设为首页收藏本站

吴语协会

 找回密码
 开户

用新浪微博连接

一步搞定

QQ登录

只需一步,快速开始

搜索
查看: 3747|回复: 2

吴语学习:上海话和嘉宝话对比20句 [复制链接]

Rank: 3Rank: 3

母语
吴语
发表于 2015-4-11 18:53:00 |显示全部楼层
本帖最后由 姑苏一豆 于 2015-4-11 19:01 编辑

例句一

普通话:兰海开这个论坛到现在有几年了?很多年了,大概到下个月就正好满六年了。如果兰海手头紧张的话,我想给他的论坛捐点钱。你搞错了吧,兰海很有钱的好吧,而且你那么小气的人,真的会出钱吗?你还是别去出风头了。


上海话:兰海开格只论坛到现在有几年了?老多年了,大概到下个号头就正好满六年了。如果兰海手头老紧张个闲话,我想帮伊个论坛捐点。侬搞错脱了伐,兰海立身个好伐,而且侬介小气八腊个人,真个会诺钞票出来啊?侬还是覅去惯浪头了。

嘉宝话:兰海迭个论坛开到奈阿有几何年数哉?耷年哉,大总到下只号头就够数满六年哉。假使兰海手浪蛮紧个说话,吾想拨伊个论坛捐眼钞票。实尔啊看豁边哉,兰海是居铜钿人家,再话像尔迭恁个蚂鬼,阿真会得出钞票?尔还是是覅去出风头哉。

例句二

普通话:没想到林小这孩子也快结婚了,我还一直当他小了呢。时间过得真是飞快,他已经不小了,不是小男孩了。对,他现在总应该也不是处男了。你别总管别人,林小和你有什么关系,你那么大岁数还一个人,还是多想想你自己吧。

上海话:没想到林小格小鬼头也要结婚快了,我还一直当伊小了盖。辰光过了真个交关快,伊已经弗小了,弗是男小顽了。对个呀,伊现在总应该也弗是处男来。侬覅老管别人,林小帮侬搭界伐拉,侬介大岁数了顽一家头,还是多想想侬自家伐。

嘉宝话:朆想着林小迭个囡也要讨娘子快哉,吾还则当伊小了许哉。辰光过着真真较快透快透,实伊经弗小哉,弗是囡嗣哉。对个,奈伊则叫也弗是童子鸡哉。尔覅则去管人家,林小忒尔道阿搭界个,尔迭介大岁数哉还独竿子个,还是多想想尔自家么哉。

例句三

普通话:剪径者,自在天和东越木香,大卫,natsuya人都挺好的,温文尔雅的,欢医生则人不怎么样,太多事了。你说的不错,我也觉得是这样的。欢医生原本还可以的,后来就变地不太好了。欢医生什么时候好过?我看她从来就没好过吧,真有点不理解绿兄,永安枫,双相,虎叔,糨糊等人为什么和她关系那么好。

上海话:剪径者,自在天帮东越木香,大卫,natsuya人侪老好个,老文雅个,欢医生么人弗来三个,太来。侬讲了没错,我也觉着是格恁介个。欢医生本来还老上路个,后手来就变得了弗大好了。欢医生啥辰光好过?我看伊从来就没好过伐,真有点弗理解绿兄,永安枫,双相,虎叔,糨糊格点人为啥帮伊关系介好。

嘉宝话:剪径者忒着自在天还得东越木香着大卫,natsuya人侪蛮好个,像个读书人,欢医生么人弗着个,脱仙吵哉。尔朆话错歇,吾也觉着是迭恁个。欢医生本生还蛮着个,后手头就驾变脱哉。欢医生几时好过动?吾看伊从来就朆好过歇个,真有眼弗大理解绿兄,永安枫,双相,虎叔,糨糊了挺人囊为得忒伊道关系介要好个。

例句四

普通话:永谢布这两天又在论坛上胡说八道了,不怕丢人现眼的,被小狼小反大力他们批驳,大家都笑死了。还有历史的天空,也是一个样子,这两家伙真是一对活宝。是啊,他又开始轻飘飘了,大概是还没被笑够。他那么牛,那么厉害,他妈知道吗?我也很奇怪,他妈没喊他回家吃饭吗?

上海话:永谢布格两天又又了盖论坛高头瞎七八搭了,弗怕坍招势个,拨了小狼小反大力伊拉吃排头,大家侪穷笑了偶。还有历史个天空,也是一副腔调,格两个逼养真是一对活宝。是个呀,伊又开始骨头轻了,大概是还没拨够了。伊介老卵,介结棍,伊拉娘晓得伐?我也老奇怪个,伊拉娘没喊伊回去吃饭啊?

