昨日半夜头,困仔一觉醒转来,突然想起衣裳还勒洗衣机里没掇出去浪。。。。就落起来出去浪衣裳。。。:lauga:
个浪衣裳个场化呢,就勒面对后花园个廊子里,刚一出门,就听到草丛里有悉悉索索个动静,开始想,大概是猫,但是听听弗象,因为从声音来判断,渠(活物)个行动速度要比猫慢得多,个声音越来越大,越来越大,而且朝仔我个方向步步逼近。。。。。:fiau
我虽然有点怕,但是想想毕竟是勒浪自家个地盘上,所以也就立浪归搭看个究竟。。。。
啥人晓得,等到渠来到眼门前,居然发出类似人类大叹气个声音,然后是象老头子啜多仔老酒后个呼噜呼噜声,还有嘬螺蛳个声音,总之,除特弗会开口讲话,渠用老大个音量学仔好几种人类个声音,而且活塌死象,真真象煞是人个声音呀。。。。。。。。。
我吓是吓到来。。。。脚骨簌簌抖。。。。。。
最后渠从草丛里钻出来,原来是只短命个偷瓜畜。。。。。。。:ghoe:
之前看见偷瓜畜,弗是勒集浪么就是看人家屋里养白相个,个是头一次长时间观察自然环境下行动个偷瓜畜(因为其是夜行动物,一般白天是不大看的见个)。。。
难道偷瓜畜天生会得发出各许象人个声音个?
还是因为我看见个搿只上辈子是人,刚刚投胎做中生? :tsohnih
或者相反,是多年修炼个偷瓜畜,要成精了????:koedon
[ 本帖最后由 东东 于 2007-6-5 22:13 编辑 ] |