[翻译]《小王子》（草稿）_1
着着老早我还只有六岁个辰光，竳垃一本书里向看见着一幅蛮蛮体面个图画，叫自然里向个故事，是得讲关于原始森林个事体个。图画浪画个是一条大蟒蛇齐巧垃垃梗拿一只动物吞下去。下头呢就是个张图画：http://storage.msn.com/x1pAdjo0uCo2H1rkr0B1cy_y5M7VOe5_fW1pgKZQ_dpHV6V0c8nT8TUk2xiqsuPYKLzX0dNIvnOGB3nVsOYOPXB9oDBtdrjVpNtdV0OuFkNs2CmFuy7SD4LaRUeC7hKfj068KaXY04FoudMvw48hsH-k4ctwFTg8p8j
书里向讲：大蟒蛇嚼也弗嚼个，直接就拿渠捉着个物事吞下去。实梗呢渠就动弹弗得咧，索性就垃垃接下来个6个月里向一忽觉睏到肚皮里个物事消化落为止。
我想啊又想，想象垃垃野头爿里个冒险会是得哪亨个。拿得彩色铅笔画着一歇，我终于画出来我个头一张图画，我个图画一号。居张图画是下头样梗个：
http://storage.msn.com/x1pAdjo0uCo2H1rkr0B1cy_y5M7VOe5_fW1pgKZQ_dpHV7ths-COvVfdaCFtAIHT88t7jk9CCUCSZQlj0W5TSRe7cu1HxTQCzrqdY8rvjqTfdkW3mYDsTbzlEQ09zurmsPYK-WW295OXCic6xFzX7ttDA
我就拿得居张杰作去畀垃大人看。我问渠答，阿见得居张图画怕。
朆想着渠答实梗回答我，怕？人为啥要见得一只帽子怕啊？
我画个弗是一只帽子，是一条大蟒蛇勒梗消化一只大象。尚况大人看弗懂我画个是啥个，我又画着一张：我竳垃蛇肚皮里向画，实梗呢作兴大人好看得清爽点。渠答总归要解释。我个图画两号是实梗个：
http://storage.msn.com/x1pAdjo0uCo2H1rkr0B1cy_y5M7VOe5_fW1pgKZQ_dpHV5hHnMJDRPgqSmhJNg_1W-c4_knihr-jeE_Ky2jWLh32R7T_B3wfK_hD3_Mbeury4eH8xUVuo3G2VtrQc1kl6HW-CwxwVsQGa2VhYY2HQucpA
居次大人个反应又是哪亨个呢？渠答劝我掉落我个大蟒蛇图画，弗管是竳垃渠肚皮外头还是里向画。渠答还劝我要拿辰光用垃许地理啊历史啊算术啊语文啊上头。居个就是为啥道理垃垃我六岁个辰光，我拿画图画放弃脱落。作兴我一直画下去个说法弄得弗好会变成功一个画家，居个倒也是相当弗差个职业噢。图画一号和得图画两号连环吃别十，弄到我心灰意冷。大人总归弗会自家去拿事体弄清爽，老是要小倌来讲畀渠答听，总归实梗，烦到弗得了。
所以呢我又拣着另外一个职业，去学着个开飞机。我基本浪世界各地侪飞过，地理知识也确实对我蛮有用。眼睛光少为瞄瞄么就好拿中国和Arizona分出来。假使垃垃夜里向迷路，居些知识是相当派用场个。
垃垃个段辰光里向，我碰着过弗少人。渠答侪蛮习心垃许因果逻辑浪。我竳垃许大人圈子里向住过弗少辰光，我凑近得望渠答，就垃垃许手脚跟头。就算实梗，原朆哪亨改变我对渠答个看法。
弗管啥辰光我碰着个些大人里向个一家头，只要渠看上去眼睛光还弗差，我就会试试看，拿我个张一直囥好个图画一号畀渠看。我想望望看，到底居个人阿是真个有理解能力。尚况，弗管哪里一个，男个还是女个，总归畀我实梗个反应：
“居个么是得一只帽子啘！”
实梗呢，我再也弗会和渠去讲啥个大蟒蛇呵原始森林呵星星呵，我会拿我自家降到和渠一个档次上头。我会去和渠讲点啥桥啊高尔夫啊政治啊，还有领带啊啥。个个大人碰着我实梗拎得清个人也会乌心到弗得了。 大家来翻译《小王子》~ 翻译]《小王子》（草稿）_1
交关年头前个时光，我只有六岁，徠本书里见一幅交关好个图画，叫《自然里头个叹头》，是讲原始森林个事体个。图画中画勒关大蟒蛇死綿拉股勒底吞只动物。下头呢就是搿张图画：
书高头讲：大蟒蛇嚼也弗嚼个，柯牢东西就囫囵吞。介样子伊就动弹弗得咧，桑可一睏6个月，等勒肚皮里东西化掉为止。
我想勒又想，想象徠畈垟个冒险会是捺格样子。佗勒彩色铅笔画勒歇，我终于画出来我头张图画，我个图画一号。搿张图画是下头个样子：
我就佗勒搿张杰作去拨大人看。我问伢，会会着搿张图画怕？
侃佴晓得伊答介格回答我，怕？人为角儿要见顶帽子怕啊？
我画个弗是顶帽子，是关大蟒蛇勒底消化一只大象。看勒大人看弗懂我画个是啥个，我又画勒张：我竳垃蛇肚皮里向画，介样子旁可大人好看勒清爽点。伢总归要解释。我个图画两号是介样子：
尚况——？？？
实梗——？？？这样 尚况是“但是”的意思，
页:
[1]