田鸡告状
田鸡两只乌珠趵趵出,大家晓得是为角儿?伢话,田鸡格眼睛是拨海龙王气得介咯。有卯子,田鸡闶勒一肚皮气跑勒水晶宫里海龙王克底起告状,伊话:“人忒个咪良心勒,拉长年落月辛辛苦苦拨伢虫,勿讲咪丢角儿好处,伢倒反葫芦拨拉旦勒起,杀勒吃掉,讲角儿‘青蛙田鸡活剥皮,酱油灒灒好滋味’,万望大王拨拉作作主。”
海龙王一听,自家馋唠得口里水溚溚滴,田鸡暴暴之讲好,海龙王牙齿扎出舌头出,讲:“酱油灒灒好滋味,介酿我也来搭搭味道吧!”
田鸡想勿到告状告出祸水,气勒肚皮胀勒滚滚圆,两只乌珠一刹时光趵勒出来,当海龙王刚要柯伊时光,伊徠海龙王手上溠勒泡浠,两脚一弹,拚命逃出水晶宫。
从介以后,田鸡格眼睛就介趵趵出勒,每当人起伢时,总是先沰泡浠拨佴,再两腿一弹,逃勒起勒。
注译:【为角儿】——为何【伢话】——传说【有卯子】——有次【克底】——那里【长年落月】——一年到头【倒反葫芦】——反而【旦勒起】——抓了去 【暴暴之】——刚刚【溠勒泡浠】——拉了泡尿【拚命】——拼命。
是啥地方言话?
富阳
页:
[1]