阿毛与山妹
头场，富春江两兴岸，江滩沿浪勿大好走，船要扳纤，才勒一丢丢撑过去。搿时光，有个纤夫阿毛，廿六七岁样子，块头蛮扎致，做人蛮实在，徠纤夫当中蛮有威信。伊欢喜上勒一个叫山妹子格大姑娘，只为屋里穷勿敢起提亲。山妹子好两次催蹩伊，什伊划是咪法子来讨伊。
一日子，富春县县官，眇着了山妹子，搭果猢狲见仙桃格样子喉煞勒。目浪派勒人来提亲。山妹子伢爹是个势利人，见勒县官老爷來提亲，欢喜煞勒，连快收勒聘礼，只等县官老爷拣日子來迎娶。
山妹子急煞勒，想拨个事体同阿毛讲一声，但爷娘拨伊关勒房间里头，覅伊出来。一日半夜三更，伊敲断窗栏栅，爬勒出起，捂到阿毛拉草屋里，点确子阿毛勿徕屋哩，什伊到百里外格娘舅屋里送丧去勒。
等到阿毛徊转来，山妹子已覅得哈里起勒。因为富春县县官讨勒山妹子后，目浪调任到別对里起勒。阿毛得知，着致心痛煞勒，日日相魂灵勿徕身浪，每日只是一声勿响板纤，一句叹头也讲勿。
搿样过勒四年头。一日子，阿毛板着一只官船，徕江滩沿浪出力格走着，出里毛里间梦（从）船浪传过來一道清脆格歌声：“妹妹真心待阿哥，阿哥一別呒踪影……。”阿毛听勒呆煞勒，搿实別是山妹子格喉气。于是回转头撒手呕：“山妹子！山妹子！”船高头歌声一头三千停勒。接落来响起來是格一道喝骂声：“唱！昨儿勿唱？老爷讨勒俉（音n），就为勒要俉唱。”接落来又传过來“啪啪”的括头爿格声响。
船浪实別是山妹子，伊勿顾打骂，撒手呕：“阿毛哥！阿毛哥！”船浪搿个当官咯一见，气煞勒，一顿拳头巴掌象落雨格落徕山妹子身浪，阿毛火冒三丈，呕勒淘伴邦忙，拨船一卯间挞勒岸边浪。
船浪搿（音葛）个官员目浪叫打手冲向纤夫们乱杀乱砍，罪过呀！赤手空拳格纤夫死伤木佬佬。山妹子看勒介样子，或道阿毛也逃勿出，打拚同伊共赴黄泉，就一口嘴吞落勒金戒子。等到阿毛拚命杀开血路，抢勒船上，伊已是勿大好勒，见勒阿毛，拚最后一口力气说：“阿毛哥！我对俉（n）勿起，我先起勒，俉……俉要拨我报仇。”阿毛听勒，心痛勒人也覅做勒，夺过官兵格刀，踪到岸上，性命掼勒背脊头，一顿大砍大杀。等伊杀完勒打手，搿官员已弃船勒底逃勒。阿毛尴俉肯放过，蹩勒上起杀了贪官。徊到船浪船高头，刮來格财物满满挡挡一船，一丟咪带起。就拨贪官格搿些金银财宝埲勒山浪挖勒个大潭藏勒里岸。再徊转来扱起山妹子，一脚一步走到江沿头格小山浪，挖勒个潭，先葬勒山妹子，象力气叫勒一声：“山妹子等等我！”一头三千碰死徕坟头浪。
大家佩服伊格为人，拨伊尸骨也葬到山妹子身干，立了两块碑，一块写“毛”，一块写“山”，后歇來搿支山就叫作“毛山”，就徕更早富阳新桐乡下际村边浪。阿毛藏勒搿里格搿些金银财宝，后人也去掏过，勿过都掏勿着。伢话，只有一个过路人，路过毛山，见一淘小鸡勒底啄（音得）食司，拨伊牢一只，回旦回起，闯道是一只金元宝。 怒赞~
富阳民间故事啊。有些字的写法还可以商榷，比如“我先起了”实际是“我先去了”，慢慢来。:D
页:
[1]