泖港人 发表于 2007-12-28 11:27:58

我伲小辰光个白相馆搭游戏


       我伲小辰光,勿像现在,商店里头个白相馆行情行市,再加上当时呒没板板,大人基本浪勿拨我伲买个,要白相只好侪自家动手,丰衣足食。我还算好,前后有过3把小手枪。勿过,我今朝要回忆个是自家做个白相个物事搭仔一眼小辰光白相个游戏。
      老早辰光相对现在是交关闭塞,特别是我伲泖港,四面环河,连一部汽车也开勿进,我伲白相个物事勿一定别样地方也有。
一、转轮
    箇个名称是我自家起个,我根本勿晓得箇只到底叫啥个名字,外加我从来没拉别个户荡(地方)看见过,箇佬摆拉头一个讲。
    箇只物事呢,我也蛮难形容个,我只好讲一讲做法:
    首先,寻一块光砖(名称可能有错,就是老式瓦爿房勒拉瓦下头个一块大约1公分厚,砖头大小个,搁勒拉椽子浪个),只要有5公分长正方形样子就可以了。拿箇块物事勒拉粗糙个水泥墙浪反复磨,磨成功5公分直径个圆砖,越圆越好。再用小刀勒拉当中挖穿,挖穿之后用一根3公分左右长,1公分左右外径个小竹管插进去,一定要老紧个。一头搭圆砖一样平,一头当然要冒出2公分样子。用一根竹筷子,削成功像箭一样个形状,箭头是圆锥形个,锥高为1公分勿到个样子,箭身5公分。锥形部分最大直径要比竹管内径大,箭身部分要比竹管小,从小竹管里头穿过去。再寻一根鞋底线(扎鞋底用个),就可以白相了。
    拿鞋底线勒拉小竹管浪绕10来圈,左手捏牢箭身露出小竹管个部分,用里拉鞋底线用力一拉,圆砖就以箭身为轴,飞快转动,拿伊摆拉地浪,箭头接触地皮,箇只物事可以转交关辰光。小朋友们就大家比啥人转了辰光长。关键是砖头要勿大勿小,平整度好,圆整度要高。我伲还勒拉砖头上头用蜡笔画各种颜色,增加点乐趣。
二、土发令枪
    箇名字也是我自家起个
    用一根有弹性个铅丝,弯成功小手枪个样子,两头接触点勒拉大约真手枪个保险箇搭。接触点个上头部分拿伊磨尖,外加弯个辰光要多弯下去点,超过下头。接触点个下头部分要装一只“奶子”。呵呵,比较粗俗,实际浪是黄鱼车个钢丝搭钢圈链接处个箇只小零件。
    箇只奶子个当中是有3毫米左右个小洞个,2分洋钿去买一包自来火,拿3-4根自来火个火药削下来摆拉小洞里头,拿上头尖头部分搁拉奶子小洞口口头,手一扳,尖头落进小洞,就会有“啪”个一记响声,成功率勿是老高,但是我伲乐此不疲。
三、未完待续

[ 本帖最后由 泖港人 于 2007-12-28 12:20 编辑 ]

泖港人 发表于 2007-12-28 12:28:45

示意图,画图水平差,将就着看,呵呵

showay 发表于 2007-12-28 13:12:54

先进

疁城小囡 发表于 2007-12-28 15:43:24

转轮好像就是土制陀螺嘛,土发令枪我小辰光也白相过个,不过式样好像比侬画个高级眼,有扳机个。:singing:

泖港人 发表于 2007-12-28 16:40:37

喔,勿过陀螺是一体式个,我伲个物事销子搭仔圆砖勿是一体个,是活络个。陀螺可以抽个,箇个停下来就没办法了
埃个发令枪侬也做过个?外加要先进!!!:freelaugh:

吴人 发表于 2007-12-28 16:55:42

第二样我肯定白相过个。。

疁城小囡 发表于 2007-12-28 18:18:39

弗是我做个,是班级里皮大王做个。发火装置是用扳机橡皮筋控制个。

大椿 发表于 2007-12-31 13:38:10

各位小辰光白相过“劈啪管”吗?我玩过的。

锯一节细竹管,取树上长的劈啪仔(绿色,略大于管口)塞进去。再用筷子做一活塞推进竹管,啪的一声响,可将劈啪仔打出老远。当然,打在人面孔上蛮痛个……

劈啪仔不易寻找,即以棉纸泡湿捏成小团代替。:shying:

