【弗可思议格稀奇事体】
本帖最后由 吴言吴语 于 2009-7-6 19:43 编辑太仓农村里的人，有信佛教格，也有信道教格，宗教观念大都弗那恁﹙怎么﹚强，弗过虚应故事罢哉！必过屋里死忒仔人，总归要请点和尚道士来吹吹打打，闹闹热热；大都数人家是以请道士为主，故所以太仓道士格生意特别好！﹙老话头“蛳螺壳里做道场”、“和尚道士着夜忙”、“至心朝礼，眼睛看勒房里”就是形容格恁梗﹙这样的﹚格情景﹚
笔者三年前到太仓最北格乡下奔丧﹙太仓话叫“喫豆腐”﹚，看见一桩弗可思议格稀奇事体，讲出来畀大家听听：
丧家该日请仔七八个道士吹吹打打，忒﹙替﹚死人发丧，死人已经大殓入棺，搁勒前头﹙太仓话，意思是“堂屋”﹚，外头场浪搭好仔雨棚，格点道士伊特正勒浪有劲搭骨格作法，一歇朝里对仔死人，一歇朝外对仔场浪供格死人牌位，跳上博碌，实在有看头。笔者看看场浪哪恁有两张台子，跑过去一看，一张台子浪供格死人神主牌，格呒啥稀奇，稀奇格是着外头﹙最外面﹚格台子浪供格牌位，一看吓仔一跳，上头是“当今皇上万岁万岁万万岁”十一个墨写大字，一拍鹘里郞头﹙脑袋﹚一想，中国格皇帝呒不仔已经八十几年哉，末代皇帝死忒仔也有四十几年哉，啊来﹙哪里﹚还有皇帝，俚歇该点道士，壳张﹙太仓话“难道”﹚是一百年门前﹙以前﹚来格，看看该几个道士，除忒几件市面浪买格道袍外，搭普通人呒啥两样，想想实在弄弗明白，勒念一世纪格今朝，还有实梗呒法子想通格事体？
附注：这是笔者用纯粹太仓方言写的，大家阿看得懂？ 壳张没听过，知道朆壳张 壳张没听过，知道朆壳张
owen 发表于 2009-7-10 20:04 http://wu-chinese.com/bbs/images/common/back.gif
壳张勒太仓方言里有三个意思：
一、预料、料到。例：俚趟朆壳张会考上名牌大学！
二、准备，打算。例：来再打忒两圈，今朝壳张输得赤脚地皮光！
三、难道，无法想象。例：该个人看上去蛮老实，搿桩事体壳张是伊做格！ 黄浦区是英国人道场，卢湾区是法国人道场:haha: 壳张是不是正字？我以前以为是“扩张”呢 当今皇上万岁万岁万万岁！！！:dizzy: 估计是老早传下来个，板要写当今皇上万岁...习惯！ 壳张是不是正字？我以前以为是“扩张”呢
吴郡守 发表于 2009-7-29 08:35 http://www.wu-chinese.com/bbs/images/common/back.gif你口中的扩没介音的？ 你口中的扩没介音的？
热度 发表于 2009-7-30 19:39 http://wu-chinese.com/bbs/images/common/back.gif
ms是个…… 本帖最后由 owen 于 2009-8-9 00:23 编辑
壳张勒太仓方言里有三个意思：
一、预料、料到。例：俚趟朆壳张会考上名牌大学！
二、准备，打算。例：来再打忒两圈，今朝壳张输得赤脚地皮光！
三、难道，无法想象。例：该个人看上去蛮老实，搿桩事体壳张是伊 ...
吴言吴语 发表于 2009-7-13 19:46 http://wu-chinese.com/bbs/images/common/back.gif
我查了汪平的资料，写明苏州话里不单说“壳张”，只能是“阿壳张”，“弗壳张”等。怪不得没听过，和太仓话不同。
页:
[1]