吴语协会

 找回密码
 开只户头

扫一扫,访问微社区

QQ登录

只需一步,快速开始

搜索
查看: 6818|回复: 5

【新民晚报】重拾上海话

[复制链接]
发表于 2011-9-6 22:43:12 | 显示全部楼层 |阅读模式
2011年08月16日 15:13 来源:新民晚报

  勿要看我是一个十九岁个小囡,其实我还蛮怀旧个,平常呒没事体就会怀念小辰光。但是勿晓得从啥辰光开始,自家应该天天挂辣嘴巴浪向个上海闲话也成为了我怀念个一部分。大概因为学堂里脱人家交流侪用个普通话,一直搿能也就习惯了,上海闲话勿讲勿讲末也退化成三脚猫了,交关辰光我侪勿情愿讲,常怕出洋相。

  几个号头前我辣夜报上头看到了“上海闲话”一版,见识到交关上海话个书面用字,顿时觉得老新鲜、老好白相个。我老自豪,原来上海闲话也是一门语言,有个完整个系统,勿是嘴巴讲讲就算数个。读仔夜报浪个文章,一股浓浓个市井百姓生活扑面而来,邪气精彩,有人情味,拨我感觉到了老早阿拉屋里向长辈“栀子花,白兰花”个童年,亲切得勿得了。

  我想,语言搿样物事是有伊存在个道理个,一个地方个风土、人情,还有交关因素侪构成了当地独有个语音语调脱仔讲闲话个方式。反过来看,假如当地人勿讲当地闲话,葛末又阿里搭能体现出独有个情调风味,哪能真正个传情达意呢?更加可惜个是,上海话个优美脱仔鲜活却老直接个告诉我,勿好拿伊掼脱!每趟听人家讲起幽雅个上海情调,我个脑子里就会出现一个举止温柔个女人,伊可能穿旗袍,也可能穿件工作服,但是伊一定是辣辣讲上海闲话个,伊讲闲话个腔调认真而平静,吴侬软语里充满柔情。还有交关熟语也老有意思!有个听起来好像“瞎三话四”,又像“瞎七搭八”,但是“勿管三七廿一”,侪精炼而活泼,有一针见血个本事。有个辰光我辣街浪向走,耳朵边侪是上海话个叫卖声脱仔讨价还价个市声,勿晓得啥道理,我觉得老捂心,脚步也变得轻快。搿大概就是所谓个归属感。

  此时此刻,小辰光弄堂里阿姨伯伯个上海话又回响辣心头,拿我“摇到了外婆桥”。上海话对我来讲,实在是一个剪勿断个情意结,脱我全身个每一条血管连辣一道。我又哪能会忘记脱伊?台湾个流行团体S.H.E.有首歌叫《中国话》,大江南北老受欢迎,但是我更希望阿拉上海人,特别是年轻一代个心里还有另一首歌,伊叫《上海话》!

  作者:殷朝虹
发表于 2011-9-6 22:59:34 | 显示全部楼层
所以,我的观点就是:在对待这类型人群的时候不要过分苛刻强调其使用正字(只是当前阶段),先鼓励他们勇敢说出来,等到他们说自然了,热情上来了,再引导或是根本不需要外力作用他们本身就提起兴趣钻进去研究正字了。对比眼下网上相当部分专业人士动不动逮住一个是一个就对他/她说要写正字写正字,却又明知道对方根本不知道怎么写甚至见都没见过。当然他们可以去学,可真正现阶段意识到去学的有几个?光凭你说几句话就可以让他主动去学了?就算学也需要个过程,那在此期间他就不要表达了?难得他有这份热情很可能就在这段最需要火种保护的黄金时间内被扼杀了。而另外有一些逆反心理的类型就更不用提了。
发表于 2011-9-6 23:55:16 | 显示全部楼层
转发此微博:我表示我今日头刚刚巧买了《海上花列传》~岳麓书社个版本~苏白,还勿曾来得及看~

来自 酉昔 的新浪微博
发表于 2011-9-8 11:34:37 | 显示全部楼层
喝喝喝
发表于 2011-9-29 10:59:38 | 显示全部楼层
几号个晚报?
发表于 2011-11-11 16:58:04 | 显示全部楼层
实际高头我也一直觉着,本地个新闻媒体有搿个义务,帮大家恢复讲上海闲话个习惯。
您需要登录后才可以回帖 登录 | 开只户头

本版积分规则

手机版|Archiver|吴语协会 Wu Chinese Society ( 网友言论不代表本站观点 )

GMT+8, 2024-3-29 19:04

Powered by Discuz! X3.4

© 2001-2017 Comsenz Inc.

快速回复 返回顶部 返回列表