富春山越 发表于 2006-2-1 13:53:08

年初一为角儿男人家烧早饭?———大年初一为何男人燒早飯?

  葛个乡风伢话是县官判定咯。葛是十八老早葛事了。富春江边浪[登]着一份人家,屋里只有老头老太婆,一年到头老太婆拨屋里生活弄勒细细到到,老头子上山落田勤勤道道,两老太婆日脚过勒蛮安安耽耽。
  一年子,年初一早更两老太婆都变勒“哑子”,外孙来拨伢拜年,叫一声外婆,外婆弗开口,用手只头[株株]老头子,外孙又叫勒声外公,外公弗响,用手只头[株株]老太婆。外孙[或道]外公外婆拨[朋家啦]药哑了,连快拨地保叫勒来。地保一[孟],[着实]两老成了哑子,连忙拨伢送到县衙,击鼓叫冤。
  县官升堂,地保拨事体前头后头讲勒一遍。县官朝跪勒堂下格两老张张,孟弗出有[角儿角交],心里向疑心疑骨,惊堂木一拍,“呀呀呸!倷两个是拨人弄哑,还是装假拉乌,豪哨招来。”两老n株株我,我株株n,拨个县官也弄糊里糊涂勒。
  “[扑老]是倷n拨我吃我拨n吃吃药,药哑咯?”两老忙摇摇头,还是n株我我株n。县官一拍惊堂木,[嗨]勒落起:“大胆刁民!年初一介大胆子来[调排]父母官!来,煞拨我拷四十大板各人!”
  老头子拷完四十大板,咬紧牙关一声弗响。老太婆刚拷勒一记,就“啊唷”一声叫勒起来。[ngangn]晓得介一叫,老头子哈哈笑勒起来,“嘿嘿,n先开口,豪哨快丢烧早飯去。”介葛一来,满堂格人都弄糊涂勒。
  [闯道]年卅十[分过岁],两老早早[享福],老太婆对老头子讲:“佤一年到头烧茶煮飯,年初一娘(让)佤睏个安眈觉,早飯侬去烧。”老头子一听,连声讲:“弗好、弗好。”弄耽后来两老太婆讲到:[ngangn则个]先开口讲说话ngangn先烧早飯。
  县官哭弗得笑弗得,又拷勒老头子四十大板,出勒气才刚断案:“老娘们一年到头灯茶烧饭,年初一男人家烧卯早饭,让伢吃顿现成饭吧。”
  [介格后来],年初一男人家烧早飯成了当地乡风,[一直落拓]到葛卯。

注:乡风——风俗伢话——听说十八老早——很久两老太婆——两口子   [登]——住 [株]——指着实——果然[或道]——以为 [朋家啦]——人家[孟]——看张张——察看、审视[角ngo儿角go?交]——什么不同 [ 扑老]——难道[闯道]——原来[嗨]——大声喝调排——戏弄[ngang n曉得]——谁知 分岁——吃年夜饭享福——年卅夜睡觉[ngangn]——谁[ngang n则个]——那一个[介格后来]——从此   [一直落拓]—— 一直流传   [佤]——我   [老娘们]——妇女讲到——说定

乌程仔 发表于 2011-1-18 12:43:58

让女人休息

钱塘知府 发表于 2011-10-3 22:05:28

只会下饺子的飘过

rbdd5aNklqt 发表于 2012-10-19 08:12:06

顶楼主
http://www.zhongchenghui.com/      
http://www.dongsanli.com/         
http://www.duxiaoping.com/   
http://linyungu.com/      
http://nubobo.com/

xiaohuozi 发表于 2013-2-20 23:32:31

我们那也是这样的,为什么了,我也没问,我想应该也是让女人休息吧。。
页: [1]
查看完整版本: 年初一为角儿男人家烧早饭?———大年初一为何男人燒早飯?