富春山越 发表于 2006-9-11 23:26:35

董邦达传说

伢话,董邦达小格时光屋里蛮蛮罪过,靠勒寄把亲爹亲娘摆小摊过过日脚。小邦达从小蛮灵光相,六、七岁时就会勒邦大人摆摊,並专门经到私塾起听先生讲课。勒到八岁,会同淘过路人对课勒,是话一般人,真有丢勿大相信。
   一日子,小邦达同淘一班小人家徠路高头底做“状石”蛮场,凑着毛里,方知县搿日子到富春江南兴岸踏青。官轿过来,红头差人嗨锣入道,一脚记千踢翻勒小邦达状格石堆。小邦达不管三七廿一,跄勒上起着板牢轿杠,呕着“赔我石屋……”。坐勒轿子内格方知县捎开轿帘一,见是个七八岁小人头,就问:“小倮倮,要赔觉儿?”小邦达话:“赔我房子,是话想覅赔,就要对得出我出格‘课’。”知县一听,兴致煞记车勒起来,话:“佴出记看。”小邦达眼睛一眨,讲:“踢开‘磊’字三块石。”方知县头皮搔搔,一头三千对勿上来,只好讲句鬼话:“小倮倮,我掰卯间有急事,晚头再来对奈话?佴拨屋里登徠嚡里告诉我。”小邦达一五一十告诉勒拨伊,方知县喝令起轿走勒。
   方知县回旦屋里,就拨小邦达出课格事同淘夫人讲勒。知县伢老娘是个才女,听勒后讲:“剪开‘出’字两支山吧!”
    搿日子夜,方知县寻到小邦达屋里,小邦达格爷娘一见知县驾到,或道出勒奈格庄大事体,吓勒一句叹头也讲勿出来勒。方知县到是抚抚小邦达格头:“小倮倮,佴出格课我对出来勒:“剪开‘出’字两支山,你看哪话?” 小邦达想勒想讲:“搿课对勒是对勒蛮好,否过勿是佴对格,是老娘们对格。”方知县一听,着致出惊,问伊:“佴奈为会晓得?”小邦达勿慌勿忙讲:“只之女人家通场司用剪刀,所以才用‘剪’字,是话男人家对格话,督定间会用‘砍’字同淘‘劈’字,只之伢用刀斧熟脱丟。”方知县一听,觉着董邦达介小年记就格搿灵光,后头日子砍板有出山之日,就问伊读勒几年书。董邦达爷娘讲:“屋里介搿穷,嚡里读勒起书?”方知县听勒长叹勒口气,话:“介搿聪明格小人勿读书是可惜格,介话吧,倷让伊起读书,铜钿银子我汇钞。”董邦达格爷娘千谢万谢,小邦达拨方知县叩勒三个头。
   董邦达后歇来做官做勒木佬佬大,一直落拓咪梦记方知县格恩德。

(董邦达后官至尚书)
【状】——磊   【佴】——你,音耳n。 【蛮场】——游戏【搿日子夜】——那晚【登徠嚡里】——住在那里【或道】——以为【只之】——因为   【熟脱】——熟悉、熟练   【通场司】——经常 【一脚记千】——一脚不小心【嗨锣入道】——鸣锣喝道【跄】——冲

吴人 发表于 2006-9-20 07:22:40

富春先生写的“状”,意为“堆”,我们也用,不过一般只堆出个大的东西来。
确实是阳去调。本字不知为何。

其余还有些字词意义不明。

富春山越 发表于 2006-9-22 13:14:07

“状”,我处主要意为“叠”“磊”“码”,是整齐有序的“堆”。“堆”意很少用。
有一个词把两意连在一起:“磊堆”——麻烦、慢。
“状”的例词句:
状箩——层层相含而叠的放物竹箩。
把蒸笼筴状起来。
把紙箱状状好。
箱子状勒蛮高。
砖头一层层状状好。
两人状勒一起——两人叠在一起

[ 本帖最后由 富春山越 于 2006-9-22 16:48 编辑 ]

富春山越 发表于 2006-9-22 13:21:20

有种糕叫状元糕,
即连环糕,两个相连的园,卖时一层叠好叫“状”,状园圈,谐音“状元”。过去小孩初入学必吃。
页: [1]
查看完整版本: 董邦达传说