|
|
该是一个叫做书咄咄个女人讲渠爹个故事。我觉得叻嗰爹伐咦嗰有责任，阿有头脑负责任。
基日伐自己搭自己来旁噉葡萄酒，头起伐搭bf着了两盘象棋，酒劲嗰记上来伐，输都输噢，阿有几招叻把渠汗都吓出来，哈哈，俺蓦临头忖起学象棋，嗰世人着个盘数便用十只手末脑头叻便数叻出噢。
咋儿兴日快便爬到婆媳个位置上噢，我忖忖早日记个，望望昶记个，此起彼伏，心阿跳跳跳个越来越快，趁着昶记醉噢，趒上来讲眼夜话，讲我爸从小咋儿教育我个。
基日脑子阿弗是候好用，讲出来个话慢可能呒嚡呒逻辑性，尔侇伐便兴日望弗造。
我叻主要讲讲我爸嗰女权论者咋儿教育我个，噢我大起叻勿是变成一代包子～～
先讲我爸，我爸变成一代女权先驱叻，勿是一朝一夕个事干。我爸个娘便我娘娘，渠叻是新一代知识女性。渠生叻一个大份人家屋里，是现代西方教出来个。
娘娘个爹，太公渠伊代加代都教书个，所以讲我娘娘还大娘头个记，屋里个姊妹叻都被（把渠）送旁洋学堂里读书。娘娘伐从小作文写叻好，字阿写叻好，到昶记叻，渠个中学里写起个作文还囥叻渠早日读噢个学堂博物馆里。所以讲我娘娘个思想，多多少少叻阿有眼激进。
我爸长子阿，爷爷娘娘都把渠宠牢呤。爷爷伐当兵个，老世呒来屋里阿，哈我爸个思想，大部分都从我娘娘搭来个。
爷爷娘娘是两种人，爷爷当兵，讲究纪律，整洁，严肃，时间性。奶奶读书人，讲究散漫，自由，随意性。我爸除了我爷爷个时间性，话些都把我奶奶个散漫、自由和随意性学了（音同聊）。
所以叻我爸扣结婚个记，噢我娘吃了蛮多个苦，比方讲，关照我小叔个边，老世帮自己娘家人讲话个些，我爸伐忖，我侇屋里伐爷爷娘娘双右派，哈尔是我老贤阿总照顾我屋里kae（个鸭）。勿是忖讲，渠是男人，我娘便要听渠讲嗰种思想。
所以，同时，渠阿有个致命个弱点，晓弗得哄女人，渠觉得，尔想要便讲出来，尔弗讲我咋儿晓得。
我爸弗懂女人个撒娇，阿弗想懂，同时，渠觉得，喜欢撒娇女人个男人把女人望叻很低，望成白噉。
故而我出生之后接受个头一个教育，便是，呒切撒娇！
我爸来我出生前便声明，渠想要个闺女，如果我娘肚皮弗争气生个儿，兴日渠可能是捏着鼻头认噢，阿可能是逼着我娘再生，直到生出闺女为止。
我爸嗰种匪夷所思个观点，来自渠带我小叔个感慨。爷爷娘娘管牢以后，作为长兄个老爸把小叔从老屋接出来，搭父亲样个照顾渠。但是，一直以来亲眷身边大起个小叔，养成了无数恶习，比如讲说谎，虚荣，弗爱学习……
我爸管小叔管伤心噢，一厢情愿地忖，囡要比儿听话好管无数，所以，渠坚持我娘生闺女。
据我娘回忆，渠大肚七个月个时候（嗰时候还呒兴B超），有日夜叻我爸来梦里哈哈笑，我娘把渠推醒，原来我爸做了个梦，梦着我娘生闺女。
老爸搭娘娘讲好，如果生儿，写信通知，生闺女，发电报！
事实证明，我很能撒娇，我能来大路上蓦临头噢bf，掼掼。于是渠跍落去背着我来大街上狂奔，惹得别人笑弗自禁。我阿能用脑袋蹭着渠个下巴，嗲声嗲气个讲，“阿哥gihgiae，搿搿宝宝”……
但是小时候，我是呒享受过撒娇个乐趣。因为老爸个经典论述便是，“只有把女人当花瓶个男人老会欢喜女人撒娇！”
