吳語協會網個安全問題

tsockah

吳語協會個網站有星安全問題，我聯繫嘖 wu.chinese@gmail.com，猶無畀人回我。問題如下：
吳語協會網站 lə 登錄個辰光弗曾用SSL加密傳輸，渠弗曾自動跳轉到https://wu-chinese.com。喏，下頭是用wireshark抓包個結果，我個帳號和密碼儕是明文傳輸個喏。也算退班個。




即使我 lə hɔː lə wu-chinese.com 個前頭加上https訪問，吳語協會網個證書也弗靈 wə。



啊有人 lʌŋ 維護這個服務器，無畀人維護個說法啊好讓我來。


蠻好點人個弗同的帳號儕用一樣個密碼個，所以，我覺着，這個問題麼算頂頂重要個叻。

tsockah

@吴人汝侬 lə 哪耷。

钱塘知府

羅格杯    19:28:53
讲到安全问题，本站长远以来是拿安全问题摆拉头一位个，每位用户个密码侪是用密文存储拉数据库里向个。网络安全问题，实际浪是目前互联网行业里向一个比较普遍个问题。但不过因为硬件SSL设备价钿交关贵(一般商用级别个是40万RMB起步)，所以全世界网浪向绝大多数论坛程序侪是用http个，极少有https。https一般用拉涉及金融安全个服务浪向，比如支付宝。一般好用wireshark抓包也仅仅限于搭倷拉同一个局域网内，譬如倷自家屋里，所以帖子当中截图个部分，也只有拉倷自家屋里再好获取，别人家一般是弗好直接拿着倷个密码个。同样道理，除非运营商网络畀破解，倷个账号是弗会畀记录个。所以加而重要个事体，是保护好倷自家屋里个WIFI信号覅畀别人家盗用。保护WIFI个办法大概有下头几种，仅供参考：
1. 关闭SSID广播
2. 绑定MAC，只允许倷自家个设备连入倷个网络。
3. 设定复杂个字母、数字、符号组合作为PSK2密码（千万覅用WEP密码，忒弗安全）。
4. 绑定ARP。自家个设备绑定静态IP地址。

从个人角度来讲，假使倷担心自家个吴协账号密码安全，建议拿本站密码设定成功一个单独个密码，覅设定成功搭别个重要账号一样个密码，该个也是一个良好个密码管理习惯，请切记，拉别个场许也是用得着个。

从行业角度来讲，近些年发生个一些拖库事件的确是搭整个互联网行业敲子敲警钟，譬如CSDN数据库泄露事件。本站拉力所能及个范围内，已经做子密文存储密码个工作，即使像CSDN一样畀拖库，也弗会泄露倷个密码，请倷放心定心。

tsockah

钱塘知府 发表于 2015-5-13 19:32
羅格杯    19:28:53
讲到安全问题，本站长远以来是拿安全问题摆拉头一位个，每位用户个密码侪是用密文存储 ...

有道理。lə dʒi: dʌ 謝謝管理本站個阿哥阿姐。