经过本人编辑。
郑一鸣／文
我勿是说书资料收藏家，也勿是说书票友。不过我是苏州人，我最欢喜听书哉。
倪舅姆是说书个，我小辰光到砂皮巷娘舅屋里去白相，看见舅姆总归是着得角角棱棱个，开出口来糯糯软软个。俚出门辰光总归是拎仔一只考究个皮箱、拿仔一只大完大个琵琶。我也就随仔大人进书场。我比较欢喜听小书，有说有唱、有搭有档。我特别欢喜听《珍珠塔》、《玉蜻蜓》、《三笑》、《筱丹桂》……
作兴是因为从小听书罢，我从有形书场，听到广播书场、电视书场。作兴是听多仔个缘故吧，我即使勿面对电视机，亦能听懂唱词，还能听出哀个是蒋云仙、袁小良，弯个是盛小云、施斌……哀个是徐调、侯调，弯个是蒋调、张调，有个还会哼几句。
倪屋里有本8开个《评弹大全》，书页已经发黄，文字还是竖排个。书里有“说书名家传奇、评弹曲调辅导、说书名家评议、弹词解释”……上世纪五十年代初，倪屋里有只无线电，凡是有电台说书，倪娘就会学几句弹词开篇，再教拨倪弟兄姐妹。倪照仔《评弹大全》个唱段、曲谱，哼哼唱唱，其乐无穷。现在我搭倪个兄弟姐妹侪已经退休或者退养哉，几个头发花白个人碰勒一淘个辰光，还会同声唱一二段《宝玉夜探》勒啥个。
（摘自2006/11/29《姑苏晚报》） |
发表于 2007-1-21 01:57:38
提升卡
置顶卡
沉默卡
喧嚣卡
变色卡
显身卡
发表于 2007-1-21 08:23:52
楼主
发表于 2007-1-21 11:00:47