嘉宝话:永谢布迭两日亦了着论坛浪烂话八话哉,哪弗怕现世个,拨着小狼小反大力伊哒批,眼人侪笑煞。还有得历史个天空,也一式一样个,迭两只怪真一对活宝。是啊着,只怪亦了着发强哉,奥毛是还朆拨笑称心哉。像伊腾老卵法子,内着海泛哉,像伊哒娘阿晓得个?吾也觉着蛮滑稽个,实伊哒娘囊朆喊伊归去触祭个啊?

例句五

普通话:多面体去四川采样回来了吗?好像昨天下午回来的,现在还忙着在把采样结果分型。但他去的不是四川,而是甘肃最南部靠近四川的地方。lw109value和红山人三个现在吵地非常凶,叫他们别吵都不听,还是让多面体快点上论坛处理一下吧。这种事情有什么好急的,多面体一时间还不会有空,等他干完活马上就会上的,要不你先去找兰海?正因为兰海失踪了才来找多面体的。

上海话:多面体去四川采样回来了伐?好像昨天下半天回来个,格歇还忙了了盖诺采样结果分型。但伊去个弗是四川,是甘肃最南面靠近四川个地方。lw109value帮红山人三家头现在吵了臭要死了,叫伊拉覅吵侪弗听,顽是让多面体快点上论坛处理一下伐。格种事体有啥好急吼吼个,多面体一时头浪还弗会有空个,等伊做完生活么马上就会得上个呀,要弗侬先去寻兰海?正因为兰海失踪了再来寻多面体个。

嘉宝话:多面体去四川采样盎归来哉?像是上日下昼归来个,垫还忙着了浪拿采样结果分型。但伊去个弗是四川,是甘肃直南面靠牢四川个户荡。lw109value忒红山人三只怪垫动闹着凶透凶透,许伊哒未吵么侪当聋棚,招叫多面体快眼上论坛去处理去。有啥急得个投胎去啊,多面体一场浪则呒啥空个,待伊行完著么遂过去个,要么尔先去寻兰海?为之讲兰海叫失踪哉各再来寻多面体个。

例句六

普通话:鲜于脾气不太好,你最好不要去招惹他。没关系,我和鲜于关系挺好的。而且吴语论坛和百度帖吧里有些人还要神经和不堪,不也照样没事。跟你说了还不信,你可以去试试看,鲜于要是知道这件事情后必定会发怒的,开什么玩笑啊。你说的也是,鲜于这人时好时坏,捉摸不定。

上海话:鲜于脾气老推板个,侬最好覅去惹伊。弗怪个,我帮鲜于老有数个。而且吴语论坛帮百度帖吧高头有点人还要刮三肮三了,弗也照样没事体。帮侬讲了还弗相信,侬可以去试试看诺,鲜于要是晓得了格桩事体板定会发吼个,了打旁来。侬讲个也是,鲜于格人一歇好来一歇坏,吃弗准伊个。

嘉宝话:鲜于脾气蛮丘个,尔顶好未去碍着伊。弗碍,吾忒鲜于蛮有道个。再讲吴语论坛忒着百度帖吧里向有排人还要辣着欠哉,弗也原旧呒啥事体。忒尔话著还弗相信,尔可以去试试看,鲜于要是晓得着迭桩事体铁保会发吼个,了寻开心哉。尔话个也是,鲜于迭个人有冷热病个,吃伊弗透个。

例句七

普通话:大力和子居两个人谁的文史水平比较高一点?不知道,我怎么知道?我又不了解子居,难道你了解他?那大力的分子学水平和百越人,小狼,氐羌人后裔他们比的话呢?这些人和在国外的ren相比又如何呢?又来了,你怎么老是去比牛牛的牛角的长短,有意思吗?也只有你会老是不时问这种问题。

上海话:大力帮子居两家头啥人个文史水平比较高点?弗晓得,我哪恁晓得?我又弗了解子居,难道侬了解伊?个大力个分子学水平帮百越人,小狼,氐羌人后裔伊拉比呢?格点人帮了盖国外个ren比起来又哪恁内?又来了,侬哪恁老是去牛牛个两只牛角个苗头,有意思伐?也只有侬会老是过段辰光就来问格种问题。

