温州是个好地方

From 吴越百科

语言：吴语温州话

整理：吴语协会

温州是个好地方，山清水秀好风光，无论城底和乡下，嬉爻直头冇话讲。

温州是个好地方，有山有水有风光，山岭爬爬有雁荡，冷水冰冰楠溪江，

近便就有江心寺，洗浴泰顺氡泉烫，洞头度假鱼钓爽，南麂六月游儿忙，

恁多个地荡居恁好，汝讲嬉爽嬉勿爽。

池上楼中吟诗声，籀园书香飘芬芳，瓯剧天下第一团，南戏风采登大堂，

鼓词莲花和道情，民歌对鸟叮叮当，头街摆起拦街福，河里航船锣鼓敲。

温州是个好地方，风情小吃太拉方，点心摊儿到处有，一夜摆到头天光。

温州是个好地方，嬉爽吃爽冇话讲，点心摊儿多显多，一夜摆到头天光，

肚饿松糕馅皮肉，肚饱还想鱼丸汤，味道十锦个江蟹生，龟脚花蛤太兰芳，

恁多个物事冇讲道，汝讲嬉爽嬉勿爽。

白茹烧饼脆又香，县前头汤圆麻心烫，长侬个馄饨皮丝薄，矮侬松糕夹砂糖，

饿爻吃盘炒粉干，再来一碗鱼圆汤，家乡点心居恁多，包汝吃饱亦吃爽。