以我晓得箇个消息是同学告诉我个。当时辰光领导人个消息是勿大有个,要是有就是领导人接见某某代表团之类个,辣么生头听到周总理逝世,觉着呒没办法接受。学堂里拨我伲发了黑袖章,我起码要挂了2-3个星期。
    4月个一日早上头,有一个卫生院(当时辰光我个屋里就勒拉卫生院里头)个实习医生神秘兮兮个对我讲,天安门发生反革命暴动。从我受到个教育,全国人民是团结一心个,我几乎呒没办法想象居然有人要发动反革命暴动,真是罪该万死。(后头来大了再晓得,是反对四人帮个事体,不祥谈了)
    我伲小学个辰光时候,每个星期四下半天是用勿着上课个。9月9日下半天本来学堂里叫我伲几个平常表现好个同学(就是考试成绩好)到学堂里去,讲是电视台要来拍录像。到现在我也不晓得箇是骗我伲个呢,还是哪恁,反正到了学堂里向,我伲左等右等,老师就是不来。
    我伲侪觉着没劲,因为就几个同学,外加有女同学搭仔平常不一淘白相个同学,所以大概勒拉外头兜一圈就回去了。回到屋里,也蛮巧个,全家人侪勒拉屋里,包括伲爷搭阿哥(我个爷勒拉上海县个叫塘湾公社个粮管所工作个,我阿哥勒拉安徽上山下乡)。阿哥搭我讲,4点钟有重要新闻,叫我覅走开。(3月份我伲屋里买了一只海鸥牌-天津产无线电)。到了4点钟,无线电里居然传出了哀乐。我埃个辰光仍旧是小囡,毛主席勒拉我个心里向是不会死个神。我个第一反应是,完结哉,我伲国家呒没领导了,那么哪恁办,我伲从来侪是听毛主席个话个,毛主席呒没了,我伲听啥人个话?
我里向还有一个没办法讲出来个遗憾-本来按照节目表,箇天夜里向电视里放《渡江侦察记》--我顶喜欢个电影,实际浪我已经看过好几遍了,勿过我百看不厌啊。箇个遗憾当时是没办法说出来个,否则就是太勿热爱领袖了,毛主席逝世了,我哪恁可以牵记惦记看电影?
    据说我伲公社个中学里向交关学生子侪痛哭流涕,勿过我伲小学生倒呒没啥人哭个,虽然觉着蛮难接受毛主席离开我伲,但是我去过至少3个毛主席个灵堂,侪哭勿出来,我自家觉着自己有眼反动,对不起毛主席。
    毛主席个逝世,我伲学堂里交关日脚没好好叫上课--箇当然也是我希望个。当时所有个广播电台,所有个电视节目,千篇一律就是悼念毛主席个内容。总归是一遍又一遍放哀乐,我可以清晰个记得起电台里放个音乐,一共就是箇这几只:国歌,国际歌,东方红,哀乐。以至于到现在,只要我回想,耳朵旁边就会箇几只音乐个旋律,外加就是当时个音色。
    另一桩让令我震惊个事体是(就是我震惊,除了我估计呒没人震惊):江青是毛主席个夫人。我一直认为毛主席是神,搭一般人不一样个,一般个人有爱人,毛主席是不应该有个。当时宣传得来,侪让我伲勿懂事体个小囡箇恁想。
    76年个另外一桩恐慌是地震,7月28日唐山地震,是历史浪伤亡最大个一次。当时辰光,大家谈震色变,我伲屋里好像没啥,但是听说就勒拉苏州,离开唐山上千公里个地方,大家也住进了抗震棚(我大爷叔辣苏州)。
    76年注定是不平凡个一年,勒拉我晓得了江青是毛主席夫人个一个月以后,突然之间大家侪勒拉讲,我党粉碎了又一个反革命集团--四人帮。为首个是王洪文—9月18日我还勒拉电视里看见伊勒拉毛主席个追悼会浪,面孔板勒该的王洪文,居然是反革命个头,毛主席个夫人是反革命成员,张春桥搭姚文元我就不知道是啥人了。没过几天,上海市长马天水也捉起来了,侪是四人帮爪牙。讲句老实言话,马天水真个像坏人,应该是勒拉上海个追悼会浪,上海个电视也转播个,马天水发言个辰光我看见伊是光榔头,我一直觉着光榔头板是恘人。蒋介石就是光榔头--我连伊个图像也没看到过,勿过电影里向侪叫他伊蒋光榔头。
发表于 2008-1-3 11:14:45 | 显示全部楼层
天翻地覆个年头!别说小孩子搞弗明白,阿拉成年人也云里雾里……