嘉宝话:大力忒子居道两竿子行人个文史水平要高眼?叫得,吾囊晓得?像吾亦弗了解子居,话了尔了解伊?个大力个分子学水平忒百越人,小狼,氐羌人后裔伊哒比个说话呢?迭眼人忒着了着国外个ren比起著格么阿来?怪亦来哉,尔扎则去比牛牛个牛角个长了短,阿有意思?也最得尔一歇弗歇个则格了问实种恁问题个。

例句八

普通话:使君子这家伙真不是东西,骂完北方又开始攻击我们这里了,真是欠揍。那家伙是这样的,傻逼太无聊了,和他没什么好多说的。他真还不如隆攀,隆攀再烦也不至于如此扯淡。他比隆攀差远了吧,我看他连那迷都不如。

上海话:使君子格瘪三什么里个东西,骂好了北方又开始攻击阿拉格搭了,要拨伊点辣火酱搭搭了。格赤佬是格恁个,戆比样太无聊了,帮伊道没啥好多讲个。伊真还弗如那迷,隆攀烦做烦么也弗至于格恁介瞎讲个。伊比隆攀差了远了伐,我看伊连那迷也弗如来。

嘉宝话:使君子只短寿真弗是物事,骂完著北方亦开始话实伲荡哉,要吃生活快哉。只端么是腾个,阿乌卵脱底棺材弗出空个,忒伊道呒缠头个。实伊真个较还弗如那迷,那迷再烦么也呒不实恁烂讲个。实伊比隆攀推板著远哉伐,吾看伊连那迷也弗及了许。

例句九                     

普通话:因为五牛老是说自己不是上海人,讲的不是上海话,所以论坛里的上海人都很讨厌他,留声机兄你也不例外吧。他是有点过分了,不太识相的,经常把我弄得很尴尬,暗示他也听不懂的。是啊,爱面食中午已经跟他说得那么明白了还是在装作看不懂。

上海话:因为五牛老是讲自家弗是上海人,讲个弗是上海闲话,各了论坛高头个上海人侪老讨厌伊个,留声机兄侬也弗例外伐。伊是有点过分了,弗轧苗头个,经常诺我停了杠头浪豁领子拨伊也弗接个。是个呀,留声机爱面食中浪一经交伊讲了介明白了顽是了盖装无恙

嘉宝话:照五牛则了话自家弗是上海人,话个弗是上海闲话,各了论坛里向个上海人侪覅看伊个,留声机兄实尔也迭恁个伐。像伊是有眼了热昏哉,弗看山水个,常装拿吾弄着尴里弗尴尬,闲话头里听弗出音头个。是个着,留声机爱面食日中已经忒伊话着介清爽着还了装成功看弗懂。

例句十

普通话:百越人这小子老是说南方人全部都是南方土著汉化而成的,和北方人没什么关系。他说的还是有点道理的,只是太绝对了。有什么道理?要么是在放屁了,老是胡说有意思吗?别这么说,比起李辉来,百越人还算是好的了。

上海话:百越人格比样子老是讲南方人侪部是南方土著汉化而成个,帮北方人道没啥关系。伊讲个还是有点道理个,只是太绝对了。有啥道理?要么是了盖放屁了,瞎讲有啥讲头?覅格恁介讲,帮李辉比起来,百越人还算是好个了。

嘉宝话:百越人只笃卵则了话南方人全部侪是南方土著汉化成功个,忒北方人道呒啥关系。实伊话个道理还是有眼个,就是脱绝对哉。有得哈道理?要么有得只卵卵哉,则乱话阿有劲个?覅迭介话,比起著李辉,百越人则还算好个哉。

例句十一

普通话:我去复旦参加测试了,严实帮我抽了很多血,但没看见王传超。严实认识你吗?认识,和我聊了很久,还帮我倒了两杯酒。那去测试的人多吗?今天来的人不太多,但是听说一个月前非常多,人山人海的。你是论坛里住在上海的会员中最后一个去的吗?不是,迷雾那小子还没去测呢。

上海话:我去复旦参加测试了,严实帮我抽了交关血,但没看到王传超。严实认得侬伐?认得个,搭我畅,顽还我倒了两杯酒来。个去测试个人多伐?今朝来个人弗大多,但是听说一个月前头瞎多,到处侪是人。侬是论坛高头住了盖上海个会员当中勒末一个去个伐?弗是个,迷雾格比样还没去测来。

