上海话里向个“代句词”
http://blog.eastday.com/qiannairong/art/1143484.html刊于《新民晚报》2010年7月18日、8月1日
最近,我辣龙之梦家乐福听到一位营业员辣对人抱怨:“今朝我触着霉头了!上司埋怨我勿听伊个话。伊叫我辣10点钟以前要搬好三箱子红茶上架,我明明讲了‘噢!’伊却指责我呒没反应,勿接受任务分派。”我辣边浪听了搿番话,心里想:伊个上司一定是个新上海人,不懂“噢”搿个上海话词语个意思。
上海话里向辣两人对话辰光,有六个可以用一个音节表达一个句子意思个词,为普通话所无。
“噢!”ao,高降调,读音如“懊悔”个“懊”。表示“知道了”个意思,而且是“一口答应”,积极姿态。如:“甲:“侬去搬三箱红茶来!乙:噢!马上去搬。”
“嚎?”hhao,读音如“号”。相当“真的吗?”搿个句子,带有惊讶味。如:“嚎?伊到今朝还呒没结婚啊?”又可以含有恍然大悟意思:“嚎?原来伊介坏啊!”
“嚡?”hha,读音就像上海话的“鞋子”的“鞋”,勿读作“啊”a。 “嚡”表示“你说什么呀?”搿句话个意思。如:“甲:侬带张CD来噢! 乙:嚡?”就是“乙”呒没听清爽,有“请再说一遍”言下之意。
“咸!”hhe,读音脱仔上海话里向“咸、淡”的“咸”相同,勿同于“哎”e音。是“是呀!”个意思,表示赞同或者附和。如“甲:搿件衣裳蛮大方个嚎? 乙:咸!我也去买一件。”
“喏!”nao,高降调。表示“给你!”、“拿去”个意思。如“甲:我欢喜侬搿张邮票。 乙:喏!送拨侬!”
“呶!”nhao,平升调,读音如上海话个“脑”音。表示“你看!”个意思,有指示拨对方看个表示。如:“呶!搿个就是侬欢喜个颜色!”
搿个六个侪是上海人辣对话当中个常用词,新上海人辣辣脱老上海人交往当中懂得搿几个“代句词”显得比较重要。上海话当中用一个词就能表达两个人对话当中一句闲话个意思,简洁明了。搿类一个音节单独成句个词,汉语语法当中通常称为“叹词”,但是普通话“叹词”当中呒没搿能样子能够代替一个短句个词,所以辣上海话当中似乎勿能叫搿个六个词为叹词。
类似个还有“唔”n,读如“五”但拖音长有曲折,是“不要嘛!”婉转拒绝个意思;“咦”yhi,读如“移”,是“怎么回事?”个意思。不过搿两个词已经近于“叹词”了。
上海闲话当中类似搿种“代句词”,还有几个具有“单呼词”性质个词,可以紧接辣前面个句子后头,要停一停,再讲出来。搿搭我也举两个例子。
“噢”ao。表示“叮嘱”意思。如:“洋伞带好,噢!”“侬要跟牢伊学,噢!”言下侪有关心对方之意。假使是语气重一点、态度勿客气一点个嘱咐关照,勿带关心爱护之意,就用“嚡”。如:“衬裤换脱伊,嚡!”“明朝要来,勿要忘记脱,嚡!”
“嚡”hha,读作“鞋”,勿读作“啊”a。辣辣问句里向表示“追问”、“催问”。如:“明朝侬去勿去,嚡?”“侬啥个意思,嚡?”“侬讲勿啦,嚡?”
这些词常常会用到,新上海人常常会忽略。
用法完全一样,读音有效差别
噢——o
嚎——ghau
嚡——gha
咸——ghe
喏——‘naon
呶——no
唔——ng
咦——iae
另外还有表示征询对方意见表示“对吧?”的“ gheh lau?”。
表示很勉强的“gho” 油 :amazing:¥老師的冷飯 其实苏州、无锡格闲话里向也有实梗格表达方式嘅。应该说箇种表达方式是北部(太湖片)吴语格特点。其他吴语片格情况当中,我勿晓得啊有实梗个表达方式。 姐姐,同你那搭儿讲话去
哪里去
喏~~ 用法读音完全一样,不过第五个还可以说“呐na”
唔咦用法读音完全一样 湖州言话亦是介也!!
吾认为格个至少是太湖片吴语的通性, 还有aen,意思同咸,表示肯定的回应。
“实奴今朝夜饭吃拉烤鸭啊?” “aen” 顶你,支持楼主!有意思 神死恸瞑 发表于 2011-1-9 10:51 static/image/common/back.gif
还有aen,意思同咸,表示肯定的回应。
“实奴今朝夜饭吃拉烤鸭啊?” “aen” ...
松江府方言应该没有aen这种音吧?
页:
[1]