吴语协会

 找回密码
 开只户头

扫一扫,访问微社区

QQ登录

只需一步,快速开始

搜索
查看: 15873|回复: 18

【新民晚报】当务之急 哪能让中小学生开口讲上海话?

[复制链接]
发表于 2011-10-5 22:29:36 | 显示全部楼层 |阅读模式
2011-09-27                           
方言是文化与历史个沉淀,是具有独特个文明精髓个。语言勿止是交流工具,更是文化个载体。辣文化方面,大家希望看到个应该是多彩个,而勿是单一个面孔。

一个国家个人侪应该会讲共同语,但辣辣强调推广共同语个辰光,也应该尊重方言。普通闲话个推广是为了让人与人之间个交流更加顺畅,勿是要消灭方言。无论是官方语言还是地方语言,才是一个民族或地区个文化特征,语言应该是多样性个。
上海闲话是吴语个代表,是上海个地方文化个集中体现,照道理是勿应该看轻伊个。但从目前情况来看,上海小人已经勿肯讲、也讲勿来上海闲话了!

上海小人勿讲上海闲话个原因有交关,最重要个就是环境呒没了。因此,大家要行动起来,实实在在创造一眼有利于中小学生讲上海闲话个环境,促使伊拉开口讲上海闲话。

我认为可以有几个方面个工作做:首先,学堂个教育。上课用普通闲话当然是对个,但下课了就应该鼓励学生讲讲上海闲话。勿可以禁止学生说方言。除此之外,学堂还应该多组织学生去观摩沪剧、滑稽戏,来了解海派文化。

其次,公共场所用语。所有个公交、地铁报站,航站楼播报航班信息个辰光侪应该有地域文化的表现,辣用普通话、英语同时,要增加用上海话播报,以示对上海本土人民个尊重。近来看到沪语网采访上海市民,询问伊拉对上海闲话报站个看法,绝大部分个人侪认为是应该搿能做个,有关部门应该顺应民意。附近个苏州辣搿方面已经走辣前头,上海应向伊拉学习。

还有,新闻播报要有上海闲话个台。比方讲电视台个“新闻坊”,侬报个本来就是上海个地方新闻,完全可以用上海闲话来报,杭州、苏州、无锡侪有搿能个新闻播报个,上海为啥就勿可以学学兄弟城市呢!假使怕有人听不懂,下头打眼字幕出来末就可以唻!现在人用搿个办法看外国电影、电视已经老老习惯了。

只要大家齐心协力,上海个地域文化一定会得得到传承个!

作者:丁迪蒙




该贴已经同步到 吴人的微博
您需要登录后才可以回帖 登录 | 开只户头

本版积分规则

手机版|Archiver|吴语协会 Wu Chinese Society ( 网友言论不代表本站观点 )

GMT+8, 2024-3-28 19:58

Powered by Discuz! X3.4

© 2001-2017 Comsenz Inc.

快速回复 返回顶部 返回列表