当我大着口舌，扭着其身，问娘爸提出我个要求个时候，老爸老世和颜悦色个拒绝，接落去讲，“你上先讲个话我呒听清爽，你再讲遍！”
于是我一遍又一遍个重复，一直到渠觉得我个神态呒兴日嗲噢哈算完事～～
嗰种教育个后果便是，从小我来细老头前面，都是一幅嗷嗷硬个姿态。俺个一个最好个姊妹小米早日告诫过我，“亲爱个，你忒强硬噢，男人弗喜欢个！”
也许一个囡儿头撒撒娇便办叻到个事，我都办弗到。我喜欢有一讲一有二讲二，伶牙俐齿毫弗留情。所以一直以来，大部分个细老头都对我敬而远之，“忒呒女人味噢”，嗰是我个一个评语。所以，我爸个嗰种教育到底是对是赚，我呒堂地判断。
我阿接受过一次短暂个恋爱，旁个细老头搭我讲，“尔呒chih温柔眼啊，比如讲，尔讲话可以用，嗯～～人家弗嘛～～～嗰种语气”。而我当时便怒曰，“我又勿是人格分裂！”
所以一昶，渠讲我对于渠已经呒吸引力噢～～
我记得有次送我娘过马路，渠让我侇趒转去，可是老爸坚持带着我来嗰边目送我娘过去。等我娘到旁边上车去噢之后，老爸讲，“我兴日望尔娘，是女人个都会欢喜个。不过我一直教育尔，弗会搭一般个女人样欢喜这些虚头八脑个物事～～”
我当时讲，“我弗会欢喜！”
可是昶记，我一样欢喜，呵呵。
望来老爸对我个弗撒娇教育，以完全失败告终！
我爸对我个第二个教育，门当户对教育。
嗰该望来，我个婚恋观形成得很早。小时候我爸虽然拨我无数书望，但是琼瑶个小说渠一直禁止我望。
我记得有一次妆了一本岑凯伦个小说，犹豫再三还是望噢，呵呵。我爸弗许我望琼瑶，又呒禁止我我望岑凯伦，对伐？所以我理直气壮个望噢，不过好在小岑个小说里，受苦个场面弗多，大部分是富家公子富家小姐，历经折磨终成眷属。
不过归根结底，我个言情小说，始终是一项空白。小时候都陪老爸望黄梅戏噢，介呣七仙女董永，牛郎织女……
一边欣赏黄梅戏个优美乐章，我老爸一边语重心长个讲，“望着呒，要门当户对啊，弗门当户对都是悲剧！”
嗰时候我便觉得我老爸特势利！
直到有一日，我搭朋友讲“一定要门当户对”个时候，哈发现，自己个婚恋观，老早形成噢。
我爸最怕我攀高枝，每次拍拖渠都要问我，对方父母是介呣工作个，然后心满意足个讲一句，“兴日搭我恁屋里差弗多”，便趒吃茶聊天靠，再阿弗屑着我噢……
结合门当户对教育，我爸有个奇特个观念。昶记望来当然弗奇特噢，但来渠旁个年代，便有眼离经叛道～～
我爸反对“奉献”，尤其是女人个奉献！
小时候觉得我爸超级弗善良，觉得渠超级弗厚道，呵呵。
比如讲早日一个根据真实故事改编个电视剧《嫂娘》，晓弗得大江人望过呒没？宋春丽主演个。
讲个是一个下乡知青女人嫁拨一个乡下男人，后晚嗰男人搭一个三儿逃靠，又拨车撞死噢，留叻一个娘搭六个阿妹（弟弟妹妹）。
嗰嗰女人一直来旁含辛茹苦照顾婆婆搭小叔小姑，把后晚可以回城个政策都放弃噢，把六个阿妹都供养读上大学，哈及时生病死噢。
对于嗰故事，我是热泪盈眶感动万分，我爸是嗤之以鼻特别鄙视。
俺瞪着红里里个眼睛讲，“爸尔弗感动啊？”
我爸讲，“感动个P，如果渠男人对渠好一世再死伐，渠兴日报答，哈是呒告相干个。哈渠男人是兴日个浓浆，渠还养渠弟妹，老实是皮痒起。”
