吴语协会

标题: 用上海话读古诗 [打印本页]

作者: 吴人 时间: 2011-10-30 20:55
标题: 用上海话读古诗
2011-10-25 15:58:46　来源: 新民晚报(上海)　

2011年中央电视台春晚有一只小品，讲个是一个人拾到一只皮夹子要还拨人家，双方约好用一句唐诗“远上寒山石径斜”接头。搿句诗里向个“斜”勿读xié（鞋）读xiá（霞），告【和】上海话个发音差勿多。（垃搿搭，上海话里保留了古音。）戏里向失主先到，伊叫了两声后，偷懒省脱4个字，只叫“石径斜”、“石径斜”，像垃拉喊一位女士。后来伊干脆“霞”、“霞”乱叫，赛过垃拉寻伊拉女朋友，拨伊老婆埋怨了一顿，真好白相。

勿少语言文字专家讲，垃拉包括上海话在内个吴方言里向，保留了许多古音。交关年前我曾经读过王力先生写个《诗词格律十讲》搿本小册子。其中，王力先生讲到唐朝李益个《江南曲》，“嫁得瞿塘贾，朝朝误妾期。早知潮有信，嫁与弄潮儿”个辰光，就指出按照现在个读法，“期”字读qí, “儿”字读ér,勿押韵，交关勿和谐。但是，唐朝辰光“儿”字读作ní,跟现在上海话个发音一个样，搿能就押韵了，就和谐了。

前两天，读到五代北宋辰光孙光宪个《风流子》词：茅舍槿篱溪曲，鸡犬自南自北。菰叶长，水葓开，门外春波涨绿。听织，声促，轧轧鸣梭穿屋。一开始用普通话读勿大顺，“曲”、“北”、“绿”、“促”、“屋”勿押韵，有点拗口。后来，我无意当中用上海话一读，灵个！迭个五个字竟然侪是一个韵母，读起来顺口多了。我勿由得一阵兴奋，心里想，作兴宋朝辰光就是搿能读个。（编者注：搿个是上海话保留了古音当中个全部入声字音，而北方话在元朝辰光就“入派三声”，即古代个入声分别合并到平声、上声、去声声调里去了，韵母也改变了。）

现在，啥地方有得明清辰光个古建筑，就要保护起来，就可以弄出一个老街古镇来，就可以发展旅游事业。搿些当然蛮好。可是，对于上海话里向保留了朝代更早个唐宋，甚至更早辰光个古音，阿拉也要珍惜，勿注意保护，刻意垃拉学堂里向封杀上海话，硬性规定课余时间也要讲普通话，弄得交关上海小囡勿讲上海话，实在讲勿过去。上海话也是一份老祖宗留拨阿拉个宝贵个非物质文化遗产，千万勿要再让伊日渐消亡下去了！
作者：沈寿仁

该贴已经同步到吴人的微博

作者: mandarin 时间: 2011-10-31 12:13
茅舍槿篱溪曲，鸡犬自南自北。菰叶长，水葓开，门外春波涨绿。听织，声促，轧轧鸣梭穿屋。

○●⊙○⊙△，⊙●⊙○⊙△。○●●，●○○，⊙●⊙○⊙△。○△，○△，⊙●⊙○○△。

织也是韵脚。吴语根本不押的

作者: mandarin 时间: 2011-10-31 12:23
本帖最后由 mandarin 于 2011-10-31 12:24 编辑

而且词韵里曾入通入两部分列，通叶现象应该是方音阑入所致。南宋以后此二韵时常通叶，鲁国尧分析其作者以吴赣籍词人居多，可为旁证。

作者: 热度 时间: 2011-11-6 19:10
本帖最后由热度于 2011-11-6 19:12 编辑

我對上海小年輕很失望，最近親耳聽見——
利息、力希，
股市、過世，
續期、虛起，
廢物、fei wah……還有交關

哪恁儕分弗清爽了

作者: 鹦鹉洲散客 时间: 2013-4-3 07:31
词韵宽韵只5部，吴韵大多更加细

作者: 鹦鹉洲散客 时间: 2013-6-22 01:38
“唐朝辰光“儿”字读作ní” 不必以今度古擬字音，單說上海話能押韻就好。
整首《山行》用上海話讀還是不完全押韻，不如用官一點的杭州話。

作者: 乌程仔 时间: 2013-6-22 10:00
石径斜zia

作者: 热度 时间: 2013-6-22 19:23

mandarin 发表于 2011-10-31 12:13
茅舍槿篱溪曲，鸡犬自南自北。菰叶长，水葓开，门外春波涨绿。听织，声促，轧轧鸣梭穿屋。

○●⊙○⊙△， ...

織，在此爲啥也是韻腳？爲啥呢？
擺了別的哪個方言裏是壓韻的？至少我用日語讀也弗押

作者: 鹦鹉洲散客 时间: 2013-6-22 23:21

热度发表于 2013-6-22 06:23
織，在此爲啥也是韻腳？爲啥呢？
擺了別的哪個方言裏是壓韻的？至少我用日語讀也弗押 ...

就《詞林正韻》來看是不押韻的（“織”屬十七部；餘者十五部）
當然彼時亦無是書，押韻可能不規範。
若是方音入韻，渠是陵州貴平（今屬四川仁壽縣東北）人，大概要追溯到中古巴蜀語。
另外情況麼，見 http://home.educities.edu.tw/f5101231/a65.html
所謂“《花間集》孫光憲詞三首，每首第六、七句，俱用兩韻。其一首〔聽織，聲促〕，〔屋〕與〔織〕古韻本通，《嘯餘譜》注作四字句者誤。” 難道是說韻尾相同即可通押？

作者: mandarin 时间: 2013-6-23 22:32
宋词夸张起来就是韵尾相同就可以押，很低级的

作者: 鹦鹉洲散客 时间: 2013-6-24 00:50
《念奴嬌．赤壁懷古》連韻尾也有不押的。

作者: 行人注 时间: 2014-7-14 17:27
吳語輔尾脫落太厲害，不押韻，不適合用來讀詩詞，反之聲母豐富，用來讀其他形式的古文較恰當。

欢迎光临吴语协会 (https://wu-chinese.com/bbs/)