吴语日记，大家看看
吴语（日本式）即み正月初三きっらつ、假日たつ廿日わり過去きらい、功課いつねあわつんなつキンシかうき、ぢゃにつこも弄ろくち゜ぱお゜過日即さ？きつ門らい專業科「ヂャヴァ」あんなつ通過かうら。溫習工作にっいつた゜らす置（か゜）き、てしゅ每日心思稍す按ねて、ぱや現在か慌さつしかさ？
ど會（く゜ぁ）たつ屋り來づ上海か來きあう、あつらつハハとぅか話らい、下朝たつ屋り來しんくわつばい安全ねて、てしゅたつ寧波か來つらい。こ゜ょしん路鏑ち゜ゅたつえ早つか比っけ゜たつ貴らつ弗にん少き。
即み寫らつドリか意思じ、時間あんなつだいんかつり有ち゜あう、かつまつドリ停てっらつ。ややダウク心耐ねたつ吾おく吳語用つ寫き特别まおく文章欣賞じ。
ね回開學とゆヤマツヤてらい。
北京话
今天是已经正月初三了，放假已经放了二十天左右了，作业一点都没有去动过，老是这样下去也不是办法。那门专业科课“JAVA”也没有及格。一大堆复习工作还是那样摆在那里，只要每天花点心思在上面，难道会像现在一样慌乱吗？
这个一次回家是从上海回来的，我爸爸对我说了，下次回家还是从宁波来好了，为了安全起见。可是路费却比以前贵了不少。
今天就写到这里了，意思一下，时间不怎么充分的，那就在此搁笔了。谢谢大家耐心看看我的这篇用吴语写的特别文章了。
这回开学以后应该要像模像样的。
（括号内为用假名标注的讯读字读音。/括號り尋讀字おく讀音假名用つ标注き。）
（“あ”段和“い”段入声用“つ”表示，“お”段入声用“く”表示。延音用“っ”表示。/「あ」段たつ「い」段かおく入聲用「つ」表示き、「お」段おく入聲用「く」表示き。延音用「っ」表示き。
[ 本帖最后由 aozora2006 于 2008-2-11 12:42 编辑 ] 比其純粹日文，假名也像煞多過漢字:nonono: 根据倷格北京话版日记，我来尝试用苏州闲话翻译一遍，看看啊合倷格原意？！
今朝已经年初三哉！放仔假也差弗多已经有廿日天哉，功课倒是一点也朆去动歇过。一经实梗下去也弗是个事体！箇门专业功课《JAVA》也朆及格。一大堆格复习功课仍旧还是实梗摆勒箇搭，其实，也只要每日天勒箇浪向用一点心思，也弗会像现在实梗混乱格哉。
箇趟转来是从上海过来格。伲爹爹对我说，为仔安全起见，下趟转来还是从宁波过来好哉。倒是路费比起以前来要贵仔弗少得唻！
今朝就写到该搭点，先意思意思，因为辰光弗哪亨充足，只好就此搁笔哉。谢谢大家能够耐足仔心看完我用吴语写格箇篇特别格文章。
请指正。 糯是糯得来，蛮好！:) 照尔个北京话版个日记，翻起来个台州版日记：
基日都正月初三噢，放假阿都廿日差弗多放过去噢，作业勿眼阿呒动着，老世擤捏装落去阿勿是办法个。专业课“JAVA”勿阿呒及格。整堆头复习个工作还囥叻旁好好个，空之讲阿日加日心思囥粒上去阿，哈嚡呒会搭昌基相擤捏慌里慌张啊？
个趟勿来上海趒转来个，我爸搭我讲，讲下趟从宁波趒转来好定，安全要紧。擤捏个话路费会比早日勿贵蛮多噢。
基日便写到搭弗造，意思一记，时间弗多来弗及噢，便歇噢弗造。谢谢大江人望我个篇用吴语写个特别个文章，望个洞进去喊。
注：“勿”是语气助词，相当于“么”。
[ 本帖最后由 benojan 于 2008-2-9 11:59 编辑 ] 所有虚词都变成“假名”了，有必要吗？ 我来翻成我个无锡闲话罢............
今nga(今日)么年初三咧,寒假么也已经放仔廿日左右咧,作业倒ae(还)朆去动歇过,一脚ngau(如此,这样)得下去么也弗是啥办法.箇门专业课"JAVA"也呒不及格.一大堆个复习工作还是原旧安来阳(就是苏州话的"来浪")得,只要每日花点心思勒上头,弗信教(反问词,难道)会像伊cia(现在,如今) ngau乱kae(疑问词)?
伊ka(这次)么我是从上海转来个,我爷(我辈已经不说"爹爹"了,父母辈还是说的)搭我说,下ka为仔安全,还是从宁波转来好咧.不过路费倒要比老早ciu(贵)落弗少.
今nga就写到伊搭罢,先意思意思,辰光么也弗nan han(怎么)充足,个么只好就ngau咧啘.谢谢大家耐足心思看我伊篇用吴语写个文章.