然后我爸又讲，“闺女，尔要小心噢。嗰是男权个世界，媒体个导向只会偏向男人个既得利益，覅相信媒体所歌颂个，渠侇便是一边倒个。渠侇只晓得牺牲女人个利益来成全男人个利益！尔要长自己个脑子～～”
除了《嫂娘》，我爸还对社会上鼓吹个男子得病，未婚妻弗离弗弃嗤之以鼻，认为该是人家个个人行为，如果媒体鼓吹便是居心弗良，便是欺骗广大未成年少女。
我爸个观点，女人首先是一个个体，其次再承担别个社会角色，所以应该首先满足渠作为个体个各种欲望，再哈好谈到渠来社会中个奉献。泯灭个体欲望鼓吹社会奉献个，是扼杀妇女思想进步个凶手。
但是我爸阿有渠个缺点，渠最大个缺点便是弗大换位思考，所以，某种程度上渠是一个好爸，但弗是一个好老官。
我娘早个时候为了我爸感情方面个弗成熟，吐了一盆又一盆个血，可是渠阿承认，“尔爸是个好人。尔爸对我嗰些亲眷，有两记比我自己都还好。尔爸从来弗吃醋，我个异性朋友，最后都能变成渠个朋友……”
可以兴日讲，我爸是一个受传统思想约束比较少个人，渠更像刘伶阮籍之辈，喜欢海阔天空，喜欢个性张扬。所以渠身为男人，也许是一个让老贤吐血个老官，渠便是身为女人，阿会是一个让老官吐血个老贤。
靠叻来我身上，还有我娘个话一半基因～～呵呵！
我爸对我个第三种教育，女子本强。
晓弗得是老爸有了闺女以后哈有个嗰种思想，阿只望到自己老娘便自然萌生个嗰种思想。我爸经常讲个一句话便是，“中国个男人都被惯坏噢！”
考大学时候，经常有一些弗成文个潜规则，比如讲同样个分数，学堂录取男生舍弃女生。我候弗平，讲嗰世道弗公平。我爸候平静个讲，“嗰嗰世道候公平，女生便应该比男生考叻好！”后晚我侇物理老师居然阿有同样个观点，嗰壮嫩嫩个老太婆语弗惊人誓弗休个冒出一句，“时代无用噢，男女老样样该！囡儿头便应该比细老头考得好！”分特！
渠侇倒是痛快噢，拨我带来多少大个压力啊？？？
中国男足是我爸心口永远个痛，每次渠都掼男足作为教育我个反面教材，意思是如果我弗读书弗上进弗好好工作，最后个下场便搭嗰群“中国男人”样。汗死，讲得扣叻要搭渠老人家马上划清界限，声明自己弗再是中国个男人样。
我爸忖，我恁国家父母带小人，对儿有格外个优待搭宠爱，才导致了昶记嗰种结果。
渠讲，如果我是儿，渠可能会对我严厉十倍，渠弗想把渠个儿阿培养成幼稚懦弱个超级巨婴。靠叻我呒把渠嗰机会～～
上两日我来自己blog里写了一段“大男子主义是勿是一种病”，我爸阿上去留言噢，讲是“中国个男人已经呒可救药，所以文章虽然好，用途弗大噢～～”
所以我爸特别推崇《红楼梦》，来我幼年弗能望书只能搭渠侇望连续剧个时候，我爸是抓紧一切机会教育我“女子本强”！
我记得当时我爸讲个最多个便是，“贾宝玉弗爱学习，弗爱读书，玩眼小聪明。渠旁些姐啊妹啊该加该都比渠崭～”
昶记忖起来，蛮有趣个。
所以我爸一直鼓励我读高学历，来我还上小学个时候，我个亲眷渠侇都开玩笑噢我“小博士”～
对于嗰种读了太高学历便嫁弗出噢个论调，我爸一直嗤之以鼻，“弗敢娶女博士个男人，我侇还弗着叻嫁唻～”对此，我娘是大感头痛，觉得我嗰世，铁定是嫁弗出噢。
