滩头——棋盘石

富春山越

　　富阳西面新城，有支灵山，山毛高树簇密，仙气灵灵，据老辈手里传落来，讲是神仙碰头相会格地方。
　　一日子，一个小鬼［拉］勒格山浪勒底砟柴，砟勒一煞，吃力煞勒，就徠一块平石头浪睏勒一觉，醒打转來，只见［men］前金光刹亮，伊［扌肉］勒［扌肉］眼睛，只见一个小人头穿勒个红肚兜徠松树底落吃松子。小鬼看伊吃勒味道，自家肚皮也［嘈巴巴］勒，就同小人头讲：“小弟弟，好好拨吾吃丢？”［带个］小人头笑勒笑，讲：“拨n吃丢好格，吃勒要陪吾杀几盘棋咯。”小鬼是个小棋迷，听话杀棋，肚皮也弗餓勒，问小人头徠阿里去杀，小人头讲：“就徠n睏觉块平石浪。”小人头用手只头來起［励］勒几［励］，石头浪化出勒个棋盘，顺手［dzε～］勒一把细石子［孟］棋盘浪一［扎］，就化成勒三十二粒象棋子，两人就对杀起來，小人头摘落一些松子分拨小鬼吃，小鬼［tcyo？］起松子，一放进嘴哺，只觉着喷香蜜甜，［前生世］也［咸呒］吃过介味道格东西。
　　杀勒六盘棋，日头公上上落落有六毛，两人还是平拳对手。日头公又探起來勒，第七盘已是残局，双方只［贾］马、炮、士、象，只有和棋勒。小人头叫小鬼好回家勒，还同伊讲，塞伊是神童，顺手［nga？］勒关［竹稍毛］，吹勒一口气变勒一只马，叫小鬼骑勒落山去。
　　小鬼來到村档门口，觉着［随便角儿］都毛陌里陌生，骑勒马［蛋］勒一个［轱轳圈］，［米］个认得格人。伊落马走进一间小草屋，一个［老太公］［孟］屋里出來，小鬼［孟］伊［道听］，讲勒半半肆日，［闯道］格老太公［弄单高来］是伊阿爹格第四十七代子孙。小鬼呆煞勒，交关时光才讲：“山中方七日，世上已千年。”
　　徠神童［同道］小鬼杀棋块石头浪，葛毛还有漠漠糊糊格棋盘［迹扎］，所以块石头叫勒棋盘石。



注：支——量词：座，［新城］——即新登，小鬼——小孩、男少年，［拉］——爬攀，［men445］前——面前，［扌肉］——揉，［小人头］——较小小孩，［嘈巴巴］——飢感，［励］——划，［dzε～］——拣，［孟］——往、从、向，［扎］——抛，［tcyo？］——用手指拣起，［前生世］——这里意是“从来”，［咸呒］——还没有，［贾］——剩下，［nga？］——折断，［竹稍毛］——小野竹，［蛋］——兜，［轱轳圈］——大圈，［米］——没有，［老太公］——老头，［随便角儿］——一切，［闯道］——原来，［弄单高來］——弄清楚，［道听］——打听、询问，［迹扎］——痕迹，［同道］——一块，［带个］——那个，日头公——太阳

[ 本帖最后由 富春山越 于 2006-1-17 20:29 编辑 ]