嘉宝话:实吾去复旦测试去哉,严实忒吾抽著兴兴血,但朆看见歇王传超。严实阿认得尔?认得个,忒吾聊畅聊畅,还忒吾斟著两杯酒哉。个去测试个人阿多?叫来个人弗多透,但是听说前头只号头行情行市,海海泛泛。尔阿是论坛浪住着上海个会员当中阿末一个去个?弗是个,迷雾只小怪还朆去测哉。

例句十二

普通话:Owen和绿兄,禄山很久没来论坛了,不知道他们现在都在干吗?其实他们每天都偷偷来论坛潜水的,上得很多,你不知道而已,刚才我还看到绿兄登陆了。你这么一说我倒想起来了,之前有次我还看到Owen登陆了后在查用户资料。

上海话:Owen搭绿兄,禄山交关日脚没来论坛了,弗晓得伊拉现在侪了做啥?实际高头伊拉每天侪偷偷来论坛潜水个,上了老多个,侬弗晓得而已,刚刚我还看到绿兄登陆了盖了。侬格恁介一讲么我倒想起来了,之前有趟我还看到Owen登陆了盖后了盖查用户资料。

嘉宝话:Owen忒绿兄,禄山长远朆来论坛哉,覅得伊哒宕日侪了着行眼啥?格实伊哒日逐侪偷便著来论坛潜水个,上着蛮勤个,实尔则叫覅得哉,堪往吾还看见绿兄登上去了许哉。尔实恁一话么吾倒是想起来哉,前头有趟吾还看见Owen登上去哉了浪查用户资料。

例句十三

普通话:迷雾,一统糨糊,lw109和大卫,顾伟,留声机两帮家伙又在另类区里吵架了,但是我觉得这次倒是好像迷雾他们更有道理。不觉得,我看迷雾是在强词夺理,越说越无趣。当然留声机那家伙也不是什么好东西,和迷雾是一路货色。

上海话:迷雾,一统糨糊,lw109帮大卫,顾伟,留声机两帮戆卵又了盖另类区里头吵相骂了,但是格趟我觉着倒是好像迷雾伊拉更加有道理。弗觉着,我看迷雾是了盖强词夺理,越讲越没劲来。当然留声机格比样也弗是啥好东西,帮迷雾一票货色。

嘉宝话:迷雾,一统糨糊,lw109脱着大卫,顾伟,留声机两帮杠棺材亦了了另类区里向寻相骂哉,但是吾觉着迭趟倒像啥是迷雾伊哒更加有道理。弗觉着,吾看迷雾是了着妄争,益加了窝空哉。当然留声机只短寿么也弗是啥好户头,忒着迷雾一只袜个。

例句十四

普通话:和双相,旋熔子,林小,麦羽这样在文史语言上很有才华的年轻才子相比,我那么多岁数真是白活了,很惭愧。我不觉得,他们只不过就是些书呆子而已。可话反过来说,你确实太不中用,水平太差了,这么多年还没长进,真没出息,说出去也够丢人的。

上海话:帮双相,旋熔子,林小,麦羽格恁介了盖文史语言高头老来三个年轻才子比起来,我介许多岁数真是白活脱了,老难为情个。我弗觉着,伊拉只不过就是点书呆子而已。个闲话反过来讲,侬么确实太没用场,水平老搭僵个,介许多年还没长进,真老没出息个,讲出去也坍台个。

嘉宝话:忒着双相,旋熔子,林小,麦羽实伦了着文史语言浪向蛮着力个年轻才子比起来,像吾真是一把年纪活着狗身浪哉,蛮难为情个。实吾弗觉着,像伊哒则弗过就是眼书毒头了许。个闲话翻转著话,尔么是脱弗卵哉,水平脱推板,腾多年也呒长进,真弗崛世个,话出去也坍充。

例句十五

普通话:你今天凌晨的世界杯比赛有没有看?没看,我本来是想看的,但是因为昨天晚上在QQ群里和凌三,帝王之泪,强强,自在天,英格兰长弓,sonkoro等人一起聊天,睡地太晚,导致人太累了,早上睡过了头,所以没看到。你的电视机不是有自动定时开机功能的吗?声音调地太轻了,没有吵醒。

上海话:侬今朝凌晨个世界杯比赛看了伐?没看,我本来是想看个,但是因为昨天子夜到了盖QQ群高头帮凌三,帝王之泪,强强,自在天,英格兰长弓,sonkoro格点人一道噶山话,困了太晚,导致人太撒度了,早浪向困过头,所以没看到。侬个电视机弗是有自动定时开机功能个伐?声音夹了太轻了,没吵醒。

