hotline110 发表于 2012-1-23 17:44:16

【要紧关子掼潮烟】义解。

本帖最后由 hotline110 于 2012-1-23 19:33 编辑

我们吴语有交关老言话。原来侪是生活个用语,还加再搭生活中提炼出來的以后更加精辟,成为吴语个精彩词汇。由于时代变迁咾介(介咯介后置,表原因),老个东西拉消失,再加上推普搭普通话词汇泛滥,交关人已经弗晓得交关词汇哉。今朝头歇,吾网浪查的一趟,发现连潮烟管格种词汇侪查弗着哉,介咾有必要发个帖子讲讲这个东西。带便讲讲另外呱词汇。
讲【要紧关子掼潮烟】,先要讲啥是潮烟?70年代个辰光,老年人皆是普遍吃潮烟,中年人也吃。吃潮烟也叫吃老烟。
老烟筒:又叫“潮烟管”,民间用竹管做的烟杆,大约一尺到二尺长的烟管,烟管头浪摆烟丝点火吃。潮烟:一种潮州出产的烟丝,文革时都是盒装的,不要烟票。老烟筒/潮烟管,见图:从前个人,空到来呒不事体就喜欢聚拉一道讲故事,总管有几个故事大王一年四季拉公园里搭侪家讲故事。交关人勜勒一堆生,搬只小骨牌凳听故事。讲故事个基本浪侪是老老头,湖州当年人民公园里有个叫“细毛”个老老头,故事特别个多。我看比单田芳弗推板。“细毛”就是吃潮烟个,手里担一根“潮烟管“,边浪交关听故事个,呱男个交关也是吃潮烟。格末,每日天下半昼(下半日)讲故事,讲到精彩个地方,担“潮烟管“往地浪或者鞋子底浪一敲。讲声:“今朝讲到该垯,舌头弗是长江水,喉咙弗是铁长城,歇一歇,腰一腰(音,不知正字),明朝下半日两点半”。乃么要死快否??故事讲到要紧关子掼潮烟哉!~呵呵,【要紧关子掼潮烟】的意思拉该垯就是【卖关子】个意思。拉其他场许,是讲要紧关子甩手弗做哉个意思。(从前,吃潮烟个人要走了,总是把着末一口老烟吃完后,搭潮烟管里个烟灰往地浪一敲)
页: [1]
查看完整版本: 【要紧关子掼潮烟】义解。