雨霖铃
夏之鸟叫得个断命个凄苦盈盈。夜来头个长亭，阵头雨齐巧落停。登勒帐子里向，一滴滴也无拨心相拿酒吃进。勒港留恋个辰光，外头个船喊嘚要开行。捉牢得渠个手，眼睛望眼睛，侪眼苦盈盈，鼻头嗅啊嗅，叫说一句闲话也讲弗出来。要跑叻，前头千里水面，迷露夹得浪头，看也看弗见边头。夜来头个天浪，暗卜隆咚，像煞阔到呒清也头。多情个人自古勒勒别离个辰光侪殟塞到要命，再加勒勒实梗个八九月份，冷冷清清，呥亨还会有吃得消个人。今朝酒醒个辰光，我会一独自勒勒哪里停？杨柳岸浪，早起头个风吹勒身浪，昨夜头个亮月还挂勒天浪。今通出去两年，再好个日脚风景也弗会有啥个劲。就算有得千种风情么，又好去讲拨啥人听！
页:
[1]