但是，鼓励我读高学历，并弗代表渠对学历有偏见。我爸始终认为，女人弗一定非要寻个比自己学历高个或者样样嘅个，渠觉得本科以上是完全平等个学历。硕士博士只能说明此人在术业上比较煞甲，而弗能代表别样个。
所以，渠对我找对象个学历放得候宽个，只要正kun直日（正经）读过大学个，渠认为都呒问题。要是能找到一个工作养活我读书个人，那更是神佛保佑个结果噢。
介绍我爸另一个教育我个观点，渠认为儿囡大起噢便要远走高飞。
也许渠侇屋里有嗰嗰传统弗造，我爷爷年轻时候从大山沟里趒出去读了军校，戎马一生。娘娘跟随爷爷阿是东走西走颠沛流离。
爸爸十九岁大学毕业，从老屋南方分配到东北工作。一工作便是十年，来渠无数同学来东北安家落户个时候，国家号召支援三线，向西北进军，老爸第一个报名参加（当然噢，嗰时候渠是光棍！）。
一世走南闯北是我爸爸最为自豪个事干。
我小人个时候呒读过幼儿园，来我学前个几年里，一直跟我爸四处出差。“读万卷书，行千里路”是渠培养子女个一大宗旨。
我爸还经常表扬我，跟渠出差个时候，我弗娇气，弗赖屋里，大人吃嚡呒我阿吃嚡呒，大人困嚡横我阿困嚡横。
介段时光，阿是我候怀念个～～
到昶记，我还能回忆起当时搭爸爸做队出差时候个片段。我侇住叻当时南京最高个一座旅馆里，顶层。我兴高采烈个趒去乘电梯，每次电梯启动要勿停落来我都高兴个咯咯笑。
杭州，杨梅咦嗰好吃，爸爸个同事牙齿都拨杨梅酸倒噢，只剩落来我搭一个伯伯，我坐叻渠眠床里，摸渠嘴里送一个，自己嘴里送一个。
来接待个厂方个食堂里，头一次吃茭白个我把盘里个茭白全挑着吃光噢，人家接待个人随即噢服务员，“再来一盘……”
话个时候我喜欢望霓虹灯，我侇旁搭内陆城市还比较少，我爸道道时来南京上海一带出差，有时候趒转老屋探亲阿会经过，所以渠老世带我一站一站个坐，南京，上海，杭州……
上海个霓虹灯最多最漂亮！
到了我考大学个时候，因为成绩个竞争力阿弗算忒强，如果报考本地，北京，上海嗰三个地方个话，便只能降低学堂档次噢。
所以我爸拨我制订八字方针，“北上东北，南下江南”，渠个态度便是，越远越好。渠研究拨我报个学堂，北到齐齐哈尔，南到昆明……
无地数同学弗理解我侇屋里个行动。不过我自己是满心希望趒出去荡荡，我爸虽好，管我阿管得忒多噢，我巴弗得出门自由一记。
于是偶跑到一个2800公里外个地方去上学噢～～
面对我个是同班同学个好奇，“尔一定勿是尔娘爸亲生个晓？”
俺班一个哥哥，渠讲渠本来要报关内个，渠娘死活弗答应，“尔侇关外都是拐晓？”（偶可爱个东北同学，老世把渠侇关外当关内）。
偶发飙噢，“搞清爽，俺侇旁搭老实关内。尔侇嗰搭老系关外，关外弗兆都是胡子晓？”
hiahia，逗嘴，我只弗怕！
不过旁句“勿是尔娘爸亲生个晓”大概伤了我爹话颗拳拳个爱女之心，渠忿忿弗平个讲，“燕雀安知鸿鹄之志哉”～～
于是，嗰一记，我便飞靠，而且越飞越远。
我娘还候担心我嫁弗出去，我爸阿有一眼。当时出国前有几个男士向我示好，我因为要离开，所以都拒绝噢。我爸讲，“渠侇有本事，便跟着去弗造噫～～”我讲，“人家为介呣要离开国内舒适个环境搭工作，bih（跑）到外头去？”
我爸讲，“因为我个囡要做蜂后，只能选择个能搭渠飞得一样高个配偶”～
