吴人 发表于 2012-11-17 15:54:38

百校沪语擂台赛啥人闲话讲得赞

http://www.enorth.com.cn  2012-11-14 18:13


  
  侬晓得现在学堂里顶闹猛个是啥?搿一定是上海歌谣。由上海市教育委员会教学研究室、上海教育报刊总社主办,上海教育新闻网搭上海中学生报社承办,新民晚报上海闲话版作媒体支持个“上海歌谣——2012百校风采擂台赛”,现正垃拉全市百所中学如火如荼个开展。

讲上海闲话
  
       搿趟参赛作品内容丰富,有紧跟潮流个《阿拉上海style》跟《杜甫老忙个》,也有传统文化个浦东说书《红娘谏书》、《顾绣情思》;有沪剧表演唱《芦苇疗养院》,也有无伴奏合唱《摇啊摇》。还有浓浓爱校情结个《我爱澄衷个理由》、《怒江style》等等,参赛作品展示了学生子多方面个才华,同时伊拉也拿讲上海闲话个本事体现出来了。全市一共有60所学堂入围搿次活动复赛。评委们搭交关老师希望能够通过沪语擂台赛个平台来弘扬本土文化。介许多非上海人来到上海学习工作,伊拉还是来为梦想打拼。就讲搿趟活动,参赛表演个学生子中有上海本地个学生、也有外地学生、还有外国个学生参加。复旦初级中学勿单单垃拉参赛个学生中传唱上海歌谣,还利用班会个辰光,垃拉全校规模内进行上海歌谣比赛,让更多个学生融入到了学讲上海话、学唱上海歌谣个活动中来。宛平中学是垃拉音乐、艺术课当中让学生学习演唱上海歌谣。

学上海民俗

  对于在校学生子,呒没更多个途径搭机会接触学习除学科教科书以外个知识,更勿要讲了解上海本土文化资源了。本届“上海歌谣”百校风采擂台赛,为学生打开了一扇了解“上海本土文化”个知识大门。

       新场古镇是上海浦东原住民的生态博物区,也是国家非物质文化遗产保护项目“锣鼓书”个原生地。上海市石笋中学以锣鼓书艺术作为学堂开展民族教育个重点,学生子创作锣鼓书歌谣《桃花谣》,用本土话唱出了伊拉农村小囡质朴个心声。滚灯是奉贤柘林地区有一千多年个历史悠久个民俗民间文化,拨拉国务院批为我国第一批非物质文化遗产。柘林中学和奉贤中学以奉贤当地个民俗“滚灯”为材料,表演节目。难能可贵个是,表演个学生大部分是外来务工人员个随迁子女搭一部分少数民族个学生。松江顾绣唯美神奇,松江一中个学生走出校门到松江各乡镇去采风,学讲沪语。钱夏红、赵钥两位老师还编创了音乐情景剧《顾绣情思》。青浦田山歌是当地农民垃拉田头劳动辰光用方言演唱个一种土调子,声腔高亢独特,尚美中学以这一已勿多见个田山歌作为参赛节目,为保护上海本土文化出了一份力。
 
编上海歌谣

  《江南style》风靡全球。上海市怒江中学以此改编个《怒江style》,勿仅是学堂学习生活个缩影,更是让学生喜欢上了上海话。上海市体育学院附属中学个《老老欢喜侬》是一首上海原创个沪语歌曲,由师生共同参与完成。华东师范大学松江实验高级中学个师生拿最时尚个rap搭最久远个30年代老上海个小曲混搭垃一道,形成了参赛作品《霞飞路的87号》,大胆个创意魅力无穷。希望更加多个学生参与到搿个活动当中来!




http://wu-chinese.com/bbs/xwb/images/bgimg/icon_logo.png 该贴已经同步到 吴人的微博
页: [1]
查看完整版本: 百校沪语擂台赛啥人闲话讲得赞