叹头:“七叶一支花”为角儿叫“猴传草”?
老早柏枯前头,东图上图山搿宕郎柴草树木簇簇密,野兽托托是。有个叫张士芳搿个人,专门到山高头起打野兽。有卯子,张士芳江子辣勒半山腰,见前头石出两只狲,一只大一只小,小格只跟勒大格只毛牢,搭果毛亲热。张士芳伴勒株大树后头,用箭瞄牢勒狲。 两只狲一丢咪觉着有人,顾自家爬到一株几人抱格大樟树浪起寻吃格。大狲先爬勒树浪,小狲刚爬勒上头,树洞里岸出里毛里跄出关蛇,咬勒伊一口嘴,小狲“吱……”格一声,“别”一下孟树高顶掼勒落来,徠地高顶撒手格擂滚、啼叫。 大狲看勒介样子,徠四兴岸寻勒煞,采勒株草來,徠小狲咬伤格坞宕撘勒几撘,一煞煞,小狲就勿叫勒,又捱勒煞,两只狲就踪记踪记踪到別对里起勒。 张士芳伴勒树后头勒煞煞之清爽。等勒狲起勒后,伊攒起呒带株草,细细叫一,搿株草有七蓓叶子,顶浪有一朶小花。伊照搿样子,徠近边浪拔勒一大蓬,佗回村里。后歇来,村档里人拨蛇咬勒,用搿个草一敷,果真搭果交关灵光。从介卯后,大家拨搿种蛇咬草药土名叫伊“猴传草”,正式搭果名字叫“七叶一支花”。
方言词汇注译:
【老早柏枯前头】——很早以前
【搿宕郎】——这里
【簇簇密】——十分茂密
【托托是】——很多很多
【搿】——这,音“葛”
【专门】——经常
【山高头】——山上
【有卯子】——有一日
【江子】——刚
【辣】——爬
【见】——望见
【石出】——动词,窜出
【狲】——猴子
【搭果】——好象、似乎
【伴勒】——躲在
【一丢咪觉着】——一点也不知
【洞里岸】——洞里边、洞中
【出里毛里】——突然
【跄】——动词,速度相当快的窜跳、冲奔
【关】——量词,条
【孟树高顶】——从树上
【掼】——摔
【徠地高顶】——在地上,徠——在。
【擂滚】——打滚
【看勒介样子】——见状
【四兴岸】——四周
【寻勒煞】——找了会
【撘勒几撘】——擦了几下
【一煞煞】——一会儿
【捱勒煞】——过了一会
【踪记踪记】——跳呀跳
【別对里】——別处
【勒煞煞之清爽】——看得清清楚楚
【攒起】——拾起
【呒带】——那
【细细叫】——仔细
【蓓】——量词,叶片的“片”、“张”
【近边浪】——附近
【拔】——採草药的採叫“拔”
【大蓬】——大把
【佗回】——带回
【后歇来】——后來
【村档里】——村中
【拨】——被、给、把
【果真搭果】——果然如此
【从介卯后】——从此
【蛇咬草药】——治蛇伤草药
【正式搭果】——正正经经
[ 本帖最后由 富春山越 于 2006-10-6 10:50 编辑 ]
页:
[1]