我晕！
出国前我爸还问过我，“兴日多形容夫妻和睦个成语，尔喜欢后该（ieukie）？比如比翼双飞，夫唱妇随，举案齐眉……”
我忖了忖，回答，“我觉得我还是喜欢比翼双飞！”
我爸笑着讲，“看了一期节目，大部分男人都喜欢‘比翼双飞’嗰嗰词，而大部分女人都喜欢‘夫唱妇随’嗰嗰词。尔转日还是寻一个能搭尔比翼双飞个男人弗造～～”
然后讲讲我爸有些貌似失败个教育，除噢弗许撒娇教育，还有一项，搭大江人告告状。
我觉得我兴日大噢阿蛮弗容易个，我爸道道时搭老师拔河，尤其来我读小学个时候。后晚读初中噢渠便搭老师万众一心噢，可是小学个时候，唉。
我便属于应试教育搭素质教育夹缝中个牺牲品！
比如讲，渠让我晓写功课，搭我娘趒剧院望戏，然后教我咋耳搭老师讲，“我爸爸觉得望戏比写功课重要～～”
可怜我话个时候还弗到10岁啊，尔便是再借我两胆我呒胆搭老师兴日讲啊。只好撒谎讲作业忘带噢，然后第二日补起来交拨老师！！
还有次，第二日阿要期末考试噢，有心算题，我侇老师噢我侇把课后个心算题都抄一遍背落来。我扣来搭辛苦抄，我爸又趒进来噢，非拉我趒去望电视，我还记得嗰日夜叻演个是非常精彩个武打片，“木棉袈裟”，内容都忘记噢，便记得题目噢。
我讲我写弗完天亮老师会讲我，我爸讲，“乱妆，介呣有数学题靠背个？你老师便乱妆个！”
唉，我便趒去电视噢～～
好在我已经抄了一大半，第二日应付检查还算将就过噢！
也许渠个某些教育理念弗大适合国内。
渠昶记老世搭别该家长讲，七岁之前，晓噢小人碰书本，噢渠侇嬉。
嗰好象来昶记个中国，根本行弗通。
然后我爸还有个候失败个教育理念，导致我弗得弗放弃我有天赋个文科方面而进入我特别吞个工科行业。平心而论，我是非常弗适合做工科个，我协调能力吞，呒养成整洁个习惯，动手能力吞，也许学理科都比学工科合适呤（lin）。其实大江人都认为，我最应该学个是文科。
但是因为我爸个一个教育理念，害得我呒办法弗搭文科讲byebye。
我小时候是受正统教育个，爱祖国爱人民热爱中国共产党，父母老师都是兴日教我个。原本呒错。可是来我望完少年版“上下五千年”之后，提了一个候白噉个问题，“我恁昶记是介呣朝代？”
当时我爸扣来厨房灌水，渠诧异个盯了我一眼，然后，明显个言弗由衷个回答了一句，“朝代是封建社会个事。我恁昶记是共产党领导个社会主义阶段～～”
但是我固执个继续提问，“兴日，社会主义阶段勿是一个朝代嘎？我恁转日嚡呣ve（勿会）改朝换代嘎？”
我爸明显开始气短噢，渠第一次来“学术问题”上，掼出做爹个威严，禁止我继续“胡说八道”，渠讲，如果我个嗰种言论拨外人听兆（着噢），如果是几十年前旁个混乱个年代，我侇统家人都有可能趒去坐牢。
但是从搭以后，我阿明显感到，我爸对我个正统教育阿结束哦～～
从搭以后，有些原本该背着小人讲个话题，逐渐囥上饭碗头来讲噢。面对媒体里个宣传攻势，我爸经常搭我讲，“要长自己个脑子！”
最让我混乱个一日，终于到来噢。
小学时候，学校组织望电影“台儿庄”，十年来一直接受着国民党是坏人教育个我终于彻底混乱噢。嗰次个影评，我硬是一个字阿呒写出来！