回复 3# 的帖子
现在我们在用吴语翻译时，总是不知不觉用了很多北方词，这很难避免，因为毕竟我们学了北方话十多二十年的，已经形成的北方话思维。比如，在新一代江浙人中，还有哪些人会习惯用物事一词，我们习惯用东西一词了。
相同状况的还有：
吴语（甬江片） 北京话
是非 一定
物事 东西
铜镝 钞票
来般 偶尔
日即 日子
生活 劳动
好话 肯定
即末/今朝 今天
明朝 明天
下半日 下午
天娘 上午
馒头 面包
等等
回复 6# 的帖子
汉字表意功能突出，但表音功能却一般，用汉字写虚词并没有什么非常突出的理解功效。当初日本韩国介绍汉字使用时，于是尽量用拼音字写虚词，用汉字写誓实词，更何况这样反而能使句子成分清晰。再者，现在吴语中有很多虚词中的正字有待考究，无法写正确，甚至现在汉字字库内未收录，所以现在我用假名写虚词知识暂时做缓冲。不然全用借字写，会出现很多错别字，别人反正也看不懂，如果再用拉丁字母补注，更会影响整体文字美感。 用萧山话写写看~
哏朝侪年初三哉，放假毛廿日哉，作业一嗖嗖啊嗯纽动过哒哉，ga落去也弗侪办法。专业课JAJA也嗯纽及格，一堆复习生活侪放咚哉，要是每日分分麽，否会个毛介乱哉。
个毛侪从上海回转，爹话哉，哦毛还是从宁波回转好，为了安全，弗过铜钿大了毛毛老。
哏朝侪写到这嗒，意思记，弗写哉，辰光弗多。
谢谢大勾看个篇用吴语写的特别文章。
个毛开学要像死哉。
回复 10# 的帖子
好精炼！萧山话很传统么。比杭州市区话好得不知多少倍，个人觉得杭州话可能是全世界最怪的语言了，是吴语和河南话的杂交语，听感很差，土得掉渣。 舟山話『饅頭-麵包』講法正好和崇明話相反嘛代表我自己的上海話講法（儘量和樓主原文保持一致）：:superman:" />
今朝已經年初五了，寒假放之20天橫裡，作業一眼也沒去動過，老是搿副樣子下去弗是啥辦法。誒門專業課JAVA也沒及格，一足堆復習傷活還是老樣子擺了嗨。祇要每天用眼心思來勒高頭，哪可能搭現在一樣手忙腳亂？
搿趟子回屋裏是從秀州轉來呃，阿辣爺老頭子講了：出於安全考慮，下趟子麽還是從明州過來好了。不過路費要比從前貴交關。
今朝就先寫到此地，意思意思，辰光弗大充足，就此擱筆了。謝謝娜耐心看光我搿篇用上海話寫下來有眼特色呃文章。
開學之後應該要像像樣樣點了。
:happynewyear:獻醜了
我還想問一下樓上幾位朋友，誰是看了樓主的漢字假名混合版直接改寫的？
[ 本帖最后由 热度 于 2008-2-11 15:07 编辑 ]
回复 12# 的帖子
你“寒假放之20天橫裡”中的“橫裡”用的得真妙啊，我写的“廿日わり”中的“わり”就是“橫裡”。回复 12# 的帖子
还有啊，你的上海话宁波味很浓！由很多宁波词 從籍貫浪講血統麼，我是3/4寧波人呀:hihi: 原帖由 aozora2006 于 2008-2-11 12:22 发表 http://wu-chinese.com/bbs/images/common/back.gif汉字表意功能突出，但表音功能却一般，用汉字写虚词并没有什么非常突出的理解功效。
假名表音功能更差，日语元音数目不够。更何况很多虚词的正字是早有定论的，为表音而表音的态度不可取。 如果用日本假名表音的話，我覺得很奇怪~
而且日文的發音比較少！不夠用~
回复 1# 的帖子
看我用比松江还要土个泖港言话：今朝已经是年初三[口鞋]哩，已经放仔毛廿日天假拉哩，作业一“内”也没做，一直实介下去也勿对个。埃门专业科个“JAVA”也勿及格。行形行形复习生活还没动过，叫得每日天用一“内内”（就是上海话一眼眼）心，哪恁会像现在能介忙来碌乱？
搿趟回来是从上海走拉个，“那”（表示我的）爷对奴讲，下趟回来还是从宁波走好，主要是为市（仔）安全。只勿过船钿要比本来贵脱行形。
今朝就写到搿呆（表示这里），约莫着写一“内”，崇光也勿够，就拉搿呆停下来。谢谢大家心相好，看奴搿篇用吴语写拉个特别文章。
搿趟开学仔应该要好好能读书。
[ 本帖最后由 泖港人 于 2008-2-14 09:03 编辑 ]
回复 17# 的帖子
是的,阿拉吴语音素真的很丰富!! 一篇日记翻出仔实梗几化弗同格花样。吴语方言区里格方言，可见吴语闲话格丰富多彩。
页:
[1]
2