吴语协会

 找回密码
 开只户头

扫一扫,访问微社区

QQ登录

只需一步,快速开始

搜索
查看: 4651|回复: 1

富阳叹头:坐头位

[复制链接]
发表于 2006-11-30 23:19:57 | 显示全部楼层 |阅读模式
清朝嘉庆皇帝个时光,杭、嘉、湖个一带交关多生意人,汇拢勒杭州城,谈谈生意。有日子,大家斗勒铜钿,徠一家馆子店大办酒席。
    酒宴开始时光,位子个安排排勿好勒,大家表面上让來让起,暗里却勒底张,弄勒大家僵勒底,一时节都入勿來席。搿时光有个老倌恺出來讲:“个毛宴会是大家斗铜钿的,大家一样地位平等,我看介:各人以家乡风土人情为内容,做首诗,顶好佬倌就坐头位。”大家都讲搿个法子好,侃佴诗好侃佴坐头位。
    是或今朝徠个场面上坐个头位,勿光是能拔高威望,对下卯子做生意也毛多好处。介为之,客商们都争勒头里赋诗,眼蒙蒙大家都吟过勒,只葭勒一个富阳人咪吟过,大家就催別伊豪骚讲。
     伊话:“阿拉是做毛纸生意个,本钱小比勿得大家,勿想坐头家。”大家讲“今朝勿比本钱大小,只比诗做得好勿好。”大家釘牢伊一定要伊做。富阳人咪法子,想勒想讲出四句:“四仙八景三法师,小小孙权做天子。传胪董诰來拜相,讨饭罗隐算天使。”
    念但筶來,伊划蛮难为情个讲:“啊拉是个小生意人,勿会做诗,小时光家乡传诵搿四句,搿卯划记得,随口念勒,孟大家覅见笑。”
大家听勒,都叫好,都话富阳是个人杰地灵个好坞宕,公推毛纸生意人坐勒宴会个头位。
注释:
【生意人】——客商  【汇拢】——聚集   【斗】——揍集  【馆子店】——饭店 【搿时光】——这时候  【法子】——办法  【侃佴】——谁  【头位】——首席 【是或】——如果【今朝】——今天徠【拔高】——提高【下卯子】——以后【介为之】——因此、所以【葭勒】——剩下【催別】——催促【豪骚】——快 【四仙】——传说出过八仙中的四仙【八景】——春江八景【三法师】——宋法师、周法师、?【孟】——望【覅】——不要【筶】——完、结束
发表于 2006-12-1 05:14:11 | 显示全部楼层
个只故事搭有只故事像。各地人来一淘白嚼,讲有啥特产。

人家末人参啊貂皮了啥,挨着苏州人一开口讲,倪苏州个特产末,只弗过是状元搭戏子啘~ 个来兴人家侪呒啥闲话讲哉,赫赫。
您需要登录后才可以回帖 登录 | 开只户头

本版积分规则

手机版|Archiver|吴语协会 Wu Chinese Society ( 网友言论不代表本站观点 )

GMT+8, 2024-3-30 00:03

Powered by Discuz! X3.4

© 2001-2017 Comsenz Inc.

快速回复 返回顶部 返回列表