面对我个窘态，俺记得俺爹极弗厚道个嘿嘿笑着，似有心似无意个讲了一句，“墨写个谎言，终究敌弗过血写个历史～～”
我瞪着眼睛问渠，“介呣意思？”
我爸轻松个讲，“郭沫若讲过，历史是胜利者对过去个描述！”
嘿嘿，好一个胜利者个描述，是勿是有点成王败寇个意思？
不过我爸为了渠嗰番话阿付出噢惨痛个代价，哈哈，后来上中学，望大决战介呣个，要写心得，我还是一个字阿写弗出。我爸只好亲自带我趒电影院去望，一个字一个字教我咋儿写！
于是我个政治成绩开始一落千丈。
老师觉得我是个怪人，语文成绩优秀，历史弗费劲阿能学得弗错，唯有政治，是死活学弗明白。
我个脑子里经常绕着一些怪问题，比如老师讲资本家剥削工人剩余价值。我便会问，兴日我恁个剩余价值咸靠（哪里去了）。
老师回答，都转换成社会福利噢。
我又会问，兴日为介呣昶记读书阿要解钞票，望毛病阿要解钞票，而且越交越多，我恁个剩余价值叻？
直把老师气吐血！
中考个时候我老娘终于忍弗牢亲自出马噢，渠要押着我背政治。
结果渠陪我复习几个夜叻以后便哗哗个吐血。
扣开始渠还忖我偷懒，根本便呒背，后晚发现其实我老早veh背个滚瓜烂熟噢，只要渠提个头，我便能滔滔弗绝地背落去。
问题是，我根本对弗上号，到底后（哪）段答案对应个是后（哪）道考题。
噢我望，嗰些论述题根本便是一个意思，只需要准备一段答案便好用噢。
但是考试弗允许，每种讲法个考题都有讲法弗样个答案。我脑子里都neh浆糊。
我娘来旁发脾气，我爸来旁偷着乐！
事后我爸讲，听我背政治，对渠是一种煎熬，渠讲我嘟嘟囔囔背个时候经常自讲自话插两句，“逻辑弗通，病句，废话……”之类个个人评价，渠想笑，又吓！
不过，感谢人民感谢党，我高考遇到个是我认为最合理个高考框架，3＋2。
如果是碰着昶记个大综合，估计我一定死个翘翘个。
当时我娘爸还劝我报文科叻，因为我理化成绩阿弗好，渠侇忖，文科便一门政治，好妆，理科有理化两门都对我威胁很大。
我犹豫再三，终于，对政治个恐惧，远远超过了对理化个恐惧。我选择了理科～～
于是，我后来个半世，一直来别人个疑问中度过，“你应该趒去学文科啊！咋呣学理工啊？”
我回拨渠侇一个疲倦个笑容，然后讲，“因为我怕政治课！”
渠侇都觉得我来搭开玩笑～～
讲到中专，我爸叻特别反对，当时中专候红个记我爸便讲，中专早迟晚后（早迟讲究）横直要倒摊。所以讲，我成绩伐一直弗好，我娘都动摇哦，想噢我读中专，但是我爸一直坚持反对，渠连大专都特别反对。
我爸来我侇话搭，支持小人读书是有名噢个，噢小人搭大人对着妆，渠是老手！
偶爸讲着过噢，渠如果讲多呤生几个毛肚娃个话，便我昶记个成绩，渠老早伐懒得屑着我噢。渠又讲，弗忖起多呤生生，只忖叻把一个教起崭。
我崭弗崭讲弗来，总之中学个记我爸老世恨铁弗成钢个讲我，“虎爸呒狗囡，尔咋儿兴日该个？”
偶候气个，应嘴讲 “虎爸是呒狗囡啊，晓弗得狗爸叻？”
[ 本帖最后由 benojan 于 2007-9-13 11:20 编辑 ] |
|
发表于 2007-9-11 21:21:41
提升卡
置顶卡
沉默卡
喧嚣卡
变色卡
显身卡
楼主
发表于 2007-9-12 07:57:31
