神死恸瞑 发表于 2011-1-24 01:27:04

枫泾古镇游记

老早就想乘休息个工夫到处走走,葛咾突然间决定搿常休息去老早就听说个枫泾镇去孛相相。本身昨日去个辰光是雾露天,还蛮有眼后悔格,想明朝去,不过今朝落雨,葛咾觉着昨日个决定还是蛮英明个。

去之前临时百度一下,百度地图,查了下公交线路,便一目了然。前一夜没哪能睏好,有眼兴奋。我个人就搿能,第二日有事体个闲话睏勿大起。翌日6:48分䟿起来,洗漱,吃饭,整理行装。自然是空身前去,只带了一眼钞票脱交通卡,乘上仔南金线。看看辰光,7:30。由于睏来晏,䟿来早,我拉车路就睏去唻。醒转来个辰光,已经到仔朱泾镇。我跳落去马上拉站内寻着仔金枫线。8:43分车子启动。车厢内满是乡音,听起来交关亲切。9:13分,到达枫泾镇。

我一下车,就朝牌楼走去。原来迭搭是勿收门票个啊!心中一阵高兴。先介绍一下。枫泾镇,地处上海西南角,属上海市金山区。成市于宋,建镇于元,是一个已有一千五百多年历史的文明古镇,地跨吴越两界。枫泾镇为典型的江南水乡集镇,与浙江省嘉善县为邻。

镇上闹猛来邪个,连得马路路一个联华超市外表侪是典型个古代建筑。不过我对这种为仔旅游而翻建个伪古代建筑勿感兴趣。继续朝里向走,就是古镇区了。一时里有眼摸勿清头脑,呒数该从啊里开始游览。耐末跟仔一群来自市区个旅游者往前走仔几步,到仔一个路牌搭,仔细看仔旅游景区地图,规划仔自家个行程。不过我勿急于去景点,先漫无目的地穿梭古街。

其实搿种老街我自家搭也有,就是太短唻,与之相比勿值一提。行走啦青砖石板个老街,来回望仔勿多个游人,和街边自在生活个乡人,感觉迭就是所谓个古巷通幽唻。没看见年轻人。临街坐着忙生活个侪是中老年人。或者拉自家门前裹粽子,或者摘菜,或者哄仔怀里个小囡。间或听着一阵“叮铃铃”脚踏车打铃声,然后就是脱过路街坊打招呼,问伊今朝买仔啥个菜。

勿知勿觉中我来到一个景点:程十发祖居。一开始差眼错过,因为搿只门口,和一般人家呒啥区别。我进去一问,门票8块,遂买了之后慢慢参观起来。注意,是祖居,勿是故居。也就是话伊祖籍拉枫泾。出生拉松江,后来拉上海西区定居。书画我是勿懂个,但是大师级别个国画看起来绝对好令人赏心悦目。

可能是上午个缘故,参观游客只有我一家头!不过我相信迭能清净个感觉。一路欣赏了勿少大师个作品跟生平事迹。话就不多讲了,感受啥咾最好还是直接看伊个作品。

出来后往回走,路过金山农民画展览馆,进去参观了下。免费。真个是邪有乡土气息,也邪特别个画风,不过有种构图拉我看来就跟小囡涂鸦有眼类似,天然淳朴。

寒寒豆 发表于 2011-1-24 01:44:32

哈,暝暝到处嬉哇。
枫泾是不是要念成“哄泾”还是别的叫法?

神死恸瞑 发表于 2011-1-24 01:52:38

本帖最后由 神死恸瞑 于 2011-1-24 02:00 编辑

眼看吃饭还早,我一边吃街路买来个号称是特产个芡实糕,糯糯甜甜的,勿错。继续前行,勿大长远就到仔下一个景点“丁蹄作坊 ”。是枫泾四大特产之一丁蹄个原产地。(丁蹄、黄酒、状元糕、粽子)。所谓丁蹄,就是蹄髈,因旧时丁义兴蹄髈得名。我犹豫再三,还是没买丁蹄,一个是价钿贵,一个怕走拉路路向拨人认为是观光客而行注目礼。于是掏出5块洋钿进去兜仔一圈,就是讲丁蹄历史个。过仔桥,到仔一个旧时个园林,可惜要凭套票才好进入,我呒买套票,只好作罢。

再朝前走,看见仔瑞虹桥,再是枫溪长廊,沿河一路走去,看仔廊下摇仔游船,写意个游客;侧首看见屋檐下一串串火红个灯笼跟飘扬个柳丝,以及横边酒肆饭店传来个阵阵菜香和说笑声,真是邪气写意。

一路走到某个文人诗词的墙壁上我驻足停留,一首首看过去,边看边用乡音念起来,真是别有一番滋味。很快走到了十字路,我寻家路口酒家坐下来,叫碗丁蹄面,可惜窗边临河位置拨人家占脱了,勿然边看风景边吃面多好。

吃完后走到枫泾三桥场地路休息一歇,看桥上栏杆,分明就是十二生肖兽首嘛!于是我上QQ,开心地宣布,我见到十二生肖兽首啦!哈哈。忽然觉着其实啥水乡个水质实在是污染过重,浑浊勿堪,但是因为绿化个缘故,大家侪忽略唻。 还有街边店铺虽呒没我前几年去过个朱家角迭能喧嚣,但是每家店铺,无论卖小吃也好手工艺品古玩也好鞋子也好,侪有打上“淘宝三钻卖家,网店订购,送货上门。QQxxxxxxx”类似标语,看来现在个生意人恶注重网络宣传啊!

休息完毕,继续动身,去丁聪漫画馆游览。丁聪老先生个侪是漫画,幽默讽刺,有趣得紧。还有其父丁悚作品也收录其中。院子中有株四百年树龄个银杏树,看着非常魁伟。转仔一圈,发现拉里向参观个依然还是我一人,猛然觉着好冷清啊!看见隔壁头施王庙(道观)中挂拉个横幅:“贯彻宪法……和谐社会……”迭能个标语还是觉着交关雷人!

好几个景点侪需要套票才好进入,只好转身朝东街火政会参观。一路上看见还有卖熏癞丝(熏癞蛤蟆肉),思量再三还是没敢买来吃。所谓火政会,就是旧时个消防队。看看以前个救火设施跟世界历年火灾记录,再联系到日前上海大火,真是感触良多。

看看差勿多两点,于是动身归去,归去前买仔个绕绕糖来吃,好黑啊,两根棒头上绕一眼眼就要3块!

归去乘车路路向落了毛毛雨,心想,迭趟还是收获蛮多个,下转到啊里去孛相呢?

总结:如果相信清静,可以趁非双休日出行。基本景点进去蛮有可能跟我一样一家头独享哉。欢喜闹热个话选周末或者节假日去,因为行情活动平时看勿着。

归去车子路听见一个母亲教自家小囡学讲闲话,直接普通话教学,无语。

神死恸瞑 发表于 2011-1-24 01:56:38

哈,暝暝到处嬉哇。
枫泾是不是要念成“哄泾”还是别的叫法?
寒寒豆 发表于 2011-1-24 01:44 http://wu-chinese.com/bbs/images/common/back.gif

奴读个闲话就是 hong cieng
注意后鼻音,哇哈哈。勿晓得枫泾本地人哪能读法则?

热度 发表于 2011-1-25 22:03:59

http://www.wu-chinese.com/bbs/viewthread.php?tid=10238&extra=page%3D1
页: [1]
查看完整版本: 枫泾古镇游记