【薛理勇】八月半吃芋艿
八月半吃芋艿日期：2010-09-12作者：薛理勇来源：新民晚报
文/薛理勇
阴历八月十五是中秋节。不过，老早个上海人还是习惯拿“中秋”讲作“八月半”。八月半是一年里向月亮顶圆个日脚【日子】。葛咾八月半个活动总归脱勿开团圆。以前，出嫁了个囡儿【儿n，女儿】难得有机会回娘家，反而到了八月半，婆家会得准许新妇【媳妇】回娘家团圆。上海人拿南瓜叫做“饭瓜”，到了八月半，家家人家会得做“饭瓜饼”，就像现代家家上海人吃个“月饼”。
上海人除了吃饭瓜饼外，迭个辰光，芋艿【yhuna,宁波话读nna】刚好收成。上海人家家户户就拿时鲜货【新鲜货，刚上市的蔬菜瓜果】芋艿烧毛豆，再买了鸭，三样物事【东西】，一道垃拉八月半吃。原来，古人有“荐鲜”个风俗，就是新上市个时鲜货先要供祖祭，八月半又是祭祖个日脚，生人用新上市个芋艿、毛豆祭祖宗，结束后，祭祖个食品就成了生人个口福，搿能就养成了八月半吃芋艿、毛豆个习俗。另外，垃拉【在】上海闲话里，长辈妇女【祖母或奶奶】“娪奶”又跟“芋艿”谐音，从田里挖出来个芋艿分芋艿头跟芋艿子，样子总归是当中一只大个芋艿头，四周围拉交关芋艿子，搿个确实像交关子女围着“娪奶”，勿就象征子孙满堂、全家团圆吗？当然，上海人又拿小小囡叫作“毛头”、“小毛头”，八月半吃毛豆，当然也是古人个祈子风俗。 我们也只叫八月半，好像不记得要祭祖的，因为7月半刚刚祭过么。
芋艿是 n-na 或者 nu-na
南瓜温州叫金瓜 雪裏庸 最近像煞又開始復活了 钱薛讲起上海风俗专门喜欢走低端路线，一点芋艿几粒毛豆还讲得有滋有味，还家家做南瓜饼，当上海是乡下头啊 好像上海报上谈谈沪语的，也就是钱、薛两位。特别是谈到老沪语中的一些特别说法的语源的时候，让人豁然开朗之余，也常有不大心服的地方。因为无从考较“语出何典”，就只好姑妄听之了。这种情况，好像薛要多点。 ...
z200052 发表于 2010-9-17 14:06 http://www.wu-chinese.com/bbs/images/common/back.gif
大不服！
页:
[1]