袋袋里两张纸头
近个两日天气转瀴。今朝拿件外套出来穿,像个记得上通摸着渠个辰光袋袋里有物事。穿勒身上,挖出来一望,是两张纸头。呀,叫说是几个号头前头囥勒袋袋里个物事咧。脑筋一来兴就转到箇个辰光。
两张纸头一大一小,大个是登A4笔记本上拫下来个,小个就是箇种方个细搭纸。大纸头上记个,是实习辰光法兰克福个几个店个名字。箇个辰光要快家来,特为查得作兴买纪念品个,打配要去个。小纸头上是手画个小地图,指出来有个店个方位,是别人家画拨我个。蓝颜色个水笔写个娟秀个字体,一滴滴也弗曾褪落。
弗曾想着,当时辰光介点纸头侪甩落,居个两张纸头匽勒好衣裳袋袋里。甩垃圾个辰光作兴弗会想介点,今朝突然看见居两张纸头倒是勾起弗少回忆,真个是奇妙个事体。 吴晗当年进定陵个心情:socold: 我当则是嗲个彩票呢。。。 是弗是一起头拿出来个辰光纸头上有一阵“故纸气味”或者“衣箱气味”呀 味道应该呒介呣感觉..
但是哅一记保证有"恍如隔世"嗰感觉..
酸啊酸啊酸.. 打配=打算? 原帖由 疁城小囡 于 2007-10-25 13:55 发表 http://wu-chinese.com/bbs/images/common/back.gif
打配=打算?
:singing: ghei啘。
页:
[1]