天翻地覆
头场，有一个教书先生，是到学生子屋里吃轮［中］飯。一日子，先生［中］飯拉学生屋里头有两个长年，一个叫张三，［wE？］有个叫李四，飯吃得蛮蛮快，菜吃得蛮蛮多，弄勒教书先生吃淡飯头。葛日子，又轮到葛份人家，三个人同道吃早飯，桌床浪放勒一碗园园豆，教书先生讲：“啊拉定个规矩，先话一句成语，才刚好吃菜。”张三、李四都讲：“好咯，n头个话吧。”
教书先生讲：“二龙抢珠。”讲好，伊用双筷拣了一粒豆放进口里。张三讲：“五爪金龙。”讲好，［抡］出五个手只头［捽］了一把豆放进嘴里更。李四看伢都吃到了豆，恺勒起來，讲勒一声：“天翻地覆。”來勒个碗搭底朝天，拨豆滑塌刮之扑勒自家饭碗里头。
注：［中］——动词，轮流承待，长年——长工，园园豆——豌豆，抡——伸，捽（音竹）——几个手指抓，同道——一块，滑塌刮之——全部，扑——倒
[ 本帖最后由 富春山越 于 2006-1-15 18:57 编辑 ]
页:
[1]