写得好!
发表于 2008-1-3 13:58:16 | 显示全部楼层
原帖由 泖港人 于 2008-1-3 10:38 发表
    另一桩让令我震惊个事体是(就是我震惊,除了我估计呒没人震惊):江青是毛主席个夫人。我一直认为毛主席是神,搭一般人不一样个,一般个人有爱人,毛主席是不应该有个。当时宣传得来,侪让我伲勿懂事体个小囡箇恁想。


玉皇大帝搭王母娘娘啥关系我到今朝弗曾弄得清爽。。。
发表于 2008-1-3 14:22:56 | 显示全部楼层
76年就有得电视看勒? 外加是天天看个?
发表于 2008-1-3 14:28:45 | 显示全部楼层
原帖由 吴人 于 2008-1-3 13:58 发表


玉皇大帝搭王母娘娘啥关系我到今朝弗曾弄得清爽。。。

母子吧

如果看原型,一个是母系部落首领,一个是史前生物
据明代神话小说《 西游记》推断,玉皇大帝当出生于中生代的三叠纪,(距今约2.268亿年),见第七回“八卦炉中逃大圣 五行山下定心猿”:“ 佛祖听言,呵呵冷笑道:‘你那厮乃是个猴子成精,焉敢欺心,要夺玉皇上帝尊位?他自幼修持,苦历过一千七百五十劫。每劫该十二万九千六百年。你算,他该多少年数,方能享受此无极大道?你那个初世为人的畜生,如何出此大言!不当人子,不当人子!折了你的寿算!趁早皈依,切莫胡说!但恐遭了毒手,性命顷刻而休,可惜了你的本来面目!’” (三叠纪(Triassic period)是中生代的第一个纪。始于距今2.5亿年至2.03亿年,延续了约5000万年。)
 楼主| 发表于 2008-1-3 16:35:09 | 显示全部楼层
原帖由 疁城小囡 于 2008-1-3 14:22 发表
76年就有得电视看勒? 外加是天天看个?

我伲镇浪向从74左右开始,就有几只单位买电视机,公社里头个电视机勒拉76年辰光还是彩色个
我啥辰光写一篇看电视个回忆,呵呵
 楼主| 发表于 2008-1-3 19:22:30 | 显示全部楼层
看电视
    我头一趟看到电视机是勒拉71年,当时辰光是我阿哥带我去个,而我阿哥(比我大11岁)71年10月份就到安徽个安庆插队,肯定是勒拉伊走前头带我去看个。我埃个辰光只有6岁,看到箇只电视觉着怪来-前头呒没放映机个,因为我看到过乡下8mm个小电影机,银幕前头有放映机个。为仔看个究竟,我还到电视机后头瞄了一眼,觉着奇怪得来。
    后收来我真正开始到处寻电视看是勒拉74年以后,具体也记勿清爽是啥辰光了。
    因为老早辰光呒没电影赚勿赚钞票个事体,只要电影放了,电视肯定也放了。到了2年级以后,人也老茄了,吃好夜饭常早到外头看电视。我伲镇浪最早买电视机个单位是手工业社搭仔商业社,勿晓得为啥,我一般侪到手工业社去看个。手工业社个电视机是14寸个,人多个辰光上百个人轧拉一淘看。记得顶清爽个一次是电视预报讲放罗马尼亚或者是阿尔巴尼亚个《爆炸》,箇日天去个人特别多,外加是热天,里头轧得来要命啊,汗水流得来一塌糊涂,衣裳侪湿光,结果等了半天也勿放。我是没等到,因为9点钟前头板要回到屋里个。听人家讲后头来还是放个,弄了我懊恼煞。
    人多人少主要是看片子好看勿好看,箇辰光我也勿晓得有几只频道(78年左右是2只),电视机我伲是呒没办法掌握个。文汇报、解放报每天有一小块边角个地方登电视节目预报个,一般讲节目预报蛮简单个,因为当时个电视节目6:30开始,放脱一歇新闻之后就开始正片了。相对于正片,前头个新闻叫加片(我老早一直听成功假片,汗一个)。埃个辰光个所谓正片,侪是外头放个电影,像朝鲜、越南、阿尔巴尼亚、罗马尼亚个电影,当然中国自家个电影也有,从《向阳院的故事》、《闪闪的红星》、《青松岭》、《海霞》、《枫树湾》、《侦察兵》…..等等,到后来个《春苗》、《红雨》、《第二个春天》《火红的年代》、《渡江侦察记》…..,后来四人帮粉碎之后解禁个大量复映老电影,基本侪看多个。正片放光仔么,电视台节目也结束,括拉松脆。
    呒没多少辰光,买电视机个单位多起来了。勒拉我屋里一淘个卫生院也买了一只电视机,16寸个,比手工业社大。近水楼台先得月,从此以后,我就基本浪勒拉卫生院里头看了。箇一看一直看到80年,印象顶深个《大西洋底来的人》也是在卫生院看的。
    箇辰光肯定是呒没中央电视台个,我记得蛮清爽,箇辰光有辰光箇新闻前头会得出现:试验转播北京电视台××,后头个言话我记勿起来了。
    小囡疑问箇76年看电视问题,是箇恁个。毛主席个追悼会前头,公社里头勿晓得啥地方来了一只彩电(是彩色个),到18号箇天,我拼命轧到公社里头看了半天,人当然交关,远远叫看看带颜色个电视机,心里交关满足
    再后收来,电视机越来越多,连街道里也有了,我看《董存瑞》就是了我伲所属个街道第4组看个,勿过只有9寸,像看小人书。
    我屋里买个第一只12寸黑白电视机-飞跃牌,是勒拉80年放《加里森敢死队》个辰光,从此以后,我也用勿着到外头去看电视了。勿过痛苦个是,我勒拉松江读书,只有礼拜六有得看。有几只著名个电视:霍元甲、无名英雄、铁臂阿童木侪没看过。前头2只是礼拜五放个,阿童木是礼拜天夜里放个-我要回学堂上夜自修去哉。

