设为首页收藏本站

吴语协会

 找回密码
 开户

用新浪微博连接

一步搞定

QQ登录

只需一步,快速开始

搜索
查看: 3785|回复: 3

「新民晚報」从上海话惯用语看上海市俗民风 [复制链接]

闲云野鹤

白纸 山泡

Rank: 9Rank: 9Rank: 9

母语
吴语

2010感谢一路同行 吴协三周年纪念章

发表于 2014-4-13 20:28:00 |显示全部楼层

2014-03-23 15:16:58 来源: 新民晚报(上海) 
上海开埠以后,是一个世界浪最早世界化个城市,欧美个“国际性大都市”里当时侪缺东方人个。上海城里,中外激荡,西风东渐,江南文脉汇聚,从籍贯来看,上海人,就是“东方全球人Oriental Global Man”,搿个就使得上海个市俗民风麇集浸润了中西融合个、辣竞争当中取胜个优质文化,大气谦和。

首先,上海人讲究“派头大”,就是举止行为有气派,有格调,讲体面,品格、风范高雅。据说“派头”一词来自英语Patten,搿个词语到了上海,就重点突出了伊个“行为型式”个“格调”含义。上海人见过大场面,中气实力足,派头就“掼”得出,勿但做出来个产品,待人处事个做派,侪讲究“上台面”、“有台型”,那怕造出来个“中国银行大楼”、“国际饭店”,也派头十足。

上海人辣场面浪讲究气派魅力,对自家却是重视律己,治家崇尚“做人家”。要做好一家人家,就要“节俭”,“富有富个过法,穷有穷个过法”;“算算吃吃,吃吃算算”,搿个是“移民客居”都市社会中打造出来个上海人个本色,因为伊拉邪气珍惜太平生活个来之勿易。“小乐惠”成为交关市民心底满足个生活方式。伊拉对小辈从小样样做好“规矩”,“坐有坐相,立有立相,走有走相,睏有睏相”勿算,尊长敬老,敬惜字纸,重视文化……朝有身份人家个一套家训看齐。上海人个“做人家”、“精打细算”,曾经创造了承担得起连续40年个83.94%上解中央财政收入个奇迹。

上海人生活情趣追求精致,养就了处理人际关系辰光,讲究识时务,深得“识相”之道。办事体往往是先“轧苗头”,察言观色,搭自家选择一个最适宜个地位,恰如其分施展才华,注意“安分”、“知趣”,尺寸浪向“候分候数”。矜持勿张扬,勿随便去冒犯对方,常常敬告人家,“勿识相要吃辣货酱”。就是对“帮忙”,上海人也是有明确界线个:辣辣友好场合,“帮帮忙”就是互相合作,互相搀扶;过分了,就是“越帮越忙”;假使干涉到别人私事了,“帮帮忙”就是让侬走开,勿要瞎搞,而且还蛮讲风度个,叫侬一声“朋友”:“朋友,帮帮忙!”侬就勿要再勿识相了!勿去影响别人是一种都市社会个文明,上海过去幼儿园里有一首儿歌:“走路轻,说话轻,放下物事也要轻,勿要老师告诉我,自家也会轻。”

发达个商业文明,培养起上海人搭朋友交往、合作成事个素质:大路。“大路”就是做事大方,气量宽宏。交往处事个底线就是“上路”。言语“脱头落襻”、做事“自说自话”,就是“勿上路”。要是行为“脱线”、尽走“歪路子”,甚至做出“落挢”个事体来,就要告伊“对勿起”“拜哎拜哎”了。


上海人认为一个人个聪明,表现辣伊个脑子是勿是“拎得清”浪向。“接翎子”要快要准,处事要贴心贴肉,深懂游戏规则。上海人甚至认为“拎得清”搿一点可以衡量一个人个综合素质,勿论伊是啥个来历,身份哪能,“拎勿拎得清”是条公平线,既是信誉,也是效率。碰着事体“拎勿清”个人,就叫伊“洋盘”、“阿木林”了。

近来,辣青年当中,又产生了一个惯用语,叫“有腔调”。搿个是生活辣21世纪个上海人对自身修养又一个高标准。当代人个格调气派是啥物事呢?伊拉提出了现代化个要求:行为举止要时髦、潇洒、风度翩翩,有个性、有型、有内涵、有气质。只要是不想out个朋友,就要做个“有腔调”个人。一时勿来事个闲话,就要通过“拗造型”拗出来,搿个就叫“in”。

该贴已经同步到 吴人的微博
假使讲nae歇政策放开个闲话,吴语是会得像希伯来语能复兴呢还是像爱尔兰语能“无可奈何花落去”?

超级版主

忒空飽壘 脫底棺材 塌扁夜壺 ... ...

Rank: 8Rank: 8

母语
吳越

2010感谢一路同行 吴协三周年纪念章

发表于 2014-5-19 01:52:25 |显示全部楼层
性命 業 報
♡♥★☆○●◎◇◆□■

使用道具 举报

姑姑

这里好久没贴子了

Rank: 3Rank: 3

母语
上海话,苏州话

2010感谢一路同行 吴协三周年纪念章

发表于 2015-11-4 12:07:50 |显示全部楼层
小家子气,出息不了。
缘起

使用道具 举报

Rank: 2

母语
吴语
发表于 2015-11-13 23:09:13 |显示全部楼层
本人也是上海的,但是客觀來說,吳語諸多地區中,最不像樣,最沒有吳語特色,最不自然刺耳的就是上海話,一點操守都沒有,一點優雅都不講,市井心態,有什麼好自詡的,應該自省才對。

使用道具 举报

您需要登录后才可以回帖 登录 | 开户



手机版|Archiver|© 2006-2011 吴语协会 ( 网友言论不代表本站观点 )  

GMT+8, 2017-4-28 12:23

回顶部