嘉宝话:尔上日半夜把个世界杯比赛盎看个?朆看,实吾便恁是想看个,但是叫上日夜头了着QQ群里忒凌三,帝王之泪,强强,自在天,英格兰长弓,sonkoro了新人道谈山海经,困着晏脱哉,弄着人脱倦,涨头困煞豁,各了朆看歇个。尔弗是电视机有自动定时开机功能个么?声音夹着忒幽哉,朆闹醒个。

例句十六

普通话:老永最近又研究出来很多成果,你觉得怎么样?萨哈,嫩江,Sunferia,匈奴叔,虎叔,远方一朵白云,bugz,乃蛮,重返荣耀他们都很赞同,剩下的少数民族也基本不反对,我看也挺有道理的。这人已经名誉扫地,一塌糊涂了,他在胡说八道,吹牛皮吧。天哪,你竟然还会相信这种人的?!你对老永偏见太深了,也有可能他是对的呢?不管你相信不相信,反正我肯定是不相信他了。

上海话:老永最近腔又研究出来老多成果,侬觉着哪恁?萨哈,嫩江,Sunferia,匈奴叔,虎叔,远方一朵白云,bugz,乃蛮,重返荣耀伊拉侪老赞同个,余多个少数民族也基本弗反对,我看也老有道理个。格人牌子一经做坍脱了,一塌糊涂来,伊了盖瞎三话四,吹牛皮伐。乖乖弄地龙,侬竟然还会相信格种人个伊讲?!侬对老永偏见太深了,作兴伊是对个呢?弗管侬相信弗相信,反正我肯定是弗相信伊了。

嘉宝话:老永宕日亦研究出来行情成果,实尔觉着阿来?萨哈,嫩江,Sunferia,匈奴叔,虎叔,远方一朵白云,bugz,乃蛮,重返荣耀像伊哒侪蛮同意个,挺剩下来个少数民族也基本浪弗反对,实吾看也蛮有道理个。只怪名头已经坏脱了许,一天世界哉,实伊了呒啥话,要么了说书哉。真要死快哉,尔居然还会得相信种人个沃?!尔对老永成见脱深哉,倘是倒伊是对个呢?弗管尔阿相信,实吾横竖正定是弗相信伊哉。

例句十七

普通话:fanzhongyan这女孩子还是挺好的,知书达理,聪明能干,不像有些女孩子(比如吴语论坛上的那个衢州妹)那样疯疯癫癫,嘴巴很碎,人很刻薄,也不太正经,看了另人生厌。是啊,那女人刚才又在发彪了,把论坛搞地不得安宁,是不是大姨妈又来了。

上海话:fanzhongyan格小姑娘顽是老好个,老懂道理,老来三个,弗像有点小姑娘(比如吴语论坛高头个诶个衢州妹)格能介痴头怪脑,嘴巴老刮三个,人老戳刻个,也弗大正经,看了真老触气个。是个呀,只女人刚才又了盖反毛腔了,诺论坛高头得了介弗太平,是弗是老鬼三又来来。

嘉宝话:fanzhongyan实个妹妹还是蛮好个,蛮懂道理,蛮能个,弗像有排小姑娘(譬如吴语论坛浪个依个衢州妹)依恁介欠式式个,蛮结栝,蛮恶刻个,还有眼亵,看看也真恨个。是个完,依个女人堪往亦了着发夹哉,拿论坛里向弄得着弗太平了许,阿是**亦来哉。

例句十八

普通话:风虎云龙和198401前天发的那些客家人的STR数据你下了没有?那两个帖子已经被删了。下了,你要是吗,我这里多的是。我正在配SNP,都配出来了,实在太轻松了。不,那些数据都是错误的,不用再配,没什么意思了。你怎么知道的?我是从兰海那里知道的,汇泽那边已经承认了。真的吗,难怪帖子被删掉了,这下可好,我搞了半天全白弄了。

上海话:风虎云龙帮198401前天发个点客家人个STR数据哝下载了伐?诶两个帖子已经拨删脱了。下载了,侬要是伐,我格搭多了是。我正了盖配SNP,侪配出来了,实在老轻松个。弗是个,格点数据侪是错误个,弗用再配来,没啥意思个了。侬哪恁晓得个?我是从兰海搭晓得个,汇泽格搭已经承认来。真个啊,难怪帖子拨删脱了,格记戆脱了,我搞了半天侪白弄脱来。