[ 本帖最后由 泖港人 于 2008-1-3 19:24 编辑 ]
发表于 2008-4-24 10:56:26 | 显示全部楼层

支持

发表于 2008-4-24 11:06:51 | 显示全部楼层
七几年,替老弟在外地开后门买了只电视机,9寸头黑白机。哈!顿时家里就像开电影院,天天到辰光街坊邻居弗请自到,有许多人认啊弗认得,侪来看啊……热闹得一塌泥糊涂!

[ 本帖最后由 大椿 于 2008-4-24 11:10 编辑 ]
发表于 2008-4-24 11:23:42 | 显示全部楼层
原帖由 mandarin 于 2008-1-3 14:28 发表

母子吧

如果看原型,一个是母系部落首领,一个是史前生物
据明代神话小说《 西游记》推断,玉皇大帝当出生于中生代的三叠纪,(距今约2.268亿年),见第七回“八卦炉中逃大圣 五行山下定心猿”:“ 佛祖听言,呵呵冷笑道:‘你那厮 ...




haha
发表于 2008-4-24 18:04:41 | 显示全部楼层
原帖由 大椿 于 2008-4-24 11:06 发表
七几年,替老弟在外地开后门买了只电视机,9寸头黑白机。哈!顿时家里就像开电影院,天天到辰光街坊邻居弗请自到,有许多人认啊弗认得,侪来看啊……热闹得一塌泥糊涂! ...

七六年及以前,赅只9寸头电视机,绝对是身份的象征。那时的售价是360元,中上工资水平的人将近两个季度的工资;更厉害的是要票子,没有相当的头寸连票子的样子都看不见。毛的追悼会要大家都看。学校以班级为单位集体看。那台电视机要借借还真不容易——没有几家有的,有的人家也不大肯借的。
后来偶然到一个同事家里,见面汤台上居然有一台9寸头。我就说:呵呵老兄赅得起九寸头啊!他赶快解释,是他姐姐用剩了给他的。
发表于 2008-4-24 20:37:29 | 显示全部楼层
是啊是啊,不堪的年月。中国电视起步较之发达国家晚了20年左右,咱们那时讲究自力更生丰衣足食啊……
发表于 2008-4-30 12:42:35 | 显示全部楼层
还是小辰光好白相
发表于 2008-4-30 21:49:03 | 显示全部楼层
弗晓得啥个辰光,一夜之间,我伲所谓额“80后”啊开始集体怀旧哉。。。。莫非阿拉真额开始衰老了。。。。当年额“祖国花朵”啊。。。。
您需要登录后才可以回帖 登录 | 开只户头

本版积分规则

手机版|Archiver|吴语协会 Wu Chinese Society ( 网友言论不代表本站观点 )

GMT+8, 2021-1-19 20:51

Powered by Discuz! X3.4

© 2001-2017 Comsenz Inc.

快速回复 返回顶部 返回列表