疁城小囡 发表于 2007-12-31 13:42:31

白相过个,哈哈。:loveliness: 弹药采集不易啊。

showay 发表于 2007-12-31 15:02:55

用纸头泡成浆浆完过
用的是一根废掉的水彩笔的笔管

吴人 发表于 2007-12-31 16:17:40

原帖由 大椿 于 2007-12-31 13:38 发表 http://wu-chinese.com/bbs/images/common/back.gif
各位小辰光白相过“劈啪管”吗?我玩过的。

锯一节细竹管,取树上长的劈啪仔(绿色,略大于管口)塞进去。再用筷子做一活塞推进竹管,啪的一声响,可将劈啪仔打出老远。当然,打在人面孔上蛮痛个……

劈啪仔不易寻找,即以棉纸泡湿捏 ...

白相过个:hihi: 属于比较复杂个一种土白相家事。。。

大椿 发表于 2007-12-31 21:21:46

是啊,复杂在活塞杆的长度必须比竹竿短一点,到底短多少难易掌握。即管内压缩空气量正好可将“子弹”射出去。:D

mandarin 发表于 2007-12-31 21:24:48

:sweating:

我太不纯洁了

大椿 发表于 2007-12-31 21:25:42

原帖由 showay 于 2007-12-31 15:02 发表 http://www.wu-chinese.com/bbs/images/common/back.gif
用纸头泡成浆浆完过
用的是一根废掉的水彩笔的笔管

您这一说,想起来了,为了做劈啪管,写大楷的毛笔曾经废掉好几支……作孽!:D

showay 发表于 2007-12-31 23:06:30

:haha:

大椿 发表于 2008-1-1 13:25:35

还有种游戏十分简单,我小辰光曾经乐此不疲。那就是用一根橡皮筋弹纸子弹。方法是将橡皮筋在左手拇指和食指一套,再用右手一拉,就能把夹在橡皮筋上的“子弹”弹射出去。纸子弹,是用裁成的小纸条自家折的,硬扎点的纸头(譬如道林纸)折出来的子弹会伤人,因为成∧形的子弹头朗向专门折有尖角……

两帮小朋友,备足子弹对峙开战,喊叫的,躲避的,再接再厉的,哭出呜啦的……实在闹猛弗过啊。

疁城小囡 发表于 2008-1-1 13:33:55

大椿伯阿是左撇子?

橡皮筋弹纸弹是课间娱乐最佳工具,想不到历史也蛮悠久嘛。:singing:

纸弹最重要多抈几层,再软个纸头也会变勒绷绷硬。假使纸弹头浪再磨磨尖,橡皮筋改用双股牛皮筋,威力倍增,足以杀人于无影无形哉。:cool:

大椿 发表于 2008-1-1 13:43:35

阿唷,写错脱。应该是将橡皮筋在右手拇指和食指上一套,哈!多年不练,忘记落咧……:shying:

z200052 发表于 2008-1-1 13:45:54

“劈啪管”孛相过歇箇,是用湿纸团做子弹的。还孛相过一种比较精致个:是用一根硬的像鹅毛管那样的管子,配一根小的棍子,比较别致的是子弹竟是一块胡罗卜。把管子两头往胡罗卜上一插,就各有一段胡罗卜堵着,用小棍把一头的胡罗卜顶过去,那一头的就啪的一声飞出去了。那时还没有塑料(或是塑料没有广泛使用),那管子用的什么材料,一直没有弄明白。

大椿 发表于 2008-1-1 13:50:13

说来有趣,最后一次用此法是向小窗户里弹射纸条。那是1970年,那个小房间里关了个“五一六”分子,莫须有的罪名,我同情他,常给他“通风报信”——这,又是一个故事了。:D
页: [1] 2
查看完整版本: 我伲小辰光个白相馆搭游戏