南郊书评：《神雕侠侣》

砇玟旼

文：南郊山房主人
      《神雕侠侣》勒金庸个作品里向大概要算空前绝后个了，我也听过蛮多侠客书，看过《水浒》、《七侠五义》等等，总归kwazzaq有种书太暴力。看看较鲁智深，三拳头拿个镇关西打死脱了；武松血溅鸳鸯楼，杀脱三十几个人，连得丫头也勿放过；卢俊义拉老婆总归是女人，啥体要介绝情，逼杀人家。后首来个侠客书总算香艳味道比较浓仔点，总体讲起来搭梁、金、古、温个新武打小说是勿好比个，新派就是新派，比较符合现代人个理念。
      《神雕侠侣》个主角是啥人，我看搿本书个主角只有一个杨过。杨过是个血性男儿，从小爷娘死脱了，苦头吃了多，所以胸口一股气没地方出，看到人家拨欺负好像自家拨欺负一样，人家对伊一点点好有会得记了心理向忘记勿脱，勿然郭靖老早拨伊杀脱了。
      有种男人讲“讨小龙女做老婆顶好了”，表面高头看上去是搿嫩，侬看小龙女几化听杨过闲话得来，实际高头勿是。小龙女受个教育搭一般性人两样个，小龙女根本勿晓得啥个叫爱情，啥个叫家庭，啥个叫家庭责任。小龙女赛过一部机器，孙婆婆叫伊照顾杨过一生一世，伊就一定要完成，哪怕是拿杨过杀脱。搿种女人一般性男人根本讨勿着伊做老婆，当心搿只女人放眼蜜蜂出来叮人；就算讨了搿种女人做老婆，也要当心鞋里日拨伊砍杀。实际高头只有杨过有得讨搿只女人做老婆个本事，搿只女人也只会得嫁拨拉杨过。杨过从全真教里逃出来，运道蛮好，拨孙婆婆就到古墓里，想起来金庸淘浆糊真个激棍，全本书里杨过死里逃生个地方也忒多了伐！好勿容易小龙女收留杨过，教杨过激棍个武功，杨过对小龙女感激是感激的来，小龙女不过像机器介个，搿来就叫单相思。小龙女哪恁会得欢喜杨过个，主要是吃了杨过个血，就是勒了古墓里向，搭李莫愁打，正好小龙女受了重伤，杨过拨伊吃血就伊个命。杨过个血好吃啊！杨过啥个血，搿个血比奥运会里向吃性奋剂还要激棍，吃过杨过个血人参好覅买了。龙女吃仔杨过个血，就搿嫩介看上杨过，可惜也是单相思，杨过有义无情，小龙女吃介许多苦头么侪是为了杨过。
      龙女逃脱了，杨过自责，金庸又开始淘浆糊了，弄个陆无双出场。假使没迪个人物出场，杨过搭小龙女老早勒海古墓里开开心心过日脚了。杨过迪个多情各种子，逼杀了公孙绿萼，害得陆无双搭仔程英终生勿嫁，郭芙恨杀伊。龙女根本勿应该出古墓，出来仔哪恁做人也勿晓得，只好到处迁就杨过，其实龙女是有得主见个人，杨过刚刚进古墓辰光龙女反对拿杨过留勒古墓里，后首来要杀杨过，侪说明搿个问题。龙女听了黄蓉个闲话出走，也是有主见个表现，为了杨过，龙女前后出走两趟。但是龙女勿晓得黄蓉叫伊走个根本目的，所以龙女出仔古墓老容易吃亏。
      杨过要报仇也可以理解，杨过小辰光吃个苦头实在忒多了，但是害苦了龙女，弄到最后报仇还勿抱了，从搿点来讲杨过还勿如龙女成熟。
      龙女自家死覅紧，勿好让杨过活了勿开心，龙女两趟出走，一趟跳崖，侪是搿个道理。杨过害龙女个辰光哪恁一眼勿想着龙女个感受呢？想起来，杨过是个血性男儿，恩仇必报，勿像龙女无父无母，无所牵挂。小说里向龙女自始至终侪是杨过个附庸，是一个配角。金庸个笔墨从第二回开始就没离开过杨过，金庸想讲个是侠客个精神，更加要提倡侠之大者，为国为民，诶，我到欣赏龙女个精神，人跟客观根本性对立，杨过搿恁做有啥个好处呢？杨过对龙女好，龙女是晓得个，杨过个血冲淡了禁欲，不过如此，金庸没讲16年以后杨过龙女重逢以后个故事，勿晓得杨过个毛病改脱了伐。杨过跳崖，到比侠之大者更为悲壮，搿也是搿本书得到许多人感动个道理，真真像我讲个，龙女个精神比侠之大者更加得到读者个欣赏。
      愿天下有情人排除一切阻力，终成眷属。

钱塘知府

错别字好几个，“救”打作“就”的地方就好几处。。。
ps，杨过又打不过郭靖的
再ps，我认为神雕侠侣是金庸所有中长篇小说最没趣的一本