吴语协会

 找回密码
 开只户头

扫一扫,访问微社区

QQ登录

只需一步,快速开始

搜索
查看: 12239|回复: 11

用上海话读古诗

[复制链接]
发表于 2011-10-30 20:55:39 | 显示全部楼层 |阅读模式
2011-10-25 15:58:46 来源: 新民晚报(上海) 


2011年中央电视台春晚有一只小品,讲个是一个人拾到一只皮夹子要还拨人家,双方约好用一句唐诗“远上寒山石径斜”接头。搿句诗里向个“斜”勿读xié(鞋)读xiá(霞),告【和】上海话个发音差勿多。(垃搿搭,上海话里保留了古音。)戏里向失主先到,伊叫了两声后,偷懒省脱4个字,只叫“石径斜”、“石径斜”,像垃拉喊一位女士。后来伊干脆“霞”、“霞”乱叫,赛过垃拉寻伊拉女朋友,拨伊老婆埋怨了一顿,真好白相。

勿少语言文字专家讲,垃拉包括上海话在内个吴方言里向,保留了许多古音。交关年前我曾经读过王力先生写个《诗词格律十讲》搿本小册子。其中,王力先生讲到唐朝李益个《江南曲》,“嫁得瞿塘贾,朝朝误妾期。早知潮有信,嫁与弄潮儿”个辰光,就指出按照现在个读法,“期”字读qí, “儿”字读ér,勿押韵,交关勿和谐。但是,唐朝辰光“儿”字读作ní,跟现在上海话个发音一个样,搿能就押韵了,就和谐了。


前两天,读到五代北宋辰光孙光宪个《风流子》词:茅舍槿篱溪曲,鸡犬自南自北。菰叶长,水葓开,门外春波涨绿。听织,声促,轧轧鸣梭穿屋。一开始用普通话读勿大顺,“曲”、“北”、“绿”、“促”、“屋”勿押韵,有点拗口。后来,我无意当中用上海话一读,灵个!迭个五个字竟然侪是一个韵母,读起来顺口多了。我勿由得一阵兴奋,心里想,作兴宋朝辰光就是搿能读个。(编者注:搿个是上海话保留了古音当中个全部入声字音,而北方话在元朝辰光就“入派三声”,即古代个入声分别合并到平声、上声、去声声调里去了,韵母也改变了。)

现在,啥地方有得明清辰光个古建筑,就要保护起来,就可以弄出一个老街古镇来,就可以发展旅游事业。搿些当然蛮好。可是,对于上海话里向保留了朝代更早个唐宋,甚至更早辰光个古音,阿拉也要珍惜,勿注意保护,刻意垃拉学堂里向封杀上海话,硬性规定课余时间也要讲普通话,弄得交关上海小囡勿讲上海话,实在讲勿过去。上海话也是一份老祖宗留拨阿拉个宝贵个非物质文化遗产,千万勿要再让伊日渐消亡下去了!
作者:沈寿仁



该贴已经同步到 吴人的微博
发表于 2011-10-31 12:13:48 | 显示全部楼层
茅舍槿篱溪曲,鸡犬自南自北。菰叶长,水葓开,门外春波涨绿。听织,声促,轧轧鸣梭穿屋。

○●⊙○⊙△,⊙●⊙○⊙△。○●●,●○○,⊙●⊙○⊙△。○△,○△,⊙●⊙○○△。

织也是韵脚。吴语根本不押的
发表于 2011-10-31 12:23:29 | 显示全部楼层
本帖最后由 mandarin 于 2011-10-31 12:24 编辑

而且词韵里曾入通入两部分列,通叶现象应该是方音阑入所致。南宋以后此二韵时常通叶,鲁国尧分析其作者以吴赣籍词人居多,可为旁证。
发表于 2011-11-6 19:10:07 | 显示全部楼层
本帖最后由 热度 于 2011-11-6 19:12 编辑

我對上海小年輕很失望,最近親耳聽見——
利息、力希,
股市、過世,
續期、虛起,
廢物、fei wah……還有交關
哪恁儕分弗清爽了

点评

股市、過世 要變成非聲調語音快了。  发表于 2013-6-22 01:33
发表于 2013-4-3 07:31:59 | 显示全部楼层
词韵宽韵只5部,吴韵大多更加细
发表于 2013-6-22 01:38:47 | 显示全部楼层
“唐朝辰光“儿”字读作ní”   不必以今度古擬字音,單說上海話能押韻就好。
整首《山行》用上海話讀還是不完全押韻,不如用官一點的杭州話。
发表于 2013-6-22 10:00:16 | 显示全部楼层
石径斜zia
发表于 2013-6-22 19:23:08 | 显示全部楼层
mandarin 发表于 2011-10-31 12:13
茅舍槿篱溪曲,鸡犬自南自北。菰叶长,水葓开,门外春波涨绿。听织,声促,轧轧鸣梭穿屋。

○●⊙○⊙△, ...

織,在此爲啥也是韻腳?爲啥呢?
擺了別的哪個方言裏是壓韻的?至少我用日語讀也弗押
发表于 2013-6-22 23:21:13 | 显示全部楼层
热度 发表于 2013-6-22 06:23
織,在此爲啥也是韻腳?爲啥呢?
擺了別的哪個方言裏是壓韻的?至少我用日語讀也弗押 ...

就《詞林正韻》來看是不押韻的(“織”屬十七部;餘者十五部)
當然彼時亦無是書,押韻可能不規範。
若是方音入韻,渠是陵州貴平(今屬四川仁壽縣東北)人,大概要追溯到中古巴蜀語。
另外情況麼,見 http://home.educities.edu.tw/f5101231/a65.html
所謂“《花間集》孫光憲詞三首,每首第六、七句,俱用兩韻。其一首〔聽織,聲促〕,〔屋〕與〔織〕古韻本通,《嘯餘譜》注作四字句者誤。” 難道是說韻尾相同即可通押?
发表于 2013-6-23 22:32:43 | 显示全部楼层
宋词夸张起来就是韵尾相同就可以押,很低级的
发表于 2013-6-24 00:50:08 | 显示全部楼层
《念奴嬌.赤壁懷古》連韻尾也有不押的。
发表于 2014-7-14 17:27:04 | 显示全部楼层
吳語輔尾脫落太厲害,不押韻,不適合用來讀詩詞,反之聲母豐富,用來讀其他形式的古文較恰當。
您需要登录后才可以回帖 登录 | 开只户头

本版积分规则

手机版|Archiver|吴语协会 Wu Chinese Society ( 网友言论不代表本站观点 )

GMT+8, 2019-6-26 18:07

Powered by Discuz! X3.4

© 2001-2017 Comsenz Inc.

快速回复 返回顶部 返回列表