【转载】脚碰脚

吴人

http://blog.eastday.com/qiannairong/art/1143490.html

                刊于《新民晚报》8月15日《上海闲话》专栏      

        “脚碰脚”，勿是一个人睏辣海两只脚搭辣一道，而是至少两个人个脚并排碰辣一道个意思。


        上海1843年开埠以后，成为赚钞票便当个好地方，除了不少富商赶到上海来创业之外，更加有大量个穷人涌进上海谋生。伊拉“脚碰脚”个睏辣船舱统舖里向从十六铺上岸，学生意辰光（时候）夜里也往往是长期脚碰脚个睏辣小老板屋里向个阁楼浪。只有当两个人关系相当平等的辰光，方才会深刻体验着脚碰脚日脚个乐趣。伊拉个地位平等，伊拉个谋生手段告（和）谋生机会平等，使得“脚碰脚”搿个词就引申出来“平起平坐”、“差不离”个含义。上海个环境确实能够提供拨（给）伊拉一个“机会均等”个工作环境，使他们能够辣上海一展身手，白手起家，积极谋生，各显神通。从脚碰脚开始，打出一个新世界！


        前途畅通，希望就可以落实。乃末（于是）从川沙乡下出来个杜月笙可以从水果摊浪个帮手因为生梨削得妙咾起家，老快就成为上海滩浪个大亨；身无分文个犹太流浪汉哈同到上海可从一个小职员变成富豪；一群卖唱个“的笃班（越剧的最早形式）”小姑娘脚碰脚个到上海，勿到五年变成拥有千万“粉丝”个绍兴戏（越剧的俗称）明星以至后来个“人民艺术家”。


      “脚碰脚”这个词个产生脱仔传播，形象个表达出上海人开始打天下辰光个生存环境，上海拨穷人开创者提供了相对平等个起点，发挥聪明才智个机会。乃末伊拉互相帮助，又辣激烈竞争当中求生存，优胜劣汰。虽然伊拉当中也会有眼人因为个人个性格品行甚至一闪念个错误应对，变成了“脚踢脚”咾产生种种不良个行为后果，不过大多数个上海人后来一直养成了“脚碰脚”辰光就受益个平等处事、平等待人个优良民风，老多人当年曾并肩共一榻，以后相携伴终生。

热度

$先生的“辣海”牢有咪道

mandarin

来许儿。佳韵许ha+儿n=山摄han（传教士Edkins所记山摄带鼻尾阶段）>hae
类似的，绍兴说来亨，即为许ha+儿ng。