嘉宝话:风虎云龙忒198401前日发个两眼客家人个STR数据实尔阿下载个?依个两只帖子已经拨删脱哉。下载着,尔要阿是,像吾迭浪多得着像蛆个。吾垫了浪配SNP,侪行出来哉,嫩着像豆腐,爆芽了许。弗是个,依眼数据侪错脱个,奈用弗着再行着,呒弄头哉。尔囊晓得个?吾是从兰海逮晓得个,汇泽依浪经承认哉。真啊,各了只帖子被删脱哉,奈么好着,实吾行著半日天侪弄着发脱哉。

例句十九

普通话:红毛猩猩和Nasos是不是都是种族主义者,Nasos总是发表歧视黑人的言论,红毛猩猩总是发表贬低白人的言论,一搭一档,真有意思。你没见过以前论坛里还有一个叫Sondre的,老是发表歧视黄种人吹捧白人的言论,还要好玩呢。是吗,他和那个叫“因陀罗”的是什么关系?这倒不清楚,但这两个家伙平时都很喜欢犯病。

上海话:红毛猩猩帮Nasos是不是侪是种族主义者,Nasos老是发表歧视黑人个言论,红毛猩猩老是发表贬低白人个言论,一搭一档,老有劲偶。侬没看到老早点论坛高头还有一个叫Sondre个,老是发表歧视黄种人个言论,顽要好白相来。是伐,伊帮诶个叫“因陀罗”个是啥关系?格倒弗清爽,但是格两只戆比样平常侪老欢喜发毛病偶。

嘉宝话:红毛猩猩忒Nasos阿侪是种族主义者,Nasos则了话歧视黑人个闲话,红毛猩猩则了话看低白人个闲话,一搭一档,蛮有劲个。尔还朆看见歇老底论坛里向还有一个叫Sondre个,则了话歧视黄种人吹捧白人个闲话,还要好孛相哉。阿是,实伊忒依个叫“因陀罗”个是啥个关系?迭个倒弗清爽,但是迭两只怪平常辰光出棺材个侪则个了着练戆个。

例句二十

普通话:萨哈兄,Sunferia兄,我也有段日子没来了,今天偶尔上了一次又看到反恐,很冠希,海豹海豹,昆仑玉碎,lw109,顾伟,一统糨糊,山戎地带,睡人氏,leikuangNasosjoy这群尼堪人在挑衅了,又黑我大清,总纠着我们满族不放,真他妈太恼火,太不爽了,后悔怎么会那么手贱又点进了另类区那里。嫩江兄,别去和黄汉如此一般见识,我才不在乎,随他们去好了!
                                                            
上海话:萨哈兄,Sunferia兄,我也有段日脚没来了,今朝来般上了一趟又看到反恐,很冠希,海豹海豹,昆仑玉碎,lw109,顾伟,一统糨糊,山戎地带,睡人氏,leikuangNasosjoy格帮子尼堪人了盖寻吼势了,老是阿拉大清壁脚,拖了阿拉满族弗放,真擦乃老冒火,老弗爽个,后悔哪能会手介贱个又点进了个另类区辣块。嫩江兄,覅去搭黄汉一样格恁介老没见识,我弗怪个,随便伊拉去好来!

嘉宝话:萨哈兄,Sunferia兄,吾也横两日朆来哉,叫难般上着一汰亦看见反恐,很冠希,海豹海豹,昆仑玉碎,lw109,顾伟,一统糨糊,山戎地带,睡人氏,leikuangNasosjoy着眼尼堪人了拉寻事体哉,亦了话像伲大清,则钳牢像伲满族,真呢娘逼个弄着触火个,咬卵得了,懊恼囊会手腾贱亦点进著另类区依里。嫩江兄,未去像黄汉恁得介子呒知识,像吾叫无所谓个,随伊哒娘戳逼去歇!


以上红色为上海话的自身特色词汇,其他吴语基本都没有(其中部分是洋泾浜,部分不是),粉红色为上海话中的淮语来源词汇。

超级版主

忒空飽壘 脫底棺材 塌扁夜壺 ... ...

Rank: 8Rank: 8

母语
吳越

2010感谢一路同行 吴协三周年纪念章

发表于 2015-4-16 20:07:20 |显示全部楼层
屄都不敢寫?呃
♡♥★☆○●◎◇◆□■

使用道具 举报

Rank: 2

母语
吴语
发表于 2015-6-17 01:18:44 |显示全部楼层
應當加精

使用道具 举报

您需要登录后才可以回帖 登录 | 开户



手机版|Archiver|© 2006-2011 吴语协会 ( 网友言论不代表本站观点 )  

GMT+8, 2017-12-14 14:19

回顶部